Constellation မှာလည်း နေ့ရက်တွေက တစ်ရက်ပြီးတစ်ရက် ရွေ့လျားနေခဲ့သည်။
တစ်နေ့ တစ်နေ့ ဖြတ်သန်းလာရင်း မပြောင်းလဲတဲ့ကိစ္စတွေ ရှိသလို ထူးခြားတဲ့ဖြစ်ရပ်တွေလည်း ရှိ၏။
ကြယ်တာရာ အစုအဝေးကို ကိုယ်စားပြုတဲ့ ဒီ Constellation တစ်ခုလုံးမှာ Lord Eric ရဲ့ စံအိမ်တော် ပြီးရင် impact အကြီးဆုံး Building 1 ကလည်း Captain Noah ရဲ့ အုပ်ချုပ်မှုအောက်မှာ တိုးတက် ကောင်းမွန်စွာ လည်ပတ်နေပါသည်။
Captain ဆိုတဲ့ ရာထူးနဲ့အညီ Noahရဲ့နေ့ရက်တွေကတော့ တာဝန်တွေ အပြည့်ပင်။
မနက် အိပ်ရာထပြီဆိုတာနဲ့ အရင်ဆုံး Constellationကို တစ်ပတ် ပြေးကာ သူ့ရဲ့စိတ်စွမ်းအားကို မြှင့်တင်ရသည်။ ပြီးရင် Dining Hall မှာ အငယ်တွေနဲ့အတူ မနက်စာ စားရင်း B1ရဲ့တစ်နေ့တာ အစီအစဥ်တွေကို စစ်ဆေးရ၏။
B1 ရဲ့အရေးကြီးကိစ္စတွေကနေ အောက်ခြေက ပြဿနာသေးသေးလေးတွေအထိ Captain ကပဲ ဖြေရှင်းပေးရတာမို့ Noah အလုပ်မများတဲ့နေ့ဆိုတာ ခပ်ရှားရှားပင်။
ဒါတောင် Special Agent team ကနေ အနားယူလိုက်ပြီး Coach လုပ်တဲ့တာဝန်ကိုလည်း Dean နဲ့ Andrew က တစ်လှည့်စီ ယူပေးနေလို့ တော်သေး၏။
အခု သူ့အတွက် တိုးလာတဲ့တာဝန်တစ်ခုကတော့ Weapon ဌာနမှာ တစ်ပတ်ကို သုံးရက် အလုပ်ဝင်ရခြင်းပင်။
Weapon ဌာနက Constellationမှာ လုံခြုံရေး အမြင့်ဆုံးမို့ အယုံကြည်ရဆုံးဆိုတဲ့လူတွေထဲကမှ Eric ကိုယ်တိုင် စိစစ်၊ ရွေးချယ်ထားသူတွေကိုပဲ ခန့်ထားပြီး Eric ရဲ့ ညာလက်ရုံး Max က ကြီးကြပ်သည်။
Noahရဲ့တာဝန်ကတော့ ဌာနမှာ လာထုတ်တဲ့လက်နက်တွေကို အထက်ကခွင့်ပြုချက်နဲ့ သင့်တော်ရာ ရွေးချယ်ပြီး Maxဆီက အတည်ပြုချက်ရမှ ထုတ်ပေးရသည်။ လက်နက်တွေပြန်လာအပ်ရင်လည်း သေချာ စစ်ဆေးပြီးမှ လက်နက်တိုက်ကို ပြန်ပို့ပေးရသည်။
"ပစ်စတိုတစ်လက်နဲ့ကျည်တစ်ကဒ်"
ခွင့်ပြုစာနဲ့အတူ သူ့ရုံးခန်းကို ရောက်လာတဲ့သူက B5 ရဲ့Captain ဖြစ်သူ Ruby ပင်။ ခါးထိအောင်ရှည်တဲ့
ပတ္တမြားရောင် ဆံနွယ်တွေနဲ့ သူ့လိုပဲ မီးခိုးရောင်မျက်ဝန်းတွေ ရှိတဲ့ Ruby က အသက် ၂၀အရွယ်သာ ရှိသေးပေမယ့် အမျိုးသမီးသီးသန့်နေထိုင်သည့် Building 5 ကို အုပ်ချုပ်နေသူမို့ တော်ရုံ အရည်အချင်းရှိသူတော့မဟုတ်။
YOU ARE READING
RAY
ActionBL ©Rene_y This story "RAY" is an original work by the author. Do not copy, narrate, translate, repost, or upload this story on YouTube or any other platform without the author's permission.
