"سبحان الله وبحمده سبحان الله العظيم"
"صلوا على أشرف الخلق ❤️"
#إقتباس_3
كانت تجلس في المقابل لوالدها ودموعها تنهمر على وجنتها قائلة بصوت أجش أنهكه البكاء:
_ حرام عليك يا بابا، ليه عايز تجوزني للإنسان ده، دا إرهابي يا بابا..! ليه تدمرني وأنا لسه صغيرة! أنا بكرهُ بكرهُ أوي مكرهتش ولا هكره حد قد ما كرهته.
ضرب والداها بعصاه الأرض وتجمدت ملامحه أكثر ليصك على أضراسه مردفًا بصرامة:
_ والله عال يا ست غَسَق بتعصي أوامري، بن عمك وأولي بيكي وهو الوحيد إللي يجدر يحميكي..
هبطت دموعها كالشلال وحاولت أن تجد كلمات مناسبة كي يرق لها قلب أبيها لتخرج بعض الأنات وهي تصيح بإنفعال:
_ وأنت روحت فين يا بابا! افهمني أرجوك دا إرهابي عارف يعني إيه إرهابي؟!
قاطعها والدها متحدثًا بكدرٍ:
_ آي حد بقا بيتحدث بالدين إرهابي! على أوضتك وجهزي نفسك للجوازه بإبن عمك.
وقفت وهي تأخذ نفس عميق ثم قالت بقوة لا تعلم من أين أتت بها، فهي دائمًا مغلوبة على أمرها لا تخرج كمله من فاهها غير "حاضر" و "نعم" لوالدها الذي أحسن تربيتها فهي وحيدته ولم تخرج عن طوعه قط لكن الأن أختلف الوضع.. ليست بضعيفه ولكنها لا تعترض لأمره قط:
_ مش هتجوزه يا بابا لو آخر راجل في الدنيا مش هتجوزه، مش دا إبن عمي بس مش هتجوزه، وحضرتك عارف كويس أنه إرهابي مش بيتحدث بالدين زي ما حضرتك بتقول، دا مغطي سواده تحت الدقن والمسجد إللي بيروحه أنما حضرتك متأكد أنه أوسخ واحد في الدنيا دي كلها وأنا بقولها أهو.. لو على قطع رقبتي مش هسلمه نفسي أنا بكرهُ، ولو وصلت أني أموت نفسي هموتها علشان أرتاح يا بابا..
ثم أضافت وهي تنظر له بشئ أشبه بالكمد:
_ ولو حضرتك رضيت تسلم بنتك أنا مش هرضي أسلم نفسي وعرضي لإنسان قذر، مش قادر يحافظ على نفسه علشان يحافظ عليا، عن إذنك يـــا.. إمام الجامع..
الدنيا هتولع يا جدعان😂😂
أيه رأيكم في الكلام إللي حصل ده؟
مين العريس؟!!!
أنتظروني قريبًا جدًا💥
#وقعت_في_أحضان_صخر🥀
كل الحب ❤️🌏
زينب فراج ZEINAB FARAG ❤️🌏
