وقعت في أحضان صخر

الثاني والثلاثون

"سبحان الله وبحمده سبحان الله العظيم"

"صلوا على أشرف الخلق ❤️"

أسبوع مر منذ أخر لقاء بين جميع الأحبه.. القلب يصيح والعقل رافض تلبية النداء.. القلب مغرم لكن العقل يرفض التخلي عن كرامته !! متناسين أن الحب يقوم على المسامحه، على العطاء، على التقدير، على بعض التنازلات المتبادلة بين كلا الطرفين.. من فينا لا يخطأ !! لكن الخطأ الأكبر عند تناسي تلك الجمله معتقدين بأن السلام فقط من يصح له أن يدخل علاقتنا.. لا بد من وجود بعض الأزمات أو الكثير منها!!

جلس رعد أمام الشاشه جواره ليل الذي يتابع الاخبار بنهب حقيقي، ليقاطع الصمت صوت ليل الذي أخرج رعد من نيران لا تتوقف عن حرق قلبه:
_ تعتقد أن "كريستوفر" هيقدر على الأزمة الاقتصاديه اللي داخل فيها..

أجاب هو بانتباه هادئـًا كليًـا:
_ وليه ميقدرش!! متنساش أن زعيم إيطاليا بيعينه على كل حاجه.. لو أعطاه لكريستوفر واحد من ألف من اللي عنده هيحل أزمته.. بس ليه منقولش تعتقد أن زعيم إيطاليا مش هو اللي حاطط كريستوفر في الازمه دي..

أشعلت الأفكار برأس ليل ليحمل ورقة وقلم سريعًا يخطط لشئ ما.. مال رعد إلي الورقه ينظر ليداه بهدوء مبتسمًا فها هو الليل يعود للعمل الجاد مره أخري.. رغم أن ليل لم يفقد أعصابه ولو يوم في هذا الأسبوع إلا أنه كان متكاسل قليلًا عن العمل!!

شخبط الليل بالورقه العريضه أمامه باشارات درسوها جميعًـا سويًـا ليهتف بعملية رسمت على ملامح وجهه الجامده:
_ يعني كدا اللي أحنا كنا شاكين فيه من الأول صح..

رمش الرعد بعينه ببرود شديد يمتزج بالفخر ثم هدر:
_ مش قولتلك من الأول !! فريدي خلاص أخد المرتبه الاولى.. بس اللي عايز أعرفه إزاي زعيم إيطاليا موافق عليه بالرغم من أنه متجوز ودي تعتبر نقطه ممكن تخسر اي واحد المكانه اللي فريدي فيها دلوقتي..

_ أو ممكن نقول أنها مش في الوسط بتاعهم..

صاح الرعد مضيفًا إحتمال أخر لاحتمال ليل:
_ ممكن بردو نقول أن سيرينا في الوسط بتاعهم علشان كدا ماليين إيدهم منها.. أو حاجه تقيله أوي في البلد لدرجة أنهم وافقوا يتجوزوا ودلوقتي عايشين مع بعض!! يعني بالصلاة على النبي كدا سيرينا دي العملة التانيه لفريدي!!

_ طب خلينا نقول أنها العمله الأولي !! دا بيعشقها!! عارف يعني ايه حد في مكانته دي يسيب قلبه مع واحده ! حساها غريبة لدرجة أنا مش قادر أتخيل أصلًا..

وافقه رعد الرأي ثم قال بهدوء معبرًا عن فكره أتت برأسه:
_ مش ممكن تطلع قريبته مثلا!! اللي خلاه يثق فيها أوي كدا.. ممكن ندور على عيلته ونشوف مين سيرينا دي ونوصلها أحنا.. واكيد لما نوصلها هنوصل لفريدي..