Hunter Valley , Sydney.
Australia ရဲ့ ရာသီဥတုက ကမ္ဘာ့မြောက်ခြမ်းနှင့် ဆန့်ကျင်ဘက် ဖြစ်သည်။
နှင်းမှုန်တွေ မကျသော်လည်း အအေးဆုံး လ။အကျင့်ဖြစ်နေ၍ မနက် ၅နာရီဆို သူနိုးပြီ။မျက်လုံးတွေ ပွင့်တာနဲ့ အရင်ဆုံး ခေါင်းထဲရောက်လာတာက တာဝန်တွေအကြောင်း။ဒီအိမ်မှာ နေတာ တစ်ပါတ်ကျော်ပြီ ဖြစ်သော်လည်း သူ့ကိုယ်သူ B1 ရဲ့ အခန်းထဲမှာလို့ ထင်မိဆဲ။မနှစ်က သူ့ရဲ့လစာတွေနဲ့ ခြံဝယ်ကာ Wooden House တစ်လုံးကို သူ့စိတ်ကြိုက် ဆောက်စေခဲ့တာ ဖြစ်သည်။
တစ်ခါတစ်လေ အပန်းဖြေရင်း နေဖို့ ရည်ရွယ်ပေမဲ့ ထွက်ပြေး ပုန်းရှောင်ရာ နေရာ ဖြစ်လာမယ်လို့ မထင်ခဲ့။
B1 မှာဆို Bathroom ထဲရှိ မှန်ရှေ့ရပ်ပြီး
တစ်နေ့တာအလုပ်တွေအတွက် အစီအစဥ်ချလေ့ရှိတဲ့သူက ခုတော့ စိတ်ထဲ ဗလာ။ဘာကိုမှ ကြိုမတွေးဖြစ်တော့ပေ။ကိုယ့်ကိုယ်ကိုယ်သိပ်မထိန်းချုပ်တဲ့အခါ စိတ်ပင်ပန်းမှု လျော့လာသည်။ဒါပေမဲ့လည်း တစ်ဖက်မှာ သတိရခြင်းက လွှမ်းမိုးနေ၏။တစ်ယောက်သောသူရဲ့ မျက်နှာကို အဝေးကလှမ်းမြင်တာနဲ့ ကြိုးစားချင်စိတ် ဖြစ်တဲ့သူက ထွက်ပြေးလာမိပြီးမှ တစ်ခါတစ်လေ စိတ်လေရပြန်သည်။
လမ်းတွေပေါ် ပြေးလွှားခဲ့တဲ့ ဘဝတုန်းကလို အားအင်မျိုး ပြန်ရချင်သည်။
သူ တစ်ကိုယ်ရည် သန့်ရှင်းပြီးနောက် မနက်ခင်း လေ့ကျင့်ခန်းအနေဖြင့် ပြေးသည်။
ပြေးနေတဲ့အချိန်ဆို စိတ်ကို ထွက်ပေါက်ပေးလိုက် သလိုမျိုးခံစားရသည်။အိမ်ပြန်ရောက်တဲ့အခါ ခဏနားပြီး Kitchen ထဲ ဝင်သည်။မနက်စာအတွက် ထွေထွေထူးထူး မချက်တတ်သဖြင့် ကော်ဖီဖျော်သည်။Sandwichလုပ်သည်။ပြီးလျှင် အိမ်ရှေ့ ဝန်းရံတာရှိ စားပွဲတွင် ထိုင်ကာ ဟိုငေး ဒီငေး။
ရွက်ဝါရောသည့် Vineyard တွေ ကို တောင်ခြေစပ်ထိ တစ်ပြန့်တစ်ပြောမြင်ရသည်။အေးချမ်း ဆိတ်ငြိမ်သော ပါတ်ဝန်းကျင် နဲ့ Winery တွေက ခရီးသွားတွေကို ဆွဲဆောင်နိုင်တာဖြစ်သည်။ညနေ ဆည်းဆာချိန်ဆိို Hot Air Balloon တွေက ကောင်းကင်မှာ မျှောနေကြပြီး လွင်ပြင်ဖက်တွေဆီမှာ Romantic ဆန်သော ချစ်သူစုံတွဲတွေကိုလည်း ရံဖန်ရံခါ တွေ့ရတတ်သည်။
YOU ARE READING
RAY
ActionBL ©Rene_y This story "RAY" is an original work by the author. Do not copy, narrate, translate, repost, or upload this story on YouTube or any other platform without the author's permission.
