New year eve မှာ Eric ကလေးတွေကို ခဏ မျက်နှာသွားပြရသည်။ Noah ကို တစ်ယောက်တည်း ထားခဲ့တာလားဟု Ray က ကပ်ပြောလာတော့ သူလည်း စိတ်မချတာနဲ့ Main hall ကနေ Mansionသို့ ပြန်လာခဲ့၏။ ဒီလိုညမှာ Doctor Aaron နဲ့ Nurse တွေကိုလည်း အလုပ် မပေးချင်တာမို့ Noah ကို ဆေးတိုက်ချိန် လွန်လို့မဖြစ်။
သူ အခန်းတံခါးကို အသာအယာပိတ်ကာ ခြေသံကို ခပ်ဖွဖွ လျှောက်လိုက်သည်။အိပ်ရာ ခုတင်နား ကပ်သွားလိုက်စဥ္ မှိန်းရုံ မှိန်းနေသည့် Noah မျက်လုံးတွေ ပွင့်လာ၏။
"ဆေးသောက်ရအောင် Noah"
"ဟုတ်ကဲ့"
ဆေးတစ်လုံးချင်း သေချာတိုက်ပြီး ဒဏ်ရာတွေရဲ့ အခြေအနေကို တစ်ချက်စစ်ကြည့်လိုက်သည်။အနာကျက်ဖို့တော့ အချိန်ယူရဦးမည်။
"အဝတ်လဲမလား Noah"
"ဟုတ်ကဲ့"
သူ ဘာပြောပြော ခေါင်းညိတ်နေတဲ့ကောင်လေးကို ကြည့်ရင်း Eric ပြုံးမိ၏။ အဝတ်ဗီရိုထဲက Noah နဲ့ တော်မဲ့ ညအိပ်ဝတ်တစ်စုံ ထုတ်ခဲ့ပြီး အဝတ်လဲလို့ အဆင်ပြေအောင် ကျော ကူမတ်ပေးလိုက်သည်။
"ကျွန်တော့်ဘာသာ လဲနိုင်ပါတယ်"
"အင်း...ကိုယ် ရေချိုးခန်းဝင်လိုက်ဦးမယ်"
ယောက်ျားချင်းဆိုပေမဲ့ Noah က သူ့ကိုဆို ရှက်တတ်တာမို့ Eric ရေချိုးပြီးတော့ သူပါ ညအိပ်ဝတ် တစ်စုံ ဝတ်ရ၏။ ပုံမှန်ဆို အပေါ်ပိုင်းဗလာနဲ့ အိပ်ရာဝင်တာဖြစ်သော်လည်း ေကာင်လေး သက်သောင့်သက်သာရှိဖို့က အဓိက။
"Eric ဘယ်မှာ အိပ်မှာလဲဗျ"
"မင်းရဲ့ဘေးမှာပေါ့...ဘာလဲ...အဆင်မပြေလို့လား"
ခေါင်းရမ်းပြတာက အဆင်မပြေတာ မဟုတ်ကြောင်း ယူဆပြီး Eric မွေ့ရာထက် ဝင်လှဲလိုက်တော့ Noah က ဘေးကပ်သွား၏။
နေရာပေးတာ ဖြစ်နိုင်သော်လည်း ကုတင်အကျယ်ကြီးမှာ နှစ်ယောက်ကြား ကွာဝေးသွားသဖြင့် Eric ကောင်လေးကို သူနဲ့ အနီးဆုံးသို့ ပြန်ပွေ့ခေါ်လိုက်သည်။
"နေရခက်လို့လား"
"မဟုတ်ပါဘူး"
ခုချိန်ထိ ဒီကောင်လေးဟာ သူနဲ့ပါတ်သက်လို့
မဝံ့မရဲဖြစ်နေတုန်းပါပဲ။
YOU ARE READING
RAY
ActionBL ©Rene_y This story "RAY" is an original work by the author. Do not copy, narrate, translate, repost, or upload this story on YouTube or any other platform without the author's permission.
