Eric Anderson ဆိုတာ နိုင်ငံရေးသမားတွေကို အိတ်ကပ်ထဲ ထည့်ထားနိုင်တဲ့ လူတစ်ယောက်ပဲ။ သူ့ရဲ့အဖေ Louis Anderson လက်ထပ်က တရားမဝင် လုပ်ငန်းတွေကို ဖျက်သိမ်းခဲ့ပြီး အခုဆို စီးပွားရေးလောကမှာပါ လုပ်ငန်းကြီးတွေရဲ့ မဏ္ဍိုင်ဖြစ်နေပြီ။ Eric ကို ပိုအင်အားကြီးစေတာက သူထုတ်နေတဲ့ လက်နက်တွေပဲ။ အသက်ငယ်ရွယ်
စဥ္ကတော့ အာဏာလက်ကိုင်ထားတဲ့လူတွေဆီက မကြာခဏ ရိုက်ချခံခဲ့ရပေမဲ့ Eric Anderson ဟာ ဘယ်တော့မှ လဲှကျမသွားတဲ့ သံမဏိ စိတ်ဓါတ်နဲ့ လူ။ Constellations Gang ရဲ့ God Father ဖြစ်လာတော့ Eric ခြေရင်းမှာ ဝပ်တွားခယမဲ့ လူတွေဆိုတာ
နယ်ပယ်စုံမှာ ရှိတယ်။
Lord Eric လို့ ဆိုလိုက်ရင် သူ့လက်ရုံးတွေကို မေ့ထားလို့ မရဘူး။ Stock Shares စျေးကွက်ကို ချုပ်ကိုင်ထားတဲ့ Ken Z နဲ့ Gangster တွေကို ဦးချိုးထားနိုင်တဲ့ Maxwell တို့ နှစ်ယောက်ပေါ့။ ဆယ့်ခြောက်နှစ်အရွယ်ကတည်းကနေ ခုချိန်ထိ Eric ရဲ့ ဘေးမှာ သစ္စာရှိစွာ တာဝန်ထမ်းဆောင်နေကြဆဲ။
Eric ဆီမှာ အားနည်းချက် ရှာမရတာ
ကြောင့် ထိခိုက်အောင် လုပ်ဖို့ဆိုတာလည်း တွေးတောင် မတွေးအပ်သည့်အရာ။ ဒါ့အပြင် Eric က သူ့ Gang သားတွေကို နာကျင်အောင် လုပ်တဲ့လူ ဘယ်သူဖြစ်ဖြစ် ခွင့်မလွှတ်တတ်ဘူး။ တန်ရာ တန်ကြေး ပြန်ပေးဆပ်စေတဲ့ ခေါင်းဆောင်ပဲ။
ငယ်ငယ်ရွယ်ရွယ်နဲ့ Eric ဩဇာလွှမ်းမိုးမှု ရှိလာတဲ့နောက် တိုက်ခိုက်ချင်ကြတဲ့ သူတွေ
တစ်ယောက် မဟုတ် တစ်ယောက် ပေါ်လာပေမဲ့ ရှုံးနိမ့်ရသူတွေချည်း။
ချောမောခံ့ညားတဲ့ Eric ရဲ့မဟေသီ ဖြစ်လိုတဲ့ ပန်းအလှလေးတွေက ဆွဲဆောင်မှုမျိုးစုံနဲ့ အလှချင်း ယှဥ္နေကြတဲ့ အချိန်
Lord Eric က ကလေးတစ်ယောက်ကို မွေးစားလိုက်တဲ့ သီတင်းမှာ ဟိုးလေး တကျော်ကျော်ပဲ။
တချို့က Ray ဆိုတဲ့ ကလေးလေးကို Eric ရဲ့ သားအရင်းလို့ ထင်မှတ်ကြပြီး
လုပ်ကြံရေးသမားတွေရဲ့ ပစ်မှတ်ဟာ Eric ချစ်တဲ့ Ray ဖြစ်လာတော့တာပဲ။
Noah Team မှာ ပထမဆုံး Ray ပါဝင်လာတဲ့အချိန်က အခွင့်ကောင်း ဖြစ်ခဲ့သေးတယ်။
အဲ့ဒီ ဖြစ်ရပ်တွေရဲ့ နောက်ကွယ်က ကြိုးကိုင်သူကို သိရင် Eric က ဒီအတိုင်း ထားလိမ့်မယ် မထင်ဘူး။
