လီ​ဝေ့ရန် (Zawgyi)

55.ချက်ဆို နားခွက်ကမီး​တောက်

လီ​ဝေ့ရန်က ဦးညွှတ်လိုက်ပြီး

“အရှင်မင်းကြီးရဲ့ဝန်ထုပ်ဝန်ပိုး​တွေကိုခွဲဝေနိုင်ဖို့အတွက် အဖေက အခြေအနေတွေကို နားလည်ရန်အထူးသူလျှိုတစ်ဦးကို ​ဘေးသင့်​ဒေသ​တွေဆီစေလွှတ်ခဲ့ပါတယ်။ သူရဲ့ပြောစကားအရ အရာရှိတွေက အ​ထောက်​တော်တွေ ရောက်လာမယ်ဆိုတာကို ကြားလိုက်တာနဲ့ ချက်ချင်းပဲ မီးဖိုကြီးကို ညတွင်းချင်း တည်ဆောက်လိုက်ပါတယ်တဲ့။ ​နောက်​တော့ "နိုင်ငံပိုင် ရိက္ခါ"ဆိုသော စာလုံး​လေးလုံးကို​ရေးဆွဲပြီး အဝါ​ရောင်ဆိုင်းဘုတ်ကို ဝါးလုံးနဲ့ အမြင့်မှာချိတ်ဆွဲ​စေကာ ဒုက္ခသည်များကို စုဝေး​စေဖို့ စောင့်ဆိုင်းခဲ့ကြပါတယ်။ အ​ထောက်​တော်​တွေ​ရောက်လာချိန်မှာတော့ သူတို့က ခေါင်း​လောင်း​သံ​ပေးပြီး ယာဂု​တွေကို ​စတင်ပေး​ဝေခဲ့ပါတယ်။ အ​ထောက်​တော်များပြန်သွားချိန်မှာ​တော့ သူတို့က မီးဖိုကို ချက်ချင်းပဲသိမ်းဆည်းလိုက်ပြီး ဘေးအန္တရာယ် ကယ်ဆယ်ရေးလုပ်ငန်းစဉ်များကိုလည်း အပြီးသတ်လိုက်ပါတယ်။ အရှင်မင်းကြီး၊ အရာရှိများက သူတို့ရဲ့အိတ်​တွေထဲကို လက်ယက်ထည့်ရုံတင်မကပဲ ပိုဆိုးတာက​တော့ သူတို့က ရိက္ခါအ​ရေအတွက် များပြား​သ​ယောင်ဖြစ်​အောင် ထုံးရွှံ့​တွေကို အသီးအနှံများနဲ့ရောနှော​စေတဲ့အပြင် ​​နောက်ဆုံးသစ်ခေါက်​တွေကို​တောင် အိုးထဲထည့်​စေခဲ့ပါတယ်။ ဒုက္ခသည်များက ထိုကဲ့သို့​သော ယာဂုကို ဘယ်လိုမှ မ​သောက်နိုင်ပဲ အစာရေစာငတ်မွတ်ပြီး သေ​ကြေရပါတယ်။ ဤကဲ့သို့ ​ဖြေရှင်းချက်များ​ကြောင့် ဘယ်လိုလုပ် အဓိကရုဏ်းများ မဖြစ်ပဲ​နေနိုင်ပါ့မလဲ"

ဧကရာဇ်က နားထောင်ပြီး​နောက် အံ့သြမှင်တက်မိ​နေသည်​။ သူစိတ်ကူးကြည့်လို့​တောင်မရသည့်အရာများက အမှန်တကယ်ဖြစ်ပျက်ခဲ့သည်ဟု သူက မယုံကြည်နိုင်ဖြစ်​နေရသည်။ သူသည် လီ​ဝေ့ရန်​​လျှောက်တင်​သည့် အရာရှိများ၏အကျင့်ပျက်ခြစားမှုကို မယုံနိုင်​ပေ။ အဘယ်​ကြောင့်ဆို​သော် သူကိုယ်တိုင်ပင် ကင်းလှည့်အ​ထောက်​တော် အဖွဲ့၃ဖွဲ့ကို စေလွှတ်ထားပြီး အဓိကရုဏ်း၏အကြောင်းရင်းကို မဖော်ထုတ်နိုင်သေးသော​ကြောင့်ဖြစ်သည်။ ဆို​ပေမယ့် ဒီမိန်းကလေးသည် ဒီကိစ္စနှင့်ပတ်သက်၍ ရှင်းရှင်းလင်းလင်းနှင့် ယုတ္တိရှိစွာပြော​နေသည်။ အကယ်၍များ ဒီမိန်းကလေးသည် ပေါ့ပေါ့တန်တန်ပြောဆိုနေသည်ဟု သူ့ကိုယ်သူ​တွေး​တောထင်မြင်မိသော်လည်း ဒါက​မဖြစ်နိုင်ပေ။