"ထွဋ်ဦးထင် မလာတာကြာပြီ အလုပ်ရှုပ်နေတာလားဒါကာလေး..."
"တင်ပါ့ဘုရား..."
ထွဋ်ဦးထင်ပြန်ဖြေပြီး ဘုန်းဘုန်းကိုကန်တော့လိုက်သည်။
"အလုပ်တွေရောအဆင်ပြေလား..."
"အဆင်ပြေပါတယ် ဘုရား...
ပန်းတွေလည်းရောင်းရပါတယ်...
အခု ပန်းလာပို့ရင်းဘုန်းဘုန်းဆီကအဆောင်လက်ဖွဲ့လေးလာတောင်းတာပါ..."
"ဘာလုပ်မလို့လဲကွ...
ဘုန်းဘုန်း မင်းကိုပေးထားတယ်မဟုတ်ဘူးလား...."
"တင်ပါ့ ဘုရား...
တပည့်တော်ကြိုးကရှိပါတယ်ဘုရား...
အခုက တပည့်တော်အိမ်မှာရောက်နေတဲ့ကလေးအတွက်ပါဘုရား..."
"အေး မင်းအိမ်ကိုကလေးတစ်ယောက်ရောက်နေတယ်ဆိုတာတော့ကြားတယ်...
ကလေးကဘာဖြစ်လို့လဲ?..."
"ကြီးကြီးကျယ်ကျယ်ရယ်တော့မဟုတ်ပါဘူး ကလေးကနည်းနည်းလေးကျန်းမာရေးလေးချူချာချင်သလိုရှိလို့ ဘုန်းဘုန်းဆီက အဆောင်ကြိုးလေးလာတောင်းတာပါဘုရား..."
ထွဋ်ဦးထင်လျှောက်လိုက်တော့ ဘုန်းဘုန်းက အနီရောင်ကြိုးလေးကိုကိုင်ပြီး ပြန်ကြွလာသည်။
"ကလေးလည်ပင်းမှာဆွဲပေးလိုက်..."
"တင်ပါ့ ဘုရား..."
ထွဋ်ဦးထင် ဘုန်းဘုန်းဆီကလက်ခံယူလိုက်တော့ ထွဋ်ဦးထင်လည်ပင်းက ဆွဲကြိုးလေးက အပြင်ကိုကျလာသည်။ ကြိုးအနီနဲ့ရစ်ပတ်နေတဲ့ရွှေဆွဲကြိုးမှာချိတ်ဆွဲထားတဲ့ လက်စွပ်ကလေးကတဖျက်ဖျက်လက်နေသည်။
"ဒီလက်စွပ်လေးက..."
ထွဋ်ဦးထင်ပြန်ထိုင်လိုက်တော့ ဘုန်းဘုန်းက ထွဋ်ဦးထင်လည်ပင်းဆီကလက်စွပ်လေးကိုကြည့်ပြီးမေးလာသည်။
"တင်ပါ့..
ဒါ တပည့်တော်လက်ဆောင်ရထားတာပါ ဘုရား..."
မဖြစ်နိုင်တာ ဒီလိုလက်စွပ်မျိုးက၂ကွင်းရှိနိုင်ပါ့မလား...
"ဘယ်သူ့ဆီကများလဲ?..."
"တပည့်တော်အိမ်က..."
"ဘုန်းဘုန်းဘုရား အောက်မှာသဲကားရောက်နေပါတယ်ဘုရား..."
ထွဋ်ဦးထင်စကားမဆုံးသေးမှာဘဲ ဦးလေးတစ်ယောက်က သဲကားလာတယ်ဆိုပြီး ဘုန်းဘုန်းလျှောက်လာသည်။
ESTÁS LEYENDO
Kham(ခမ္း) (completed)
Romance'ခမ္း' ဆိုတဲ့ ေကာင္ေလးတစ္ေယာက္ သူ႔အိမ္ကို ဆိုက္ဆိုက္ၿမိဳက္ၿမိဳက္ေရာက္လာခဲ့သလို သူ႔နွလံုးသားထဲကိုလည္းဆိုက္ဆိုက္ၿမိဳက္ၿမိဳက္ေရာက္လာခဲ့သည္.......
