Eric နဲ့ Noah တို့ရဲ့ လက်ထပ် ထိမ်းမြှားခြင်း မင်္ဂလာ အခမ်းအနား ကျင်းပမည့်နေ့။
မင်္ဂလာအချိန်က မနက်ခင်းပိုင်း ဖြစ်သည့်အတွက် အခမ်းအနားကျင်းပမည့် ကွင်းပြင်အလယ်တွင် Constellation မိသားစုဝင်များအပြင် နှစ်ဖက် သတို့သားများ၏ ရင်းနှီးသည့်မိတ်ဆွေ၊ သူငယ်ချင်းများလည်း စုရုံးရောက်ရှိနေကြပါပြီ။
ကြည်လင်နေသော ကောင်းကင်ပြာကြီးနှင့်နွေးထွေးသည့်နေရောင်ခြည်နုနုကလေး ခြုံလွှမ်းထားရာ မြက်ခင်းစိမ်းပေါ်ရှိ အခမ်းအနားအပြင်အဆင်မှာ တစ်ကွင်းလုံး အဖြူရောင် ပန်းတွေနှင့်ချည်း အလှဆင်ထားကာ လေပြည်လေညင်းနှင့်အတူ လိုက်ပါ နွဲ့ယိမ်းနေသည့် ခန်းဆီးလှိုက်ကာများနှင့်ဧည့်ထိုင်ခုံတန်းများအလယ်ရှိ လျှောက်လမ်းကော်ဇောမှအစ အဖြူရောင်ပင်ဖြစ်လေသည်။
မင်္ဂလာပန်းကျဲကြမည့် ကြယ်တာရာအစုအဝေးရဲ့သမီးပျိုလေးများကတော့ ပန်းနုရောင် ဂါဝန်ရှည် ဆင်တူလေးတွေနှင့်ပန်းကလေးများသဖွယ် လန်းဆန်း၊ တောက်ပနေကြလျက်။ ကာကီရောင် Suit တွေနှင့်သတို့သားအရံများကမူ တည်ငြိမ်စွာဖြင့် ခံ့ခံ့ညားညားရှိကြလေသည်။
အခမ်းအနား မစတင်ခင် မနက်၁၁နာရီဝန်းကျင်တွင် ပွဲထွက်ဖို့ ပြင်ဆင်ပြီးဖြစ်သည့်Ericက သူ့သတို့သားလေး Noahရဲ့အခန်းတံခါးကို သွားခေါက်လိုက်၏။
"ကိုယ် ဝင်ခဲ့မယ် Noah"
"ဟုတ်ကဲ့"
အခန်းထဲက ကိုယ်လုံးပေါ်မှန်ရှေ့တွင် ရပ်ကာ အဖြူရောင် Shirtပေါ်ကနေ Necktie ချည်ဖို့ ပြင်နေသည့် Noah က ဝတ်စုံပြည့် မဝတ်ရသေးပါ။
"ကိုယ် ချည်ပေးမယ်"
"အွန်း"
သူ Noahကို Necktie ချည်ပေးပြီးမှ
Shirt ကော်လာကို သပ်သပ်ရပ်ရပ်ခေါက်ပေးလိုက်သည်။
ထို့နောက် Tuxedoရဲ့တစ်စိတ်တစ်ပိုင်းဖြစ်သည့် Vestကို Shirt ပေါ်ကနေ ထပ်ဝတ်ပေးပြီး ကြယ်သီးတွေကိုလည်း တစ်လုံးချင်း သေချာ တပ်ပေးလိုက်၏။
ဝတ်စုံပြည့် ဖြစ်သွားအောင် Suit Coat ကိုပါ ထပ်ဝတ်ပေးပြီးနောက် Noahရဲ့ကိုယ်ပေါ်မှာ ခံ့ထည်စွာ နေရာယူထားသည့် မီးခိုးရောင် Wedding suitက Noahရဲ့မျက်ဝန်းအရောင်တွေနှင့် Match ဖြစ်လို့ နေပါသည်။
YOU ARE READING
RAY
ActionBL ©Rene_y This story "RAY" is an original work by the author. Do not copy, narrate, translate, repost, or upload this story on YouTube or any other platform without the author's permission.
