Noah တို့ ခရီးထွက်သွားတာ ဒီနေ့နဲ့ဆို ငါးရက်ရှိပြီဖြစ်ပြီး Constellation မှာတော့ Noah မရှိတာ တစ်လနှစ်လ မကတော့ပေ။
Noah ဦးဆောင်ခဲ့သည့် B1က ကလေးတွေက သူ့ကို တွေ့တိုင်း Captain Noah ဘယ်အချိန် ပြန်လာမလဲလို့ မေးတတ်ကြပြီး သူကလည်း အချိန်တစ်ခုကျရင်ဟုသာ ပြန်ဖြေလေ့ရှိသည်။
"မနက်ဖြန်ကျရင် B5 က ကလေးတွေရဲ့Graduation ရှိပါတယ်"
"အင်း...ဘွဲ့နှင်းသဘင်တက်ဖို့ ပြင်ဆင်ထားလိုက်"
B5 က အမျိုးသမီးငယ်တွေကလည်း Eric သားတွေနှင့်မခြား ကြည့်ရှုစောင့်ရှောက်လာခဲ့သော သမီးတွေပင်။
Constellation မှာ ဦးရေအနည်းငယ်သာရှိသော ရဲရဲတောက် အမျိုးသမီးတွေမို့ ပညာစုံပြီးနောက် လောကကြီးထဲ အတောင်ပံဖြန့် ပျံသန်းကြဖို့ရာ အသင့်ဖြစ်နေကြလေပြီ။
ဂုဏ်ပြုညစာ စားပွဲတွင် Eric က ဒီနေ့ ဘွဲ့ရကြသည့် သူ့သမီးတွေအကုန်လုံးကို ကားတစ်စီးစီ လက်ဆောင်ပေးခဲ့သည်။
"မနက်ကျရင် B5 Captain Ruby ကို Main Building ဆီ လွှတ်လိုက်ပါ"
"ဟုတ်ကဲ့"
B5မှာ ဒီနေ့ ဘွဲ့ယူကြသည့်အမျိုးသမီးတွေက နောက်ဆုံး Batch ဖြစ်၍ Constellation ရဲ့ လုပ်ငန်းစုကြီးတွင် ဆက်လက်တာဝန်ထမ်းဆောင်ကြမည့်အမျိုးသမီးများမှလွဲ၍ B5တွင် ကျောင်းနေအရွယ် မကျန်တော့ပေ။
Eric က Ray ကို သူ့ရဲ့ အမွေစား အမွေခံ သားအဖြစ် ခေါ်လာခဲ့ပြီးနောက်ပိုင်း ကလေးတွေ ထပ်လက်မခံတော့တာမို့ Constellationမှာ နဂိုရှိသည့် ကလေးတွေကိုပဲ ကျောင်းပြီးသည်အထိ ထောက်ပံ့ပေးထားသည်။
မကြာခင် အသက် ၄၀ ပြည့်တော့မည့် Eric အနေဖြင့် အလုပ်တာဝန်တွေကို နည်းနည်းချင်းစီလျှော့ချကာ ကိုယ့်ကိုယ်ကိုယ်အတွက် အချိန်ပိုပေးရင်း Noah ကိုလည်း သူ့အနားမှာ အမြဲခေါ်ထားချင်ပြီမို့ သူ့ Mansion တွင် Noahနေဖို့ အခန်းစီစဥ်ပေးနေတာလည်း Decoration ပိုင်းသာ လိုတော့၏။
Eric သူ့အခန်းထဲ ပြန်ရောက်တော့ အလုပ်စားပွဲမှာ ထိုင်ကာ Noah ဆီက Video Call ခေါ်လာမည့် အချိန်ကို စောင့်နေလိုက်သည်။
ဒီမှာ ည ဆယ်နာရီ ဝန်းကျင်ဆိုရင် ဟိုမှာ Noahက မနက်အိပ်ရာထတာနဲ့သူ့ဆီကို ဖုန်းခေါ်တတ်သည်။
YOU ARE READING
RAY
ActionBL ©Rene_y This story "RAY" is an original work by the author. Do not copy, narrate, translate, repost, or upload this story on YouTube or any other platform without the author's permission.
