"ဒီမှာနေတဲ့အတောအတွင်း ဂရုစိုက်ပေးခဲ့တာတွေအတွက် ကျေးဇူးတင်ပါတယ်ဗျ"
"ရပါတယ်ကွယ်...သင်တန်းကိုလာရင်းနဲ့ ဒီအိမ်ကိုလည်း မကြာမကြာဝင်ခဲ့ဦးနော်"
"ဟုတ်ကဲ့"
"ပြီးတော့ မင်္ဂလာသတင်းလည်း မျှော်နေမယ်"
Eric ရဲ့မွေးစားမိဘတွေက Noahကို Ericနဲ့ လက်ထပ်သင့်ကြောင်း မကြာခဏ ပြောလေ့ရှိပေမယ့် Eric ရှေ့မှာဆိုတော့ Noah ပိုရှက်သွားသည်။
"ကျွန်တော်တို့ကို ခွင့်ပြုဦး"
"အင်း...ဂရုစိုက်ကြနော်"
Eric က မွေးစားမိဘတွေကို ပွေ့ဖက်နှုတ်ဆက်လိုက်ပြီးနောက် သူ့လက်ကို အသာဆွဲကာ အိမ်ရှေ့တွင်ရပ်ထားသည့် ကားဆီကို ခေါ်သွားသည်။
ကားမောင်းပေးမည့် Driver က ကားနောက်ခန်းတံခါးကို အဆင်သင့်ဖွင့်ပေးတော့ Eric က သူ့ကို အရင် ဝင်ထိုင်စေပြီးမှ သူ့နံဘေးတွင် နေရာယူလာ၏။
ညနေ လေးနာရီဝန်းကျင်တွင် သူတို့တွေ Henderson ကနေ ထွက်လာခဲ့ကြပြီး Vegas သို့ ရောက်ခါနီးလေ Noah စိတ်လှုပ်ရှားလာလေပင်။
အခု သူ့ခံစားချက်က ကိုယ့်ချစ်သူနောက်ကို ဆွေပြမျိုးပြ လိုက်လာရသလိုမျိုး။
Constellationရဲ့ဧရိယာထဲသို့ စဝင်သည့်အခါ နံဘေးရှိ Ericက သူ့မျက်နှာငယ်လေးကို ညံ့သက်စွာ ကြည့်လာကာ အေးခဲနေသော သူ့လက်တွေကို ထွေးဆုပ်ပေးလာတာလည်း ညင်ညင်သာသာ။
"B1 ကို အရင်ဝင်လိုက်နော်"
"ဟုတ်ကဲ့"
Driver က Building 1 ရှေ့မှာ ကားရပ်လိုက်တော့ Eric က သူ့ကို အဆောင် တံခါးရှေ့အထိ လိုက်ပို့ပေးသည်။
"ညနေစာ စားချိန်ကျ ကိုယ် လာခေါ်မယ်"
"အွန်း"
Eric ကားပေါ် ပြန်တက်သွားမှ သူ B1 ထဲကို ဝင်လာလိုက်တော့ နားနေခန်းထဲတွင် တစ်စုတစ်ဝေးတည်းရှိနေကြသော သူ့ညီအစ်ကိုတွေက Noah ပြန်အလာကို စောင့်မျှော်နေခဲ့ကြဟန်တူ၏။
"ငါတို့ Captain ပြန်လာပြီ"
သူ့ကိုယ်စား B1ကို အုပ်ချုပ်ရေးတာဝန်ယူပေးထားသော Andrewက သူ့အားပွေ့ဖက်လာတော့ ကျန်ညီအစ်ကိုများကလည်း Noah ပြန်လာတာကို ဝမ်းပန်းတသာ ကြိုဆိုကြပြီး ဝမ်းနည်းလွယ်သည့် B1ရဲ့အငယ်ဆုံးလေးကတော့ Noah ကို ဖက်ငိုပါသည်။
YOU ARE READING
RAY
ActionBL ©Rene_y This story "RAY" is an original work by the author. Do not copy, narrate, translate, repost, or upload this story on YouTube or any other platform without the author's permission.
