-بُصِ احنا نتفق إتفاق هيعجبني أوي، انتي عارفه كويس إن انا بحبها، وبردُو عارفه إني هتجوزك بأمر من والدي، فـعشان كده انتي هتكوني فـ أوضة وانا أوضة وحدي، وقت ما أكون موجود فالبيت ما المحكيش فيه، تلتزمي أوضتك مفهوم ولا أعيد.
-إيه.
-أعيد، تمام هعيد تاني عشان تفهمي أكتر، بحبها ومش هحبك أبداً، مستحيل أحبك فهمتي يا سدرة.
-هتتجوزني ليه طالما بتحبها.
-عشان والدي مايزعلش مش أكتر.
-بلعت ريقي واتكلمت بغصة: كل ده عشان عرفت إني بحبك.
-أظن انا وضحت ومش لازم أعيد تاني.
كل ذنبي إني حبيته، انا عملت اي أغلاط فـحياتي عشان أحب وأتوجع من الشخص اللي اختارة قلبي.
مكانش غلطي ولا بإيدي إني أحبك، قلوبنا ملناش سلطان عليها، قلوبنا هي اللي بتحركنا، و احنا غصب عننا بنمشي وراها لحد مانغرق.
-عمي.
-تعالي ياحبيبة عمك.
-قعدت جمبه وقولت بهدوء عكس الوجع والقهر اللي جوايا: مش عايزة أكمل مع ياسين، ياسين مش بيحبني.
-لية يا سدرة، انتي بتحبيه، وهو كمان، زعلك قوليلي.
-لا ياعمي ياسين مزعلنيش، وهو مش بيحبني ياسين.
-سدرة.
-كان صوته فَـ إلتفت لُه: نعم.
-ضغط على حروف كلامه: تعالي ورايا عشان نشتري باقي الطلبات.
-مش عايزة حاجة، ولا عايزة اشتري طلبات.
-مستنيكي فالعربية.
-بصيت لعمي فَـهز راسه بتمام: روحي يا سدرة
نزلت على السلم وانا نازله كانت ايدة بتسحبني، وقبل صوتي مايطلع كان كتمه بإيدة.
ضهري اتخبط فالحيطة، غمضت عيوني من الوجع، فتحت عيوني براحه وكان ياسين.
-ضغط على درعاتي بقوة وكز على أسنانة: كنتي هتقولي إني بحب واحده تانيه لوالدي ليه.
-عشان أعرفه الحقيقة اللي هو مش عارفها.
-زاد من ضغط إيديه على درعاتي: وبعدين معاكي.
-حبست دموعي واتكلمت: ولا قبلين، ممكن تبعد لأني حاسة درعاتي هيتكسروا.
-ضغط بقوة أكبر: قوليلي عايزة أي، أي اخرتك.
-ياسين.
-قرب وهمس فودني بفحيح: اسمعي كويس اللي هقوله عشان تحطيه حلقة فونك زي الحلق الحلو ده، لا عمري حبيتك ولا هحبك يا سدرة مفهوم.
-حاولت اتكلم فَـسكت، لأني لو اتكلمت هعيط.
-ضغط ضغطة على درعاتي تكسرهم كسر: مفهوم.
-حبست دموعي قدر المُستطاع واتكلمت بسرعة: مفهوم مفهوم.
-ساب إيدي ومشي.. اتهاويت على الأرضة وانا بعيط وقولت:
-هندمك يا ياسين وبكرة تشوف.
-خلصتي.
-ايوة ياحبيبي خلصت.
-نمشي.
-اتكلمت بهدوء: أنت لو هتمشي أوك، لكن انا هروح أكُل عشان جعانة ياحبيبي.
-قبل مايمشي رجع وقال: بالمناسبة رَها بتسلم عليكي.
-قال كده عشان يخليني اتعصب ويستفزني، بس و الله فسماه ما هنولهالك: الله يسلمها ياحبيبي، قولها سدرة بتسلم عليكي.
-طبعت بوسة على كف إيدي ورَفعتها ناحيته: اعطيها البوسة دي ياغالي وغمزتله فَـمشي بعصبيه.
-حبيبي.
-نعم.. اقصد عايزة أي.
-رَها.
-مالها.
-اتكلمت ببراءة طفل: عايزة أشوف حبيبة حبيبي.
-لا.
-حننت نبرة صوتي: عشان خاطرها.
-عايزة تروحي لِـرَها ليه يا سدرة.
-كده.
-بصلي بشك: سدرة.
-اتكلمت بخبث: متخفش.
-أثق فيكي.
-هزيت راسي بلؤم: اُمال.
