"ကျွန်တော် ဒီထဲက ဘာဝတ်ရမလဲ"
သူနဲ့Date လုပ်ဖို့အတွက် စိတ်လှုပ်ရှားနေတဲ့ Noah ကို ကြည့်ပြီး Eric ပြုံးလိုက်မိ၏။
အဲဒီလို ပုံစံမျိုးလေးကို သူ ပထမဆုံးမြင်ဖူးတာပင်။
"ရှပ်အပြာလေးနဲ့ပိုလိုက်တယ်"
အားလုံးထဲကမှ မိုးပြာရောင်ဖျော့ဖျော့Shirt တစ်ထည်ကိုရွေးကာ Noah အဝတ်လဲခန်းထဲ ဝင်သွားတော့ အားလုံးအဆင်သင့်ဖြစ်နေပြီဖြစ်တဲ့Eric က နေရာမှာပဲ ထိုင်စောင့်နေလိုက်သည်။
"ကျွန်တော် ပြင်ဆင်ဖို့အတွက် အချိန်တွေ သိပ်ယူနေမိလား"
အဝတ် ခပ်သွက်သွက်လဲပြီး ခဏတည်းနဲ့ပြန်ထွက်လာတဲ့Noahက သူစောင့်နေရတာကို အားနာသည့်ဟန်။
"အေးဆေးပေါ့...ကိုယ်တို့မှာတစ်နေ့လုံး အချိန်ရှိပါတယ်"
ပုံမသွင်းထားပေမယ့် Styleကျနေတဲ့ Noahရဲ့ဆံပင်ညိုညိုတွေကို သူ့လက်နဲ့သာသာ သပ်တင်ပေးလိုက်တော့ မော့ကြည့်လာတဲ့မီးခိုးရောင်မျက်ဝန်းတွေထဲမှာ ကြည်နူးခြင်းရဲ့အရိပ်အယောင်လေးတွေကိို Eric ဖမ်းဆုပ်မိသည်။
"မင်း ဒီနေ့ ကြည့်ကောင်းနေတယ် Noah"
"ကျေးဇူးပါ...Ericကတော့ အမြဲခံ့ညားတယ်"
မိုးပြာရောင် Shirt နဲ့ ခဲရောင်ရင့်ရင့် Straight Pant ကို တွဲဖက်ဝတ်ဆင်ထားတဲ့Noah က လူငယ်ပီပီ လန်းဆန်း သစ်လွင်နေတာ။
"ဒီနေ့ ဘာတွေလုပ်ချင်လဲစဥ်းစားထားပြီးပြီလား"
"ဟုတ်...အရင်ဆုံး ငါးပြတိုက်ကို သွားချင်တယ်"
"အင်း...ဆိုင်တစ်ဆိုင်မှာ မနက်စာ စားပြီးရင် သွားကြတာပေါ့"
"ဟုတ်"
Eric အိမ်ရှေ့မှာ ရပ်ထားတဲ့ အနက်ရောင် Mustang ကားရဲ့ တံခါးကို ဖွင့်ပေးလိုက်ကာ Noah ကို ကားပေါ် အရင် တက်စေလိုက်သည်။ ထို့နောက် သူက မောင်းသူနေရာကိုယူပြီး ခြံထဲကနေ မောင်းထွက်လာခဲ့၏။
"မနက်စာ ဘာစားချင်လဲ Noah"
"ဘာပဲဖြစ်ဖြစ် အဆင်ပြေပါတယ်ဗျ"
Cafe တစ်ခုတွင် မနက်စာ စားခဲ့ကြပြီး သူတို့နှစ်ယောက် ငါးပြတိုက်ကိုရောက်တော့ မနက် ဆယ်နာရီ။
