جبران العشق
الفصل الثامن والعشرون
الجزء الثالث
¤¤¤¤¤¤¤¤¤¤
هرعوا جميعا من المكتب خلف حسن الذي هرول الخطي تجاه أحد الزانانات الصغيرة التي تستخدم للحجز الانفرادي لتتسع أعينهم في ذهول ها هو سفيان ملقي أمامهم أرضا وجهه أزرق عينيه جاحظة شفتيه زرقاء يخرج من فمه رغوة بيضاء مات مسموما إذا وليس منتحرا قتل بمعني أدق ...اقترب بيجاد من جبران يهمس له خفية :
- دا مات متسمم انتحر إزاي هو اللي سمم نفسه يعني هيجيب السم منين أنت فاهم حاجة
نفي جبران برأسه يراقب زياد عن كثب وهو يقترب من جثة سفيان انحني جوارها يتفحصها بعينيه عن قرب لا وجود لأي آثار عنف في الجثة ولكن كيف وصل السم لسفيان من صانع الحلقة المفقودة أما حسن فاقترب من يدي سفيان يفتحها لا وجود لاثر اي شئ لا محقن لا بقايا سم علقت علي أصابعه ، يديه لا يرتدي فيهم أي خواتم قد تحمل السم داخلها اذا كيف وصل السم إليه حرك يده بين خصلات شعر سفيان عله يجد شيئا ولكن لا شئ أيضا اجفلوا جميعا علي صوت غاضب يأتي من خلفهم :
- البهوات اللي فاكرين نفسهم من الطب الشرعي يبعدوا عن الجثة
ابتعد حسن وزياد توجه حسن صوب الرجل الداخل يسأله متعجبا :
- دا ميت مسموم ، جاب السم ازاي مش المفروض أن في تفتيش قبل ما بيدخل اي مسجون الزنانة
اومأ الرجل برأسه بالإيجاب تحركت عينيه إلي حذاء سفيان يغمغم حانقا :
- المفروض ... ودا حصل فعلا بس سفيان طلع مخبي السم في الجزمة بتاعته أنا مش فاهم ليه ينتحر بعد ما يعترف ولا غروره ما سمحلوش أنه يتحبس
هنا تدخل زياد عينيه تجوب جثة سفيان والتعجب يملئ نبرة صوته :
- الغريب فعلا أن جثة سفيان متخشبة بشكل غريب يعني ما اعقتدش إن ميت من ساعات عشان جثته تبقي متخشبة بالمنظر دا
همهم الرجل الواقف موافقا علي ما يقول زياد ولكن الأهم فالمهم دائما اشار لجبران يغمغم :
- فعلا ودا اللي هيثبته تقرير الطب الشرعي دلوقتي الأهم عندنا الفلاشة اللي سفيان اداهالنا وعليها أسامي كل التجار المخدرات هنا في مصر وورق إدانتهم ... جبران تعالا معايا عاوزك لوحدنا
اومأ جبران بالإيجاب تحرك ليغادر نظر لجثة سفيان للمرة الأخيرة قبل أن يغادر ليقطب جبينه يحاول أن يتذكر هل كان يمتلك سفيان شامة مستديرة علي رقبته ؟!!! تحرك خلف ذاك الرجل إلي غرفة مكتبه اشار له ليجلس في حين اقترب الرجل من مكتبه التقط ملف أزرق مد يده له به يغمغم مبتسما :
- صحيح مجدي مات وسفيان انتحر بس احنا بردوا كسبنا قطعنا رأس الحية ومسكنا المورد اللي برة اللي هو وليد ومعانا دلوقتي أسماء كل التجار وجاري القبض عليهم وطبعا دا كله بفضل ربنا ومساعدتك يا وليد ... صدقت لما قولت عايز أكفر عن غلطتي وفعلا عملت كدة ... اتفضل يا سيدي ورقك الرسمي رجعت مراد تاني وغيرنا صورتك القديمة في الورق الجديد اما الورق القديمة زي ما هو وهتلاقي هنا بردوا شهادة طبية من دكتور تجميل أن حصلك حادثة كبيرة واضطروا يغيروا في ملامح وشك عشان ينقذوك ..... تقدر ترجع لحياتك تاني وجبنالك شهادة تخرج من كليتك يا سيدي صحيح مش هتشتغل بيها بس اهو تبقي خريج قدام الناس
أنت تقرأ
جبران العشق
Gizem / Gerilimقصة عشق مختلفة أن كنت تبحث عن البطل الوسيم شديد الثراء فعذرا قصتنا مختلفة تماما بين معلم الحواري وبنت الذوات
