"လူကြီးလေး ဖြစ်ပြီဆိုတော့ စိတ်ချမယ် Ray"
"Noah ကိုလည်း စိတ်ချ...ကျွန်တော် ဂရုစိုက်လိုက်မယ်"
Daddy က သူ့အား ညင်သာစွာဖြင့် ပွေ့ဖက် နှုတ်ဆက်ပြီး နံဘေးရှိ ယံ့ကို လက်ဆွဲနှုတ်ဆက်ကာ ကျေးဇူးတင်ကြောင်းပြောပါသည်။
Dean နဲ့ Andrew ကိုလည်း မှာစရာရှိတာတွေ မှာပြီးနောက်မှာတော့ Daddyက Noah ကို ခပ်တင်းတင်းလေး ပွေ့ဖက်ထားရင်း အလွမ်းသယ်နေခဲ့တာ သူတို့တွေ လေယာဥ်ပေါ် မတက်ခင်အချိန်ထိပင်။
"ပျော်ပျော်လည်ခဲ့ကြ"
"ဟုတ်ကဲ့"
Rayတို့ US ကနေ မနက်စောစော ထွက်လာခဲ့ကြပြီး နောက်တစ်ရက်
ညနေစောင်းတွင် မြန်မာပြည်သို့ရောက်သည်။
"ဦးဦးရောင်ခြည်"
"ဂူဂူး"
ယံ့ရဲ့ညီမ မနန်းခတို့မိသားစုက သူတို့ကို လေယာဥ်ကွင်းမှာ ကြိုစောင့်နေတော့ အတူပါလာတဲ့ဂူဂူးလေးက Ray ကို မြင်တာနဲ့ ပြေးဖက်ပါ၏။
"ဒါက ဦးဦးရောင်ခြည်ပြောဖူးတဲ့ သူငယ်ချင်းတွေလေ"
"ပုံထဲမှာ မြင်ဖူးတယ်"
Ray အရင်တစ်ခါ လာလည်တုန်းက ဓာတ်ပုံတွေ ပြဖူးတာကို ဥာဏ်ကောင်းတဲ့ ဂူဂူးလေးက မှတ်မိဟန်တူပါသည်။ သူ တစ်ယောက်ချင်းစီကို နာမည်နှင့်တကွ မိတ်ဆက်ပေးတော့လည်း ဂူဂူးက Noah တို့ကို ခဏတွင်းချင်း ခင်မင်သွား၏။
"မင်္ဂလာပါ ဂူဂူး"
"မင်္ဂလာပါရှင့်"
"မောင်လေးတို့က အစ်မ အမျိုးသားရဲ့ကားနဲ့လိုက်နော်"
"ဟုတ်ကဲ့ဗျ"
မနန်းခတို့ ဇနီးမောင်နှံနှစ်ယောက်လုံးက English ဘာသာစကားကျွမ်းကျင်တော့ ယံ့ရဲ့ တခြားမိသားစုဝင်တွေနှင့်
စကားပြောဆိုဆက်ဆံသည့်နေရာမှာလည်း အကူအညီဖြစ်စေသည်။
Andrew တို့တွေလည်း Ray သင်ပေးထားလို့ "မင်္ဂလာပါ" "ကျေးဇူးတင်ပါတယ်" "ဟုတ်ကဲ့ဗျ" စသဖြင့်တော့ ပီအောင် ပြောတတ်ကြကာ သဘောကောင်းပြီး ဖော်ရွေသည့် ယံတို့အိမ်ကလည်း သူတို့ကို နွေးနွေးထွေးထွေး ကြိုဆိုပေးကြလို့ ဝမ်းသာရ၏။
YOU ARE READING
RAY
ActionBL ©Rene_y This story "RAY" is an original work by the author. Do not copy, narrate, translate, repost, or upload this story on YouTube or any other platform without the author's permission.
