Ericရဲ့လက်မောင်းတွေကြားမှာ ပွေ့နှောင်ထားရှိခြင်း ခံရသည့် Noah တစ်ကိုယ်လုံး နွေးထွေးနေပါသည်။
ညက Ericနဲ့အတူ ကမ္ဘာသစ်တစ်ခုဆီ ခြေဆန့်ခဲ့ကြရာ သန်မာခံ့ညားသည့်Ericရဲ့ဦးဆောင်မှုနောက်ကိုလိုက်ကာ ဒီအမျိုးသားဆီက
ယုယကြင်နာခြင်းတွေအောက်မှာ Noah ရင်ထဲ တသိမ့်သိမ့်လှိုက်ဖိုသည်အထိ သာယာကြည်နူးခဲ့ရသဖြင့်
သူ အိပ်ရာနိုးလာတာတောင် ခင်ပွန်းယောက်ျားရဲ့ရင်ခွင်ကျယ်ထဲမှ ဖယ်မခွာချင်သေးပေ။
ပခုံးထိအောင် စောင်လွှမ်းထားသည့် အပေါ်ပိုင်းဗလာ ခန္ဓာကိုယ်နှစ်ခုမှာ အသားချင်း ထိတွေ့နေတာတောင် Noah သက်သောင့်သက်သာ ခံစားရခြင်းက မင်္ဂလာဦးညတွင် သူတို့နှစ်ယောက်ရဲ့စိတ်နှလုံးသားတွေ တစ်သားတည်း ထပ်တူကျခဲ့သောကြောင့်လည်းဖြစ်မည်။
သူတို့နှစ်ယောက် လက်မထပ်ခင်ကလည်း တစ်အိပ်ရာတည်း အတူအိပ်ဖူးကြသည့်တိုင် မင်္ဂလာဦးအချိန်အခါမှသာ
Noah ဆန္ဒရှိသလို Ericကိုယ်တိုင်ကလည်း သူ့အား မက်မက်မောမောဖြင့် အနမ်းနွေးနွေးတွေနဲ့ သူ့ခန္ဓာကိုယ်အနှံ့မှာပါ အပိုင်အဖြစ် တံဆိပ်ကပ်ခဲ့တာကြောင့် ညင်သာလှတဲ့Ericရဲ့အကြင်နာတွေဟာ သူ့ခန္ဓာပေါ်မှာ အရာမထင်စေ သော်လည်း
သူ့ရင်ထဲမှာတော့ Eric ပေးအပ်ခဲ့သည့် အနမ်းတစ်ပွင့်ချင်းစီတိုင်းက နက်နက်ရှိုင်းရှိုင်း စွဲထင်နေသည်အထိ သူတို့ရဲ့မင်္ဂလာဦးညလေးက အဓိပ္ပါယ်တွေပြည့်ဝခဲ့ပါသည်။
"Noah Anderson"
သူ့ဆံစလေးတွေကို သပ်ဖွလျက် သူ့နာမည်အပြည့်အစုံကို ခေါ်လာသည့်
Ericရဲ့အသံက ချိုသာသော်လည်း ထိုနာမည်တွင် မာန်တစ်မျိုး ကိန်းနေခြင်းမှာ Andersonဆိုတဲ့ မိသားစုနာမည်ကိုက အရှိန်အဝါကြီးလို့ပင်။
"အိပ်ရေးဝရဲ့လား"
"အွန်း...အချစ်က နိုးနေတာ ကြာပြီလား"
"နာရီဝက်လောက်တော့ရှိပြီ"
"ဟင်...မထသေးဘဲနဲ့ ကျွန်တော့်ကို တစ်ချိန်လုံး ဖက်ထားပေးတာပေါ့လေ"
"အင်း...မင်းနဲ့မှ အတူတူ ထချင်လို့"
"ဒါဆို ထရအောင်လေ"
YOU ARE READING
RAY
ActionBL ©Rene_y This story "RAY" is an original work by the author. Do not copy, narrate, translate, repost, or upload this story on YouTube or any other platform without the author's permission.
