နှစ်တစ်နှစ် ကုန်ဆုံးဖို့ရာ ရက်ပိုင်းသာ လိုတော့တဲ့အချိန်ကာလဟာ လွမ်းစရာ ကောင်းနေတတ်သည်။ ဒီဇင်ဘာနှင်းတွေကြားမှာ ရော်ရွက်ဝါတချို့ ကြွေကာ ဆောင်းလေပြည်သည်လည်း သိမ်မွေ့စွာ။
တိမ်မဲတွေကြီးစိုးသည့် ညကောင်းကင်ယံ၌ ပျံသန်းနေသော လေယာဥ္တစ်စီးကတော့ အမေရိက ရဲ့ အနောက်မြောက်ဘက်ရှိ တောင်တန်းတွေဆီ ဦးတည်လျက်။ စစ်ဆင်ရေး ယာဥ္ပေါ်တွင် Pilot နှစ်ယောက်အပြင် အေးဂျင့် ဆယ့်ငါးယောက်က ကိုယ်စီ လက်နက်တွေဖြင့်။
စစ်ဆင်ရေး မစခင်ဆို အငြိမ်သက်ဆုံးက Dean ဖြစ်သည်။ သူတို့ Team အနေနဲ့အန္တရာယ်တွေ အများကြီးကို ကျော်ဖြတ်
လာနိုင်ခဲ့ခြင်းသည် Dean ရဲ့ ဆုတောင်းတွေကြောင့်လည်း ပါ၏။
"ဒါက နောက်ဆုံး Mission ဖြစ်လိမ့်မယ် Noah"
မျက်နှာချင်းဆိုင်ရှိ Thomas ရဲ့ မျက်နှာက
နားလည်ရခက်တဲ့ အပြုံးမျိုးနဲ့။
"ဟုတ်လား"
Noah ဖက်က အေးစက်စက် တုံ့ပြန်မှုကိုရတော့ ပြန်တည်သွားတဲ့ Thomas။
Thomas သည် NSA ၏ အတော်ဆုံး အေးဂျင့်ဖြစ်သော်လည်း Noah နှင့်ယှဥ္ပြီး သူ့ကိုယ်သူ မကျေမနပ် ဖြစ်လေ့ရှိခြင်းက အားနည်းချက်ပင်။
နိုင်ငံတော် ကာကွယ်ရေးမှ Noah ကို ခေါ်ဖို့ ကြိုးစားတုန်းက အပြင်းအထန် ကန့်ကွက်ဖူးသူလည်း ဖြစ်သည်။ Noah အတွက်မူ ရာ
ထူးအာဏာ မလိုပါ။ Eric ရဲ့ ယုံကြည်မှုသည်သာ အဓိက။
စစ်ဆင်ရေးတွေမှာ ပါဝင်နေတာကလည်း
လူတွေအတွက် ကောင်းကျိုး မျှော်လင့်၍။
သူ့အင်အား နဲ့ ကူညီနိုင်တာကိုပဲ Noah ဂုဏ်ယူပါ၏။
"အထိအခိုက် မရှိပါစေနဲ့ ကောင်လေးတို့"
လေယာဥ်ပေါ်မှ မဆင်းခင် Pilot က သူတို့ကိုတစ်ယောက်နဲ့တစ်ယောက် ဂရုစိုက်ကြဖို့ မှာ
သည်။ Andrew ရဲ့ ကွန်ပျူတာ အကူအညီဖြင့် ရေဒါမှာ ဖမ်းမမိဘဲ သူတို့ စခန်းဆီ ချဥ္းကပ်သွားနိုင်၏။
"နေရာယူပြီး"
ပိုမြင့်တဲ့ တောင်ကုန်းတစ်နေရာမှာ Sniper တွေ အသင့်ဖြစ်ကြောင်း သတင်းပို့လာသည့်နောက် Noah အသင်းသားတွေကို အချက်ပြကာ တပ်ဖြန့်လိုက်၏။ Alaska ရဲ့ အအေးမှတ်က -10 ပြနေတာကြောင့် ပါတ်ဝန်းကျင်မှာ မြင်မြင်ရာ နှင်းတွေဖွေးလျက်။
