=أعمي!!
-وماله الاعمي يا بهية الراجل جه وقعد معايا وطلب أيد قُدس لأبنة والولد عارف ربنا ومحترم وفي الاخر الرأي رأي قُدس هيا صاحبة الأمر
=علي جثتي الموضوع دة يتم اية هو انا بنتي مش زي البنات دي أحلي بنت في العيلة مش من حقها تتجوز واحد كويس مش واحد عنده عيب
-هيا ليها حرية الرأي يا بهية ومحدش هيغصبها علي حاجة انا مربي بنتي كويس وعارف أنها لما تختار الحاجة هتكون اقتنعت بيها وهتتحمل نتيجة أختيارها وع العموم الناس هتيجي أخر الاسبوع ياريت تبلغيها ولما الناس تيجي تتعاملي كويس
=ماشي أما نشوف
________♡
=قُدس
~نعم يا أحلي بابا في الدنيا
-تعالي اقعدي يا حبيبتي عاوزك في موضوع
~اتفضل يا بابا
-فية ناس جايين عشان يشوفوكي
~هو انتوا عاوزين تخلصوا مني ولا أية اية الحوار
-يا بنتي أتكلمي جد بقي مرة في حياتك المهم خليني أكمل كلامي انا عاوزك بس تعرفي ان العريس عنده مشكلة في البصر انا مش عاوز رد منك دلوقتي انا عاوزك تقابلي الناس وتقعدي معاه وأنا مش هغصبك علي حاجة دي حياتك وانتي اللي ليكي الحق انك تختاري الشخص اللي هتكملي معاه فهماني يا بنتي
~(بشرود) فهماك يا بابا اللي تشوفه حضرتك
__________♡
=أبوكي كان بيكلمك علي العريس
~اه يا ماما
=وهتعملي أية
~هقابل الناس وهقعد معاه
=أنتي عاوزة تجننيني هو اية اللي هتقعدي معاه الموضوع مش مستاهل انك تقعدي معاه بلغية بالرفض علطول
~رفض لية مش يمكن يكون كويس ويكون ربنا أخد منه الحاجة دي وعوضه بدلها حاجة كويسة
=انتي وابوكي مش هترتاحوا الا لما تموتوني يا بنتي انا عاوزاكي تاخدي واحد كدة طول بعرض مفيهوش غلطة أنتي عاوزة الناس تشمت فينا
~أنا مليش دعوة بالناس يا ماما انا ليا دعوة بحياتي مش هعيش بمزاج الناس وبعدين انا لسة مقعدتش معاه عشان احكم هو فية غلطات ولا لأ انا هدخل أنام عشان ورايا جامعه الصبح تصبحي علي خير
=ربنا يهديكي يا قدس وتريحيني بقي
_________♡
: اية يا ست قدس صباح الفل يلا عشان ناكل
~صباح النور همك علي بطنك كدة علطول
: مالك يا قدس سرحانة في ايه
~هاا لا مفيش
: لا والله شاكلك سرحانة قولي قولي احنا أهل هتخبي عليا يعني
~فية عريس جايلي بعد بكرة وبابا بيقول أنه عنده مشكلة ف البصر وماما مصرة إني أرفض من قبل ما أقعد معاه وانا محتارة ومش عارفة أعمل أية
: أقعدي معاه متكسريش بخاطرة مش يمكن يطلع كويس وفية الصفات اللي انتي عاوزاها
~انا هقعد أكيد بس مش عارفة مش متوترة لية حاسة براحة كدة شوية لعله خير ان شاء الله
: يارب يلا كلي بقي لحسن انا جوعت
~هههه طب يلا يا طفسة
_____________♡
=العريس وأهلة جايين كمان شوية يلا قومي البسي
~حاضر
(لبست دريس موڤ غامق وخمار اوف وايت ومحطتش ميكب عشان اصلا في الطبيعي مش بحط)
~السلام عليكم
-والدته: وعليكم السلام ورحمة الله وبركاته بسم الله ماشاء الله عليكي يا حبيبتي قمر ربنا يحميكي
~ربنا يبارك في عمرك يا طنط
_بابا: طب احنا هنسيبهم ونروح نقعد ف الصالون عشان ياخدوا راحتهم في الكلام
=ازيك انا بس عاوز اقولك قبل اي حاجة انك مش ملزمة توافقي عشان متجرحينيش او كدة انا عادي متعود علي الموضوع دة وخلاص اتأقلمت مش حابب اعيش مع حد شفقة انا جيت بس عشان أرضي أهلي أتفضلي أسئلي لو عندك أسئلة بس أنا شايف إن الموضوع مش محتاج لأني كدة كدة هترفض
~احم تترفض لية بص اولا كدة انا لسة معرفش حاجة عنك فأنت عرفني كدة علي نفسك وبتصلي ولا لأ وبتحفظ قرآن ولا لأ
=احم طيب أنا اسمي ياسين صدقي عندي 27 سنة خريج حاسبات ومعلومات قسم تكنولوجيا المعلومات وعندي شغلي الخاص الحمد لله منتظم في الصلاة وخاتم للقرآن
~أنا قُدس محمد في كلية تجارة أخر سنة والحمد لله بصلي وبحفظ قرآن وعاوزة أسئلك سؤال
=أتفضلي
~هل لو حصل نصيب وكملنا هيبقي أية تصرفك لما أعمل حاجة غلط ولو حصلت مشكلة بينا هتحلها ازاي
=لو عملتي حاجة غلط أكيد هفهمك غلطك لان كلنا بنغلط ونتعلم وان حصلت بينا مشكلة ف المشكلة دي بينا أحنا بس محدش يتدخل فيها لا من أهلك ولا من أهلي ويومنا مش هيعدي الا لما تكون المشكلة محلولة احنا مش هيبقي لينا الا بعض فمينعش الزعل بيننا يطول انا مراتي هعاملها علي اساس انها بنتي مش هرضي بأي قليل ليها وهسمح لحد يزعلها حتي انا اللي هتشيلني وتستحملني بظروفي دي اديها عنيا
__________♡
~بابا انا صليت استخارة وموافقة
-علي خيرة الله ربنا يتمللك علي خير
=تصدقي يا بت يا قُدس الواد طلع بشوش كدة ودخل قلبي
~يا خبر يا ماما طالما رضيتي علية كدة يبقي ربنا هيسهلنا الموضوع
=ربنا يتمملك علي خير يا حبيبتي واشوفك أحلي عروسة
~حبيبتي يا ماما
__________♡
وحددنا موعد الخطوبة ومامته لبستني الدبلة
-ما تطلعوا تقعدوا ف البلكونة كدة شوية
~حاضر (اول جمعه جالنا فيها بعد الخطوبة)
=اية بقي عاوزين نلتزم طبعا بضوابط الخطوبة
~أكيد
=وعاوزين نلتزم بورد قرآن يومي ونحفظ القرآن انا اراجع علي حفظي وانتي تكملي حفظ
~تمام
=وطبعا مش عشان هنلتزم بضوابط الخطوبة يبقي منكلمش بعض نهائي لأ أحنا لازم نكلم بعض عشان نعرف شخصيات بعض عشان فترة الخطوبة معمولة للتعارف فكل طرف يظهر بشخصيتة الطبيعية عشان متحصلي مشاكل لاقدر الله بعد الجواز بس المهم دلوقتي حابب اسئلك سؤال
~اتفضل
=هو انا لو معملتش عملية في عيني وخفيت وبقيت اشوف هل دة هيفرق معاكي
~أنا اختارتك وانت كدة وقرار انك تعمل العملية او متعملهاش دة يرجع لراحتك انت
=طيب انا اتفقت مع باباكي ان فترة الخطوبة تبقي ست شهور وبعدها نكتب الكتاب
~ماشي
___________♡
طول فترة الخطوبة كان هين لين في الكلام كان بيراجع معايا القرآن اللي بحفظة وشجعني لحد ما قربت أخلص الجزء ال15 نصف القرآن وكان بيقرألي قرآن بصوته العذب وخلاص هانت فاضل شهر علي كتب الكتاب وقالي انه طول الفترة دي هيبقي مشغول بترتيبات فمش هيعرف يجي كل اسبوع
-لولولولولولي خلاص يا قُدس بكرة كتب الكتاب
~انا مبسوطة اوي بجد
-ربنا يبسطك كمان وكمان
~يارب
________♡
وخلاص اللحظة المنتظرة جت وبيكتبوا الكتاب
_بارك الله لكما وبارك عليكما وجمع بينكما في خير
~(لقيته جاي يجري عليا وعيونه مليانة دموع)
=مكنتش أعرف أنك حلوة اوي كدة انتي هدية ربنا ليا
~بدموع: ثانية واحدة انتَ بتشوف
=عملت العملية يا قُدس عشان أشوفك ومتحسيش انك واخدة واحد معيوب عملتها عشان انتي تستاهلي كل حاجة حلوة مكنتش حابب اخليكي مكسوفة من حد لما يعرفوا انك اتجوزتي واحد أعمي
~انا عمري ما كنت هتكسف منك أنت أختياري الصح اللي عمري ما ندمت أني أختارته أنا.. أنا بحبك أوي ربنا يديمك في دنيتي حبيب وزوج ورفيقي للجنه إن شاء الله
_وبعدين يا ماما
~وبعدين قُدس اتجوزت ياسين وجابوا أحل حور في الدنيا
_الله ياماما قصتك أنتي وبابا جميلة أوي قد أية كنتي جميلة لما قبلتية في وقت مرضه وهو كان جميل لما عمل العملية وكافئك
~بابا جميل طول عمره
_طب ووعده ليكي ف الرؤية وفي بية ولا لأ
~وفي بوعده وكان أب ليا بينصحني وقت ما أعمل الغلط
ومشاكلنا لحد النهاردة بتتحل في نفس اليوم.
#أية_مجدي_طيف"
- عاالم مختلف )" 💛✨
