RAY

CHAPTER [ 76 ]

မင်္ဂလာပွဲ မနက်ခင်းအစီအစဥ်တွေပြီးသည့်နောက် နေ့လယ်စာ မစားခင်မှာ သတို့သားနှစ်ယောက်က မိသားစု၊ မိတ်ဆွေသူငယ်ချင်းများနှင့်အတူအမှတ်တရ ဓာတ်ပုံတွေ ရိုက်ကူးနေကြစဥ်

ဧည့်သည်များကတော့ နေ့လယ်စာ တည်ခင်း၊ဧည့်ခံမည့် Reception Areaရှိ စားပွဲဝိုင်းများတွင် နေရာယူလိုက်ကြလေသည်။

Wedding menu မှာ
Welcome drinks အနေဖြင့် ရှန်ပိန်၊ စပါကလင်ဝိုင်၊ သံပုရာဖျော်ရည်ကဲ့သို့သော မော့တေးများနှင့်လက်ဖက်ရည်အေးတို့အပြင် ခံတွင်းရှင်းစေမည့် အသီးဖျော်ရည်များကိုလည်း တည်ခင်းပေးထား၏။

အဓိကနေ့လယ်စာကို မစားခင် နှုတ်မြိန်စာအနေဖြင့်စားရသော ဟင်းပွဲများမှာလည်း လတ်ဆတ်သည့်အသီးအရွက်များနှင့်ရှာလကာရည်၊ ဟင်းမွှေးဆီတို့ဖြင့်သုပ်ထားသည့် အသုပ်၊ မီးခိုးကျပ်တိုက် ကင်ထားသည့် ဆယ်လ်မွန်ငါးနှင့် ခရမ်းချဥ်သီး၊ ပင်စိမ်း၊ Mozzarella cheese တို့ဖြင့်သုပ်ထားသော အသုပ်များအပြင် တခြားဆေးဖက်ဝင်အရွက်သုပ်များလည်းစုံလင်စွာ တည်ခင်းထားသည်။

Reception areaတွင် ဧည့်သည်များနှင့်အတူ သတို့သားနှစ်ယောက်သည်လည်း အဓိကစားပွဲဝိုင်း၌ နေရာယူလာကြကာ နှုတ်မြိန်စာစားပြီးနောက် အဓိကဟင်းလျာမတည်ခင်းခင်အချိန်အပိုင်းအခြား၌

စားပွဲဝိုင်းတွေရဲ့အလယ်တွင် ဝင်ရပ်လာသည့် Ray က လက်ထဲမှ ရှန်ပိန်ခွက်လေးကို တစ်ချက်၊ နှစ်ချက် ခေါက်လိုက်တော့ စကားသံတွေ တိုးလျော့၊ ငြိမ်ကျသွားကာ

သတို့သားနှစ်ယောက်နှင့်အတူ ဧည့်သည်များသည်လည်း ကာကီရောင်Suitနှင့်ချောမောခံ့ညားနေသည့် လူငယ်လေးဆီကို အာရုံစိုက်မှုပေးလာကြသည်။

"အားလုံးပဲ မင်္ဂလာရှိတဲ့နေ့လယ်ခင်းလေးပါ"

ကနဦးအနေဖြင့် နှုတ်ခွန်းဆက်သလိုက်သည့် လူငယ်လေး Ray ဟာ ဒီနေ့မင်္ဂလာပွဲမှာ သတို့သားတွေရဲ့Best man အဖြစ် မိန့်ခွန်းပြောကြားတော့မည်ဖြစ်၏။

"ကျွန်တော့်ကို မသိသေးတဲ့သူတွေကို မိတ်ဆက်ပေးရရင် ကျွန်တော့်နာမည်က Ray Anderson ဖြစ်ပါတယ်ခင်ဗျာ။