"ကိုယ်တို့ ဒီနေ့ သွားစရာရှိတယ် Noah"
"ဘယ်ကိုလဲဟင်"
"Texas ကို"
"ဟုတ်...ကျွန်တော် ခရီးဆောင်အိတ် ပြင်လိုက်မယ်"
California ကနေ Texas ကို လေယာဥ်နဲ့ဆို သုံးနာရီကျော်လောက်တော့ သွားရသည်။ Eric က ဘယ်နှရက်ခရီးလို့ မပြောပေမယ့် Noah ခရီးဆောင်အိတ်တစ်လုံးတော့ ပါအောင်ယူခဲ့လိုက်၏။
Texas မှာလည်း Eric ရဲ့လုပ်ငန်းတွေ ရှိတာမို့ Austin မြို့က Eric ပိုင်တဲ့ Villa တစ်ခုမှာပဲ တည်းဖို့စီစဥ်ထားကာ လေဆိပ်ကနေ Villa ကို ရောက်တော့ Eric က သူ့ကို ခဏ နားစေသည်။
"Eric ဒီကို အလုပ်ကိစ္စသက်သက်နဲ့ လာတာလား"
"ညနေကျ သိရပါလိမ့်မယ်"
Eric က ပဟေဠိတွေဖွက်နေတော့ Noah သိချင်စိတ်တွေ ပိုပြီး ပြင်းပြလာ၏။ အရင်က Eric အလုပ်ကိစ္စဖြင့် Texas ကို လာစဥ်တွေတုန်းကတော့ Eric ရဲ့Bodyguard Teamနဲ့သူ တစ်ခါ လိုက်ရဖူးသည်။
"တစ်ရေးလောက် အိပ်ချင် အိပ်လိုက်ဦးလေ...နေအေးချိန်လောက်ကျ ကိုယ်နှိုးမယ်"
"ဟုတ်ကဲ့"
အရင်ကတော့ အိပ်ရာပြောင်းလျှင် Noah အိပ်ပျော်ရခက်ပေမယ့်လည်း အခုဆို သူ့အနားမှာ Eric ရှိတဲ့ဘယ်နေရာမှာမဆို သူ စိတ်အေးလက်အေးနဲ့ အိပ်ပျော်တတ်၏။
"Noah"
သူ့ဆံပင်တွေကို လက်ဖြင့် ညင်ညင်သာသာသပ်ပေးရင်း သူ့ကို နှိုးလာတဲ့ Eric ရဲ့အသံက ကြင်ကြင်နာနာ။
"Noah"
Ericက သူ့နာမည်ကို ဒုတိယအကြိမ် ထပ်ခေါ်လာချိန်ကျ Noah မျက်လုံးတွေဖွင့်ကြည့်လိုက်ပြီး သူနှင့်မျက်နှာချင်းဆိုင်တွင် လှဲနေခဲ့သည့် Eric ကို မော့နမ်းလိုက်သည်။
သူက နှုတ်ခမ်းချင်း ထိရုံလေး နမ်းလိုက်ပေမယ့် Eric က ပြုံးလျက် သူ့မျက်နှာအနှံ့မှာ အနမ်းပန်းတွေ တစ်ပွင့်ချင်း ဝေလာစေတော့ Noahမျက်လုံးတွေ ပြန်မှိတ်လိုက်ကာ Eric ပေးလာတဲ့အနမ်းတွေကို စိတ်ထဲကနေ ရေတွက်နေမိ၏။
နှင်းဆီရောင်သွေး နှုတ်ခမ်းလွှာတွေက နူးညံ့စွာဖြင့် သူ့နဖူးပေါ်မှာ အနမ်းတစ်ပွင့်၊ မျက်ခုံးနှစ်ခုကြားမှာ အနမ်းတစ်ပွင့်၊ သူ့မျက်ခွံတွေပေါ်မှာလည်း အနမ်းတစ်ပွင့်စီ။
YOU ARE READING
RAY
ActionBL ©Rene_y This story "RAY" is an original work by the author. Do not copy, narrate, translate, repost, or upload this story on YouTube or any other platform without the author's permission.
