ညဥ့်သည် တိတ်ဆိတ်လျက်။
ခမ်းနားတဲ့ Mansion က ညမီးရောင်တွေကြား ထည်ဝါနေသည်။
ဆဋ္ဌဂံပုံစံတည်ရှိတဲ့ Gang ရဲ့ ဧရိယာက ကျယ်ဝန်းသဖြင့် တစ်နေရာနှင့်တစ်နေရာ အလှမ်းဝေး၏။
သို့သော် Ray ကို ရှာရမခက်ပေ။
Ray က တစ်ယောက်တည်း တွေးငေးချင်ရင် ပင်မဆောင်ရဲ့ ခေါင်မိုးထပ်ပေါ် မှာ ထိုင်လေ့ရှိတာကို Noah သိသည်။
လှေကားတွေကို တစ်ဆင့်ပြီးတစ်ဆင့် ဖြတ်ကျော်ခဲ့ပြီး Noah အပေါ်သို့ တက်ခဲ့၏။
"Ray"
အမိုးစွန်းတွင် ခြေချထိုင်ရင်း ထင်းရှူးပင်မြင့်တွေဖက်ကို ငေးကြည့်နေတဲ့ Rayက သူ့ခေါ်သံကြောင့် နောက်လှည့်ကြည့်သည်။
"Daddy ရှာနေတယ်"
အပြင်မှ ပြန်လာပြီးကတည်းက Ray ဒီနေရာ ရောက်နေတာဖြစ်မည်။မျက်စိအောက်ကအပျောက်မခံနိုင်တဲ့ ကလေးလေး မဟုတ်တော့သော်လည်း Daddy ရဲ့ရင်နှစ်သည်းချာ ဖြစ်တဲ့ Ray ကို လုံခြုံမှု အပြည့်ပေးပြီး ကာကွယ်ကြရသည်။Daddy မရှိလျှင် Ray က သူတို့အဆောင် B-1မှာပဲ နေ့နေ့ညညအချိန် ကုန်တတ်သည်။Daddy က ဒီကလေးကို အိမ်တော်မှာ စာလေ့လာရင်း နေစေချင်တာဖြစ်သည်။Ray အသက် ၁၀နှစ်ကျော်တော့ နည်းနည်း ထိန်းရခက်လာသည်။Gang ရဲ့ Training တွေမှာ လေ့ကျင့်ရဖို့ Daddy နှင့် အတိုက်အခံလုပ်သည်။Rayက အားတက် သရော ဖြစ်နေတော့ Daddy ခွင့်ပြုလိုက်ရသည်။
သူတို့လိုပဲ Ray က Daddy ရဲ့ မွေးစားသားဆိုပေမဲ့ အဆင့်အတန်းတော့ ကွာပါ၏။Ray က မင်းသားလေးဆိုရင် Noah တို့က ကိုယ်ရံတော် သာသာဖြစ်သည်။သို့ပေမဲ့ Ray ရဲ့စိတ်ထား ရိုးသားဖြူစင်တာ Noah အသိဆုံး။သူ့ရဲ့ Team မှာဆို Ray ကို ညီအငယ်ဆုံးလို ချစ်ခင်ကြသည်။ဆိုးတာတစ်ခုက Ray သွေးဆူတဲ့အချိန် ဖြစ်သည်။ဒီနေ့ Club မှာ ဖြစ်ခဲ့သလို ကိစ္စမျိုး။အားနည်းသူကို အနိုင်ကျင့်တဲ့ အခြေအနေတွေမှာ မတရားမှုကို လက်မခံနိုင်တဲ့ Rayရဲ့ ဒေါသက ကြောက်ဖို့ကောင်းသည်။ပုံမှန်ဆို တည်ငြိမ် အေးဆေးပေမဲ့ ထိုသို့ ကြုံရရင်တော့ လူသတ်ဖို့လည်း ဝန်မလေး။
"အဲ့ဒီလူ ဘယ်လိုဖြစ်သွားလဲ Noah"
"ဆေးရုံ ရောက်ရုံပေါ့"
