Hiraeth Play: Legend of Cantaga | TO BE PUBLISHED UNDER IMMAC

51 | Princess In Wooland

Chapter 51

Ikatlong Persona

Hindi maalis ang malawak na ngiti mula sa mga labi ni Flyn habang hawak niya ang isang aklat. Habang nakaupo sa isang maliit na upuan ay nasa kaniyang harapan ang mga paslit na nakangiting nakikinig at nakaupo sa damuhan.

Sa ilalim ng matayog na puno sila'y nagkumpulan. Nakangiting nagbabasa ang binata sa harap ng mga paslit. Upang mas bigyang buhay ang pagsasalita niya'y pinalutang niya ang aklat sa kaniyang kamay. Sa simpleng bagay na ginawa niya'y napanganga niya ang mga paslit. Bakas sa mukha ng mga ito ang pagkahanga habang nakatingin sa kaniya.

"Ang munting prinsesa'y napunta sa panibagong mundo. Ang mundo na ito'y puno ng hugis kabute na mga tahanan. Ang paligid ay puno ng mga puno na kakaiba sa paningin ng dalaga sapagkat ang mga ito'y paikot at ang mga dahon nito'y kumikinang." Nakangiting sabi ni Flyn at kasabay ng galaw ng kaniyang kamay ang paglipat ng pahina ng aklat.

An image suddenly projected from the book he was holding. The image showed houses look like large mushrooms. Trees that look weirdly curled and bloomed with exotic fruits that are appetizing to look at. Ang binabasa niya'y nasisilayan ng lahat habang nakalutang ang aklat sa ere.

"Sa paglalakad ng prinsesa'y una niyang naisip na kakaiba ang itsura ng mga tahanan. Ang bubong nito'y tila isang kabute't ang buong paligid ay bago sa kaniyang paningin."

Ang imahe sa kanilang harapan ay biglang nagbago. Lumitaw ang imahe ng kaniyang binabasa. Sa harap nila'y kita ang mga kakaibang tahanan na mukhang higanteng kabute't dahil dito ay lalong napahanga ng binata ang mga paslit. Sila'y interesadong makinig at noong oras na 'yon ay tila ayaw na nilang umuwi.

"Maingat niyang hinakbang ang kanyang mga paa. Nanatili ang tingin niya sa mahahabang damo sa lupa. Ito'y kakaiba sapagkat ito'y dalisay. Walang kulay at tila isang salamin."

As he snapped his fingers, pictures of magnificent crystal clear flowers appeared before them. Lumawak ang ngiti ng binata nang makita ang tuwa sa mukha ng mga paslit. Kinumpas niya ang kaniyang mga kamay upang ipakita sa mga ito ang susunod na pangyayari.

An image of a red haired guy with his clone beside him appeared. One was wearing a red attire, while the other's was blue and was taller than the princess. Mamula-mula na parang isang kamatis ang mukha nito habang nakatingin sa dalaga.

"Huminto sa paglalakad ang prinsesa dahil dalawang lalaki ang humarang sa kaniya. Sa unang tingin palang ay kilala niya ito. Ang dalawang lalaki'y may iisang mukha. Ang pula nitong buhok at ang hawak nitong pamaypay ay pamilyar sa kaniya. Tama! Ang taong ito ay walang iba kundi isa kanyang mga kaibigan!" Masigla niyang sabi't saglit na nilipat ang tingin sa madla.

"Hindi maintindihan ng prinsesa ang nangyayari. Saan siya napunta't bakit nandito ang kaniyang kaibigan? Ang tanong sa isip niya'y nasagot nang magsalita ito." Kunot-noong binasa ni Flyn ang mga susunod na salita mula sa aklat at ginawang mas mababa ang kaniyang boses.

"'Hahayaan kitang makalagpas sa daan na ito' sabi ng isang kulay pula ang suot. 'Kung masasagot mo ng tama ang aking tanong!' sigaw ng kulay asul ang suot. Gusto niyo bang malaman kung ano ang kaniyang tanong?" Mapaglarong sabi ni Flyn. Umusbong ang kuryosidad sa isip ng mga paslit dahil sa kanilang narinig. At karamihan sa kanila'y walang tigil ang pagtango.

Samantala'y naiinip na tinapunan ng tingin ni Koen ang kaniyang kaibigan habang ito'y nakaupo sa harap. Inis niyang tinakpan ang kaliwa niyang tainga gamit ang kaniyang kamay. Taliwas sa ugali niya ang kahiligan ni Flyn sa mga bata. Ang totoo'y kanina pa siya naiirita sa mga ito.