"ချစ်တယ် Noah"
သူ Noah ကို ရင်ခွင်ထဲမှာ ထည့်ဖက်ထားရင်း ချိုချိုသာသာ ချစ်စကားဆိုတော့ ရင်ထဲ ထိရှသွားပုံရတဲ့ Noahရဲ့ မီးခိုးရောင်မျက်ဝန်းတွေမှာ မျက်ရည်ကြည်တွေ ရစ်ဝဲလာကာ
"ကျေးဇူးပြုပြီး ထပ်ပြောပေးပါလား"
ရယ်လို့ တောင်းဆိုလာတဲ့Noahရဲ့အသံလေးက တိုးတိုးလျှိုးလျှိုးပါ။
"ချစ်တယ်"
"ထပ်ပြီးတော့..."
"ချစ်တယ်"
"ကျွန်တော် Eric ဆီက ချစ်စကားကို နေ့တိုင်းလိုအပ်တယ်ဆိုရင် လောဘကြီးရာ ကျမလားဟင်"
Eric ပြုံးလျက် ခေါင်းရမ်းပြလိုက်တော့ Noah ရဲ့မျက်ဝန်းထောင့်ကနေ မျက်ရည်ဥတွေ လိမ့်ခနဲ ကြွေဆင်းလာကုန်သည်။
"ကိုယ် ချစ်တယ်ပြောတိုင်း ငိုတာ ဘာကြောင့်လဲ Noah"
ပူနွေးနေတဲ့ မျက်ရည်စလေးတွေကို ပွတ်သုတ်၊ဖယ်ရှားပေးရင်းနဲ့ Eric ကိုယ်တိုင်လည်း Noah ငိုတာ မြင်တိုင်း
စိတ်မကောင်းဖြစ်ရသည်သာ။
"Ericဆီက ကျွန်တော့်ကို ချစ်ကြောင်း ကြားရတိုင်း ကျွန်တော် ပျော်လို့ပါ...အချစ်ခံရတာက ဒီလောက် ပျော်ရွှင်ဖို့ကောင်းမှန်း ကျွန်တော် မသိခဲ့ဘူးလေ"
"မင်းက အများကြီး အချစ်ခံရဖို့ထိုက်တန်တဲ့ကောင်လေးပါ Noah"
"ကျွန်တော် မှားခဲ့တာတွေကို ပြင်ဆင်ခွင့်ပေးခဲ့လို့လည်း ကျေးဇူးတင်ပါတယ်"
"အဲဒီတုန်းက ကိုယ် ရိုက်ပြီး ဆုံးမတော့ မင်းရဲ့နှလုံးသားမှာပါ ဒဏ်ရာဖြစ်ခဲ့တယ် မဟုတ်လား Noah"
Noah က အဲဒီအချိန်တွေကို ပြန်တွေးရင် အခုထိဝမ်းနည်းတုန်းပဲထင်သည်။
သူ မေးတာကို ချက်ချင်း မဖြေနိုင်သေးဘဲ Noah က ရှိုက်ငိုနေလေတော့ Ericရဲ့ရင်ထဲ တဆစ်ဆစ်နဲ့နာကျင်လာ၏။
"ပထမတစ်ခါ ကျွန်တော် အပြစ်လုပ်မိတုန်းကဆိုလေ...ကျွန်တော်...Eric ရှေ့မှာ ထပ်ပြီးမျက်နှာမပြရဲလောက်အောင်...ရှက်ရွံ့ခဲ့တယ်"
Constellationရဲ့နှစ်ပတ်လည် ပျော်ပွဲရွှင်ပွဲတွေမှာတောင် ၁၄နှစ်အရွယ် လူပျိုပေါက်လေး Noah က သူ့မျက်စိရှေ့ကနေ ရှောင်ဖယ်နေခဲ့တဲ့အချိန်တွေကို Ericလည်း မှတ်မိပါသည်။
YOU ARE READING
RAY
ActionBL ©Rene_y This story "RAY" is an original work by the author. Do not copy, narrate, translate, repost, or upload this story on YouTube or any other platform without the author's permission.
