شوفوا بقا اقتباس ولا اروع وعارفه انكم كلكم هتشتموني بس يلا كله فداء رعد حبيب قلبي😂❤️
.
مدت يداها تقبض على يداها بقوة، شعرت أنه سيبعد مرة أخري.. شعرت بأنفاسها تسلب منها مرة أخري بنفس الطريقه فأكمل هو سريعًا قبل أن يضعف أمام نظراتها:
_ للمره التانيه.. للمره التانيه هقولها وأنا موجوع وبتقطع اكتر يا سارة.. حاسس أن روحي بتطلع مني... ياريت كانت نهاية حياتي قبل ما انطقها.. كدا كدا مش فارقه كتير حياتي بتخلص خلاص، الحياه مش حياه من غيرك... أنا أسف... انتي طالق يا ســــــــارة... طالق.......
...
التنويه بقا وياريت الكل يقرأه علشان مش هعرف ارد على رسايلكم..
أنا بمر بفتره صعبه اوي نفسيًا وجسديًا وتقريبا كدا كل يوم عند دكتور بقالي فتره طويله وكل يوم حاجه جديده ومشكله جديده.. الحمد لله طبعًا على كل شىء وأنا راضيه كل الرضى عن كل حاجه بتحصلي ولسه هتحصل لأن دا قضاء ربنا وهو أكيد شايف الأفضل❤️
أنا مش جايه اشتكي أو أي حاجه زي دي بس حبيت اعرفكم أن الروايه هتقف فتره ودا غصب عني..
الفتره أد اي ؟!!!
أنا والله معرف ممكن اسبوع او اتنين أو أقل من كدا وإن شاء الله ارجع أكتب واكون فعلًا متقبله أفكاري لان حقيقي أنا حاليًا مش عارفه افكر..🙃
الروايه زي ما قولت الجزء دا قصير ومحدش هينسي حاجه متقلقوش🫂
أنا بس كل اللي طلباه منكم تدعولي بجد اعدي الفتره دي على خير لأن حرفيًا كل حاجه في حياتي وقفه حتي شغلي معتش عارفه انظمه زي الاول بجانب الدراسه والكتابه اللي هي أهم حاجه تقريبًا في حياتي..
إن شاء الله لما ارجع انزل الروايه والفتره مش هتبقي طويله متقلقوش خالص اعتبروها إجازة العيد هرجعلكم بشوية حاجات زي السكر ونرجع نضحك ونعيط كلنا مع بعض..
حبه أقول حاجه اخيره..
الفتره دي مش بس مأزمه معايا ولا معاك ولا معاها الفتره دي تقريبًا مأزمه معانا في كلنا 🙃 ولو حتي احنا شايفين ان احنا بس فالحمد لله ربنا عمره ما بيجيب حاجه وحشه ..
افضلوا اضحكوا وأخرجوا وشموا هوا نضيف ابتسموا في وش الناس ساعدوا البعض الدنيا لسه بخير وياما هنشوف وياما هنعيش ونقابل ونفارق الحياه جميله وكل لحظه لازم تتعاش.. اعطوا لكل وقت حقه ازعلوا براحتكم واضحكوا براحتكم
اعطوا لكل شعور حقه.. احنا بشر من حقنا نحس بكل حاجه اذا كانت حلوه أو لاء أو بمعني اصح كنا راضين عنها أو لا... ربنا عمره ما هيكتبلنا حاجه وحشه🫂❤️❤️
