أنا بصراحه فاااااض بيا😂😂
خلاص هنزل توضيح كامل متكامل مره واحده عن كل الاحداث المهمه..
أولاً كدا..
1. أيهم هو الصخر اللي متوفقش على طلبه في كلية الشرطه والمخابرات..
مين سلسبيل دي هتظهر مع الاحداث.. علاقتهم كانت عامله إزاي أظن واضح أن حب بس على طريقتي أنا!! فين سلسبيل؟ راحت فين؟ دي حاجه هتظهر مع الوقت
2. غسق كانت متجوزه غصب عنها وشافت الويل وبعدين اطلقت لسبب هنعرفه قدام شويه.. ولما أغمي عليها في البارت اللي قبل اللي فات أنا وضحت وقولت أنها شافت طليقها.. بيعمل اي؟ أو ماشي وراها أو لاء دا هنعرفه بعدين..
غسق عندها نوع من أنواع العقد النفسيه.. بطريقة أو بأخرى عقلها مشوش أوي.. مش عارفه هي عايزه اي ولا عايزه توصل لايه بس قدمها فكره واحده عايزه تعيش لوحدها من غير ما تحتاج لحد.. ودا هنشوف هيحصل ولا لاء..
_ غسق عايشه عند أيهم (الصخر) علشان يحميها من الناس اللي صورتهم وماكسه عليهم دليل في الفلاشه اللي دايما معلقاها في رقبتها..
_ أيهم أو الصخر زي ما تحبوا وافق أنه يبقي حارس لغسق مش علشان جمال عيونها ولا طمعان في حبها وعشمنا في قربها وكلام من دا.. تؤ تؤ دا علشان كدا بيحمي نفسه وعائلته، لو انكشفت هو هينكشف..
3. ليل واضح أنه بيحب آسي.. وأنا قولت واضح!! ممكن ميكونش أكيد..!!
آسي نفسها مش فاهمه نفسها علشان أقولكم إذا كانت بتحب ليل أو غيره..
4. رعد بيحب طلقته جدا وعرف أنو عندو إبن منها.. سبب طلقهم لسه مظهرش.. لما كان في أول الفصول قاعد بيكلم صورة حد أكيد واضح أنها سارة..
5. سارة أو طليقة رعد أو أم مازن زي ما تحبوا بردو.. صحفيه واضطرت تودي إبنها لأبوه اللي ميعرفش حاجه عن وجوده أصلا.. ممكن يكون مازن ابنهم سبب أنو يرجعهم لبعض! أو ممكن يكون سبب في قفل كل جوارح الماضي وكل واحد فيهم يبدأ بدايه جديده..!! لسه هيظهر..
6. الكتكوته بتاعتنا الصغننه شاهي، ظهر أنها كانت بتحب واحد تاني غير ما كنتوا متوقعين.. الشاب دا له قصه كبيره هتظر بعدين..
.
والله لو فيه لسه نقط مبهمه بالنسبة ليكوا قولولي وأنا هرد عليكم...
بس يعني متبقوش مش بتقرأوا اللي بين السطور وتقولوا مش فاهمين.. طبيعي جدا متفهموش لما تعدوا الكلام اللي بقعد اكتبه بالايام دا..
دا مش مجرد كلام بين سطور دي قصص ووجع لازم ناخد بالنا منها..
أنا مش شايفه أن الرواية فيها نقط مش واضحه، بس كل شوية حد يقولي مش فاهم حاجه.. قولت أوضح كل النقط الأساسية أكيد مش هكتب ١٧ بارت هنا دا تلخيص، اللي لسه في حاجه مش واضحه يقولي👍
