"အစ်ကိုကြီး ကို သတင်းပို့စရာ ရှိလို့ပါ"
ရုံးခန်းထဲ ဝင်လာသော Maxwell က Eric အား ရိုသေစွာ ဦးညွတ်၏။
"ထိုင်"
ဧည့်ခန်းတွင် နေရာပေးသဖြင့် Maxwellက Sofa ပေါ်တွင် ဝင်ထိုင်လိုက်တော့ Eric ကလည်း မျက်နှာချင်းဆိုင်မှာ ခြေချိတ်လျက်။
"Vice president က အစ်ကိုကြီးနဲ့ စကားပြောချင်ပါတယ်တဲ့"
Lord Eric စိတ်ကွက်သွားခြင်းအတွက်လည်း ကျေနပ်အောင် ဆောင်ရွက်ပေးမည် ဖြစ်ကြောင်း အရင်ရက်တွေကတည်းက တောက်လျှောက် သူ့နားထဲ ရောက်နေခဲ့ခြင်း။
General တစ်ယောက်တော့ သွေးပျက်ကာ Constellation ကို စစ်ကြေညာချင်နေ၍ အထက်က ဝင်ထိန်းလာခြင်းပင်။ Eric တကယ် မလုပ်လောက်ဘူးလို့ ထင်နေလျှင်
မှားလိမ့်မည် မဟုတ်လား။
"ငါ့ကလေးတွေက အများကြီး အကူအညီပေးခဲ့ရက်နဲ့ တစ်ဖွဲ့လုံးကို အပြတ်ရှင်းချင်တာ ဘယ်ေလာက်တောင် မိုက်မဲလိုက်သလဲ"
Eric ရဲ့ အင်အားကို အမြစ်ကနေ စဖြိုချင်တဲ့ ရည်ရွယ်ချက်နဲ့လုပ်မှန်း Trainee ကလေးကို သွားမေးတောင် သိသည်။ မြို့တော်ဝန်ကလည်း အကြံတူဉာဏ်တူဖြင့် Eric လက်ကို
ခုန်ကိုက်၏။
"ကျွန်တော့် အတွေးကလည်း ကလေးတွေကို
အန္တရာယ်တွင်းထဲ မပို့ချင်တော့ပါဘူး"
Max တို့တုန်းက လက်နက်ကိုင်စွဲလျက် အမြဲတိုက်ခိုက်နေခဲ့ရသည်။ မှိုလိုပေါတဲ့ Gang
ရန်ပွဲတွေကြား ညီနောင်တွေကိုလည်း ဆုံးရှုံး ရဖူး၏။ Maxwell ဆိုတာနဲ့ မော်မကြည့်ရဲတော့လောက်သည့် အခြေအနေထိ ရောက် လာခဲ့တာဟာ အစ်ကိုကြီး ရဲ့ ဦးဆောင်ကောင်းမှုတွေကြောင့် ဖြစ်သည်။ တတ်နိုင်သမျှ အထိအခိုက် နည်းအောင် သူတို့အသိုက်အဝန်းကို ကာကွယ်လာနိုင်ခဲ့ကြ၏။
"Noah နေကောင်းရင် Weapon ဌာနမှာ မင်းရဲ့ လက်အောက် ရှိစေချင်တယ်"
ကိုယ် သင်ကြားပေးခဲ့သော ကိုယ့်တပည့်ဖြစ်
၍ Noah ရဲ့ အရည်အချင်းကို Maxwell မေးခွန်းထုတ်စရာမရှိ။ ကာကွယ်ရေးဖက်က
တောင် Noah ကို ခေါ်ဖို့ ကြိုးပမ်းခဲ့ဖူးတာ သူ အသိ။ အစ်ကိုကြီးကတော့ နဂိုကတည်းက Noahကို ယုံကြည်ပြီးသားမို့ Noah နှင့်သင့်တော်မဲ့ တာဝန်တွေကို လျာထားနှင့်သူ။ တစ်ခုရှိတာက Noah နှင့် တန်းတူ Captain တွေဆီမှ ထိုရာထူးအတွက် မကျေနပ်မှုတချို့ လက်ခံရလိမ့်မည်။
STAI LEGGENDO
RAY
AzioneBL ©Rene_y This story "RAY" is an original work by the author. Do not copy, narrate, translate, repost, or upload this story on YouTube or any other platform without the author's permission.
