Constellation နှစ်ပတ်လည်နေ့။
အသက် ဆယ့်နှစ်နှစ်အရွယ်မှာ ကြယ်တာရာ အစုအဝေးထဲကို စရောက်ခဲ့တဲ့အချိန်ဟာ Noah ရဲ့ဘဝမှာ အမှောင်ထုထဲတွင် စမ်းတဝါးဝါး ရုန်းကန်ရှင်သန်နေခဲ့ရရင်းက တောက်ပတဲ့ အလင်းရောင်ကို မြင်လိုက်ရသလိုပင်။
အစကတော့ သူ့အတွက် ကမ္ဘာသစ်တစ်ခုလိုဖြစ်နေတဲ့ ဒီအစုအဝေးထဲမှာ Noah သိပ်ပြီးတော့ နေသားမကျခဲ့ပေမယ့် သူ့ဘဝရဲ့ ကယ်တင်ရှင်ဖြစ်တဲ့Lord Ericက သူ့ကို သူငယ်ချင်းတွေနဲ့ပြန်ဆုံခွင့်ပေးပြီးနောက်ပိုင်းမှာမှ
Noah ကိုယ့်ကိုယ်ကိုယ် ကံကောင်းလာပြီလို့ခံစားရ၏။
သေချာ မစဥ်းစား မဆင်ခြင်တတ်သေးတဲ့အရွယ်မှာNoahလုပ်ခဲ့တဲ့အမှားတွေထဲ အကြီးမားဆုံး အမှားကို ပြန်တွေးမိတိုင်း သူ Ray ကို အားနာပြီး Ericကို မျက်နှာပူမိတာကတော့ အခုချိန်ထိပါပဲ။
ကိုယ့်အမှားကိုယ်ပြင်ဆင်ရင်း Lord Ericရဲ့ရှေ့မှာ ရဲရဲဝင့်ဝင့် ပြန်ရပ်နိုင်ဖို့က သူ့ဦးတည်ရာဖြစ်ခဲ့တဲ့အခါ Noah အဲဒီလမ်းကိုပဲ တည့်တည့်မတ်မတ် လျှောက်ခဲ့ပါရဲ့။
Constellation သား ဖြစ်ရတာကို ဂုဏ်ယူမိတဲ့အခိုက်အတန့်တွေရယ်၊ နှစ်ပတ်လည် တစ်ခုပြီးသွားတိုင်း နောက်နှစ်မှာလည်း ဒီအသိုက်အဝန်းထဲမှာ ရှိပါရစေဆိုတဲ့ ရင်ထဲကဆုတောင်းတွေနဲ့
လက်တွေ့မှာလည်း ကြိုးစားရှင်သန်ရင်း ကုန်လွန်ခဲ့တဲ့ ဆယ်စုနှစ်တစ်ခုစာအတွင်း Noah ရင်ဆိုင်၊ ကြုံတွေ့ခဲ့ရသမျှ အကောင်း၊ အဆိုး မှန်သမျှကို လက်ခံပြီး အပြည့်အဝ မပျော်ရွှင်နိုင်ခဲ့တဲ့နှစ်တွေလည်း ရှိခဲ့ပေမယ့်
ဒီနှစ်ကတော့ Noah အတွက် အဓိပ္ပါယ်အရှိဆုံးနဲ့ လက်ရှိမှာ အပျော်ရွှင်ရဆုံးနှစ်ပေါ့လေ။
အခုဆို Ray လည်း နေကောင်းကျန်းမာနေပြီဖြစ်သလို Noah လည်း ကိုယ့်အတွက်ကိုယ် ပိုတွေးပေးတတ်လာပြီ။
သူတို့နဲ့အတူ အမြဲရပ်တည်ပေးကြတဲ့သူငယ်ချင်းတွေလည်း တစ်ယောက်ကိုတစ်ယောက် ဖေးမကူရင်း ကိုယ့်ရည်မှန်းချက်၊ အိပ်မက်တွေကို အကောင်အထည်ဖော်နိုင်လာကြတာတွေကို မြင်ရတာလည်း စိတ်အားတက်စရာကောင်းလှပြီး
YOU ARE READING
RAY
ActionBL ©Rene_y This story "RAY" is an original work by the author. Do not copy, narrate, translate, repost, or upload this story on YouTube or any other platform without the author's permission.
