Ang Boyfriend Kong Engkanto (Published by Bookware)

Chapter 26: Relative?

Literally, nganga ang lola niyo.

Seryoso ba siya?

Kung nakakatandang kapatid siya ng Hari edi pamangkin niya si Pio. Pero bakit nandito siya sa mundo ng mga tao? Anong ginagawa niya dito?

"Kapatid mo ang aking Ama? Papaano nangyari 'yon? Hindi ko alam na may kapatid siya. Hindi niya ito nabanggit sa akin." Ani Pio.

Good questions Pio.

"Dahil matagal na panahon na nang pinaalis ako ng aming ama sa kaharian."

"Ngunit bakit?" Tanong ni Pio.

"Dahil nagmahal ako ng isang tao. Mahigpit na ipinagbabawal iyon sa kaharian."

"Sino? Nasaan siya?" Tanong ni Pio.

"Wala na siya. Matagal na siyang yumao." Sabi ng matanda at halatang nalungkot ito.

"Ikaw? Papaano ka nakarating dito?" Tanong ng matanda.

"Tumakas ako mula sa kaharian dahil ikinulong ako ni Ama." Sagot ni Pio.

"Bakit?" Agad na tanong ng matanda.

"Dahil po sa 'kin." Sumabat na ako.

"Oh!" 'Yon lang ang nasabi niya. Sa tingin ko ay naintindihan niya na.

"Matagal ka na ba dito?" Tanong ni Lady V kay Pio.

"Ilang araw pa lamang." Sagot ni Pio.

"Kumusta ang kapatid ko? Ang reyna?" Tanong ni Lady V.

"Mabuti naman sila." Sagot ni Pio at napangiti si Lady V.

"Naalala ko noong ipinagbubuntis ka ng Reyna. Pumupunta dito mismo si Filomino kahit siya na ang Hari ng Simeria upang iabot sa akin ang sulat ng iyong ina. Matagal daw siyang hindi lumabas ng palasyo dahil maselan ang kalagayan niya. Siya ang pinakamatalik kong kaibigan. Sa liham lamang kami noon nag-uusap ni Sonayda. Alam mo bang ako ang nagbigay ng pangalan mo?" Masayang sabi ng matanda.

"So, ikaw po pala.." Sabi ko.

"Ang alin iha?" Tumingin siya sa 'kin.

"Uhh.. Ikaw po pala ang dahilan.. kung bakit ang cute ng pangalan ni Pio." Nasabi ko na lang sabay yuko.

"Yes. Now, about the ring.. Sigurado ka ba na gusto mo itong ibenta sa akin?"

"Oo.. Hindi ko naman iyan kailangan."

"Ngunit simbolo ito ng pagiging prinsipe mo."

"Wala nang silbi pa ang singsing na iyan. Hindi na ako isang prinsipe. At saka gusto ko rin makatulong kay Alex." Sagot niya.

Napabuntong hininga na lang ang matanda. "Very well... Since you are my nephew and given that this is a really valuable ring, I will give you five million for this." Binaling niya ang tingin sa akin. "Is that okay with you?"

"Fa-five million po ba?" Hindi ako makapaniwala sa narinig ko.

"Yes. Is there a problem?"

OMG! Totoo ba 'to? Five million para sa isang singsing?

"Wa-wala naman po." Gusto kong tumambling.

Iniabot ng secretary niya ang checkbook kay Lady V at pinirmahan ito. Is this really happening? Napakalaking halaga naman nito.

"What's your name again?" Tanong niya.

"A-Alexeen Sevilla po." Sagot ko.

"A-le-xeen-Se-vi-lla." Pag-uulit niya. "Like this?" Pinakita niya sa 'kin.