ဆောင်းဦးရာသီရောက်လျှင် Constellation နယ်မြေတစ်ဝန်းတွင် မေပယ်လ်ပင်တွေ အရောင်အသွေးစုံလှပုံက တစ်နှစ်ပတ်လုံး၌ အလှဆုံးအချိန်ပင်။
ဤရာသီဟာ Constellation သားတွေရဲ့အားကစားရာသီဖြစ်၍ Constellationပရဝုဏ်ထဲ၌ အားကစားပွဲတွေနှင့်မြိုင်ဆိုင်လျက်ရှိတတ်သည်။
ပြီးခဲ့သည့်နှစ်တွေတိုင်းမှာ Eric ရဲ့ ညာလက်ရုံး Max က ဦးဆောင်ပြီး
Football, Hockey, Rugby စသည်ဖြင့် အသင်းအဖွဲ့နှင့်ပြိုင်ရသည့် အားကစားတွေအပြင် ရေကူး၊ မြှားပစ်၊ သေနတ်ပစ် စသော တစ်ဦးချင်းပြိုင်ရသည့် ပြိုင်ပွဲတွေကိုလည်း ကျင်းပပေးလေ့ရှိသည်။
ဒီနှစ်တော့ Max က ကိုယ်ဝန်လရင့်နေပြီဖြစ်သည့်အမျိုးသမီးကို အနီးကပ်ဂရုစိုက်နေရတာမို့ အားကစားပွဲတွေကိုဦးဆောင်ပေးနိုင်မှာမဟုတ်၍ Noah ကို တာဝန်ပေးလို့ရမလားဟု ဘယ်လက်ရုံးKenက သူ့ကိုမေးလာသည်။
"မရဘူး"
"ဟင်...ဘာလို့လဲ"
သူ့အား အကြောင်းပြချက်ပြန်တောင်း
နေသည့် Kenကို Eric တစ်ချက် စိုက်ကြည့်လိုက်တော့
"ဟုတ်ကဲ့ သိပါပြီ" ဟု ဆိုသည်။
Ken က ဘာကိုသိလည်းမပြောတတ်ပေမယ့် Eric က Noah ကို တာဝန်မပေးချင်တာက အားကစားရာသီတစ်လျှောက်လုံး Noah အလုပ်များနေလျှင် Noah သူ့အနားကပ်တော့မှာ မဟုတ်လို့ပင်။
အခုတောင် Noah က လေးလလောက် ဝေးကွာနေခဲ့သောConstellationကို ပြန်ရောက်တော့ မတွေ့တာကြာပြီဖြစ်သည့် ညီအစ်ကိုတွေနှင့်အမြဲ လည်ပတ်
နေတာမို့ Eric တောင် တစ်ရက်မှ အချိန် ခဏလေးပဲ တွေ့ရသည်။
"ဒါဆို ကျွန်တော် Andrewကို တာဝန်ပေးလိုက်မယ်"
"အင်း"
Ken သူ့ရုံးခန်းထဲကနေ ပြန်ထွက်သွားတော့ Eric ဖုန်းယူပြီး သူ့သား Ray ကို ဆက်သွယ်လိုက်သည်။
"Hello Dad"
"ဘယ်မှာလဲ Ray"
"ကျွန်တော် ကွင်းထဲမှာ Noahတို့နဲ့ Kart ပြိုင်မောင်းဖို့ ပြင်နေတာ"
"တစ်ပွဲကစားပြီးရင် Mansion ကို ပြန်လာနိုင်မလား"
"ဟုတ်...လာခဲ့မယ်လေ"
YOU ARE READING
RAY
ActionBL ©Rene_y This story "RAY" is an original work by the author. Do not copy, narrate, translate, repost, or upload this story on YouTube or any other platform without the author's permission.
