Noah က ဘယ်ဘက်လက်သူကြွယ်တွင် ဝတ်ထားသည့် Proposal Ring လေးကို မကြာခဏ ကြည့်ကာ ပြုံးနေလေသည်။
"စိန်ပြာတွေက သိပ်ရှားတယ် မဟုတ်လား Eric"
"အင်း...မင်းကလည်း ကိုယ့်အတွက် အဲဒီလိုမျိုး ရှားပါးတဲ့ ရတနာလေးပဲ"
သူ Noah အတွက် Proposal Ring မှာ သုံးခဲ့သည့် စိန်ပြာတွေက ရှားပါးရုံတင်မဟုတ်ဘဲ သူတို့ မျိုးရိုး အစဥ်အဆက်က လက်ဆင့်ကမ်း ထိန်းသိမ်းလာခဲ့သော မိသားစု အမွေအနှစ် ဖြစ်လေသည်။
"အရောင်က မီးခိုးပြာရောင်လေးနော် ကျွန်တော်တို့နှစ်ယောက်ရဲ့မျက်ဝန်းအရောင်တွေကို ပေါင်းစပ်ထားသလိုမျိုးပဲ"
"ကမ္ဘာနှစ်ခု ဆုံတွေ့သလိုပေါ့ Noah"
Ericရဲ့အကြည့်တွေက သမုဒ္ဒရာလို နက်ရှိုင်းလျှင် Noahရဲ့မျက်ဝန်းတွေကတော့ ထိုသမုဒ္ဒရာရေပြင်ထက်မှာ အုံ့ဆိုင်းနေတဲ့ မီးခိုးရောင် တိမ်တိုက်တွေလိုပင်။
"မနေ့ညက Eric ကျွန်တော့်ကို Propose လုပ်တဲ့အချိန်လေးကို Andrew က အမှတ်တရ Video ရိုက်ပေးထားတယ် သိလား...ကျွန်တော် ခဏခဏ ပြန်ကြည့်နေတာတောင် ကြည့်မဝဘူး...ငိုတဲ့နေရာကိုတော့ ရှက်လို့ ကျော်ကြည့်တယ်"
"ကိုယ့်ကိုလည်း ပို့လိုက်ပါဦး"
Noahနှင့်သူ့ကြားမှာ အရင်ကထက် ပိုပြီး နွေးထွေး၊ ရင်းနှီးလာမှုနှင့်အတူ သက်သောင့်သက်သာရှိမှုကိုပါ ခံစားရသည့်အခါ Noah က သူ့အနားမှာ လွတ်လပ်ပေါ့ပါးစွာပင် နေတတ်လာ၏။
"ဒါနဲ့ ကျွန်တော်တို့ ဘယ်တော့ မင်္ဂလာဆောင်မလဲဟင်"
"ကိုယ်ကတော့ လပိုင်းအတွင်းမှာ ဆောင်ချင်တယ်...Noahရဲ့သဘောက ဘယ်လိုရှိလဲ"
"မြန်လေ ကောင်းလေပဲ...ကျွန်တော် Ericရဲ့ယောက်ျားလေး ဖြစ်ချင်နေပြီ"
ကိုယ့်ဘာသာ ပြောပြီးမှ ရှက်နေသည့် Noah က သူ့ပခုံးနှင့်လည်တိုင်ကြား မျက်နှာဝှက်လာတော့ Eric ဟက်ကနဲ ရယ်ကာ သူ့ရင်ခွင်ထဲက Noahအား ခပ်တင်းတင်းလေး ပွေ့ဖက်ထားလိုက်သည်။
"ကိုယ်နဲ့လက်ထပ်ရမှာကို အဲဒီလောက်တောင် ပျော်လား"
"အွန်း...ပျော်တယ်"
VOCÊ ESTÁ LENDO
RAY
AçãoBL ©Rene_y This story "RAY" is an original work by the author. Do not copy, narrate, translate, repost, or upload this story on YouTube or any other platform without the author's permission.
