နှစ်သစ်ရဲ့အစ January လသည် လွန်ခဲ့
သည့် December လကထက်ပင် အအေးပိုလာ၏။Constellation Area အတွင်း၌ ရှိသော အနီရောင် မေပယ်လ်ပင်တွေ၊ အညိုဖက်လုတဲ့ ထင်ရှူးပင်မြင့်တွေ နှင့် အမြဲစိမ်း သစ်ပင်ကြီးတွေက အရောင်အသွေးစုံလှသည်။ ဆဌဂံပုံစံအတိုင်း တည်ထားသည့်
အဆောက်အဦးတွေကလည်း ရာသီတွေ ဘယ်လိုပြောင်းပြောင်း ထည်ဝါနေဆဲ။
"အအေးမိဦးမယ် Noah"
လေသာဆောင်ရဲ့ တံခါးဘေးမှာ ထိုင်ငေးနေခဲ့တဲ့ Noah ကိုယ်ပေါ် ခြုံလွှာ လွှမ်းပေးလာသည့် Eric။
"ကျွန်တော် အဆောင်ကို ပြန်လို့ရပြီထင်တယ်"
ဒီသုံးလေးရက် အတွင်းမှာ သူ အတော်လေး သက်သာလာပြီမို့ Eric ရဲ့ အချိန်တွေကို ထပ်ယူရမှာ ဝန်လေးသည်။
"အရှင်းသက်သာမှ ပြန်ပါ"
ရုံးစားပွဲဆီ လျှောက်သွားသည့် Eric က အလုပ်များနေသဖြင့် Noah ဘာမျှ ထပ်မပြောတော့ဘဲ Sofa ပေါ်တွင် ငြိမ်ငြိမ်လေး ဝင်ထိုင်လိုက်ရ၏။
"ကိုယ် Lemon tea ယူလာပေးတယ် Noah...ပူနေတုန်း သောက်လိုက်"
ဖန်ခွက်အကြည်ထဲက လီမွန်ရနံ့သင်းနေ့သည့် လက်ဖက်ရည် ဟာ အငွေ့ဝေနေဆဲဖြစ်ကာ ဗန်းထဲတွင် ပျားရည်အိုးနဲ့သံပုယိုခြမ်းအပြင် ပူဒီနာရွက်လေးတွေပါ ပါသေးသည်။
"ကိုယ် အပြင်သွားစရာ ရှိသေးတယ်"
"ဟုတ်ကဲ့"
သူ့ကို စကားပြောရင်း အလုပ်မှာလည်း အာရုံစူးစိုက်မှု မပျက်သော Eric ကို ငေးမော ရခြင်းအား Noah သဘောကျသည်။
နှစ်ယောက်တည်း အတူရှိတဲ့ ဒီလို အချိန်တွေကို သူ မြတ်နိုးမိ၏။
"Eric ကျွန်တော်ဝင်လာမယ်နော်"
ရုံးခန်း တံခါးအသာဟကာ ခွင့်လှမ်းတောင်းသော Ray က Noah ကို မြင်တော့ ပြုံးပြ
သည်။
အရင်ကနဲ့စာရင် ပိုပြီး တက်တက်ကြွကြွရှိလာသော Ray ကို မြင်ရတာလည်း Noah
စိတ်ချမ်းသာပါ၏။
"Noah ဘယ်ဟာပိုကောင်းမယ်ထင်လဲ"
iPad ထဲကနေ Ray ပြလာတာက Cake မုန့်ပုံတွေ ဖြစ်သည်။ Eric မွေးနေ့အတွက်များ ကြိုပြီး စီစဥ္နေသလား မသိပေမဲ့ Eric က
အရသာရွေးနေမည် မထင်ပါ။
