"စုံစမ်းခိုင်းထားတဲ့ကိစ္စ ဘာထူးလဲ Max"
"အခုထိတော့ သတင်းအစအန မရသေးပါဘူး"
"တွေ့မှဖြစ်မှာမို့ ထပ်ကြိုးစားပေးဦး"
"ဟုတ်ကဲ့"
"ပြီးတော့...ငါ ရက်နည်းနည်းလောက် အလုပ်တွေနားထားမယ်"
"Constellation ကို စိတ်ချပါ Boss"
Max သူ့ရုံးခန်းထဲကနေ ပြန်ထွက်သွားတော့မှ Eric ခရီးသွားဖို့ ပြင်ဆင်ရသည်။
နိုင်ငံခြား ခရီးဝေးတော့မဟုတ်ပါ။ Noah ရှိနေတဲ့ California ကို သူ လိုက်သွားမလို့ပင်။
ပုံမှန်ဆို သူ အလုပ်ခရီးသွားတိုင်း အိမ်တော်ရှိဝန်ထမ်းတွေက သူ့ ခရီးဆောင်အိတ်ထဲကို သူဝတ်နေကျပုံစံမျိုးတွေဖြစ်တဲ့ Suitတွေနဲ့ Long Coat တွေကိုသာ အစီအစဥ်တကျ ထည့်ပေးလေ့ရှိပေမယ့် ဒီတစ်ခေါက်ကတော့ သူကိုယ်တိုင်ပဲ ပြင်ဆင်ချင်သည်။
အဝတ်အစားကအစ ကိုယ်တိုင် ပြင်ဆင်ကြည့်လိုက်မှ သူ့ရဲ့Dressing room ထဲမှာ အရည်အသွေးမြင့်ပြီးတန်ဖိုးကြီးတဲ့ အဝတ်အစားတွေက ဗီရိုနဲ့အပြည့်ရှိသော်လည်း အများစုက အဖြူ၊ အနက်နဲ့မီးခိုးမှိုင်းမှိုင်း အရောင် တွေလို သူ့ပုံစံကို ပိုပြီးအေးစက်၊ခက်ထန်သယောင် မြင်ရစေတဲ့ အရောင်တွေချည်း ဖြစ်နေတာကို သတိထားမိ၏။
"Jessica"
"Yes, boss"
"ငါ မင်းရဲ့အကူအညီလိုတယ်"
"ဟုတ်ကဲ့...ကျွန်မ အခုလာနေပါပြီBoss"
ဒီအိမ်တော်ရဲ့အပြင်အဆင် ကိစ္စမှန်သမျှကို တာဝန်ယူထားတဲ့ Jessica က အကူဝန်ထမ်းနှစ်ယောက်ကိုပါခေါ်ပြီး အပေါ်ထပ်သို့ တက်လာတော့ Eric အဝတ်တွေလိုကြောင်း ပြောလိုက်သည်။
"ငါဆိုလိုချင်တာက နွေးထွေးတဲ့ပုံစံ ပေါက်စေမယ့် အဝတ်အစားမျိုး"
"ကျွန်မ နားလည်ပါပြီ Boss...အခုချက်ချင်း စီစဥ်လိုက်ပါ့မယ်"
သွက်လက်ချက်ချာတဲ့ Jessica က တစ်နာရီအတွင်းမှာ Clothing Store တွေကနေ အိမ်အရောက် Service နဲ့ အဝတ်တွေကို သူ့ရှေ့ ချပြလာ၏။
သူ Living room ထဲကSofaပေါ်တွင် ထိုင်နေရာမှထလိုက်ပြီး Stand တွေမှာ ချိတ်လျက်သား အဝတ်တွေကို တစ်ထည်ချင်း ကိုယ်တိုင်ရွေးသည်။
