"Noah...မြို့တော်ဝန် ခန့်အပ်ပွဲကို လိုက်ရမယ်"
Mansion ဖက်က သတင်းပို့လာသည်နှင့်
Noah ဆယ်မိနစ်အတွင်း အသင့်ဖြစ်နေရသည်။
ညနေခင်း ဆည်းဆာရောင်တောက်ချိန်။
မိုးဦး ဝင်စ လေပြည်က ခပ်အေးအေး။အနက်ရောင် ဝတ်စုံပြည့်ဖြင့် Noah
လိုက်ပါခြံရံရမည့် ကားတစ်စီးရှေ့ ခပ်မတ်မတ် ရပ်နေစဥ် ...
ညက်ညောသည့် ဖိနပ်ခွာသံကို ကြားလိုက်တဲ့အခါ
ကြွေခင်းထားသော လှေကားထစ်တွေဆီ Noah မော်ကြည့်လိုက်၏။
မီးခိုးရောင် မှိုင်းမှိုင်း Suit နဲ့ Daddyက
ကုတ်အင်္ကျီရှည်ကို အပေါ်ရုံထားကာ
ခန့်ညားနေသည်။
တည်ကြည်တဲ့မျက်နှာထားမှာ အသိရခက်ခြင်းများစွာဖြင့် ပကတိ ငြိမ်နေပေမဲ့ Limo ကားပေါ် မတက်ခင် Noah နံဘေးကို ဖြတ်လျှောက်တဲ့ အခိုက်ဝယ်။
အကြည့်တစ်ချက် လွှင့်လာ၏။
သာမန်ကာ လျှံကာမျှ ဖြစ်သော်လည်း Noah ရင်ထဲ ခံစားချက်တစ်မျိုး လှိုင်းထသွားခဲ့သည်။
•°•°•°•°•°•°•°•°•°•°•°•°•°•°•°•°•°•°•°•°•°•°•°
မြို့တော်ဝန် ခန့်အပ်ပွဲ။
အာဏာရ၍ အောင်ပွဲခံခြင်း ဟုသာ Noah သုံးနှုန်းမည်။ဘယ်မြို့တော်ဝင် ဘယ်လိုပင် တက်လာ Lord Eric ရဲ့ ထောက်ခံမှု ရှိမှသာ ဖြစ်သည်။ထိပ်တန်းအစိုးရဆိုတာကလည်း ပဏာမ စစ်ဆင်ရေးတွေမှာ Gang ရဲ့ အကူအညီကို ယူနေရခြင်း။ထို့ကြောင့် လခစား အေးဂျင့်တွေက Noah ရဲ့ Team ကို သိပ်မကြည်ချင်။သူတို့ နှစ်ရှည်လများ လိုက်နေရသည့် Case တွေကို Noah Team က တိတ်တဆိတ် ဖြေရှင်းသွားသော်လည်း ကျေးဇူးတင်ရကောင်းမှန်းမသိ။လူထုရှေ့တွင် နာမည်ခံပြီး မျက်နှာပန်းလှနေတတ်ကြသည်။
"အဲ့ဒါ ကုန်သွယ်ရေး ဝန်ကြီးရဲ့ သမီးပဲ"
Daddy ရဲ့ လုံခြုံရေးကို မသိမသာ စောင့်ကြပ်နေကြရပေမဲ့ မျက်စိကိုဖွင့် နားကို စွင့်ထားရသဖြင့် အကုန်မြင် အကုန်ကြားနေရတာပဲ ဖြစ်သည်။
Party ချိန်ရောက်လျှင် Daddy နံဘေးတွင် လိပ်ပြာလေးတွေ မသိမသာ ဝဲကြလေ့ရှိ၏။
YOU ARE READING
RAY
ActionBL ©Rene_y This story "RAY" is an original work by the author. Do not copy, narrate, translate, repost, or upload this story on YouTube or any other platform without the author's permission.
