- بس انا مش موافقه
= لازم توافقي
- هتجبروني!!
= لو وصلت للاجبار هنجبرك
- انت بتتكلم بجد!!
= معندناش حلول تانيه
- فـ قررت تضحي بيا مش كده
= ملك ارجوكي افهمي وضعنا
- هونت عليكوا تعملوا فيا كده! بسهوله كده هتجوزوني واحد مبحبوش
اتنهد = انتِ عارفه اننا علينا ديون كتير اوي
قولت بسخريه - وقررت انك هتدفع الديون دي بيا انا
= اسمعي...
قاطعته - الكلام خلص، انا موافقه بكره هكون هنا عشان نكتب الكتاب
حاله من اللاوعي ماشيه بيها، معقول هتجوز بالطريقه دي!! لمجرد ان عمامي عليهم ديون لواحد عايز يتجوزني !! طب وانا ذنبي ايه! ليه اتجوز واحد اكبر مني بـ 10 سنين ومتجوز اساساً، بابا و ماما لو كانوا لسه عايشين مكانوش هيسمحوا ان ده يحصل، بس للاسف هما مش موجودين
لبست الفستان اللي هما جايبينه ، مخدتش بالي حتي هو لونه ايه ولا شكله ازاي، خلصت لبس وخرجت عشان المأذون وصل، انا مش مصدقه اني بعمل كده! هرمي نفسي في النار! بس هعمل ايه طيب؟
" موافقه يا بنتي علي الجوازه دي
سكت ومقدرتش اتكلم لوهله، لسه هتكلم واقول اني موافقه
- موافقه ازاي وهي متجوزه اصلاً
= ايه اللي انت بتقوله ده
- قولت ايه يعني؟
= متجوزها ازاي؟
قال بسخريه - هو ايه اللي ازاي، مش فاهم يعني ايه متجوزه؟ وبعدين انت مين اساساً
= انا عمها
- وانا جوزها، وشوف بقي لو رحت قدمت محضر انك بتجبرها علي الجواز وهي متجوزه
= انت بتقول اي كلام يجدع انت
بصلي - يلا يا ملك نمشي من هنا ولينا بيت نتكلم فيه
( مش عارفه اعمل ايه! طب هتصرف ازاي؟ ومين ده اصلاً ، بس مش عارفه ليه حسيت اني مرتاحاله، قمت في وسط زهول الكل وقفت جمبه )
- اما هعتبر اللي حصل ده كأنه محصلش عشان خاطر معملكوش مشاكل لكن لو عرفت انكم قربتم منها تاني هنزعل مع بعض، ادخلي هاتي حاجتك عشان نمشي
دخلت بسرعه جبت شنطتي وتليفوني والبطاقه والاوراق بتاعتي وكده، طلعت بصتلهم بصه كلها خذلان وبعدين رحت ناحيته ومشينا سوا
قولت اول ما خرجنا من العماره - انت مين؟
ابتسم = انا اللي ضاع من عمري سنين
- لا والله
= خلاص يستي متبقيش قفوشه، اركبي العربيه وهقولك كل حاجه في الطريق
- وانا ايه اللي يخليني اركب العربيه معاك م انت ممكن تكون حرامي اعضاء وتكون بتقولي تعالي خدي شيكولاته وبتاع وتقوم تقطعني وتاخد المراره اللي حيلتي، لأ مش هركب معاك
ضحك = هو انتِ عبيطه؟ وبعدين حتي لو حرامي اعضاء هاخد مرارتك، اركبي العربيه يا ملك ومتفقعليش انتِ مرارتي
قولت بشك - انت تعرف اسمي منين؟
= هو انتِ بتسألي اسئله كتير ليه ؟
- عشان عايزالها اجابه
= وانا قولت هجاوبك بس نمشي من هنا
معرفش ليه وثقت فيه وركبت العربيه جمبه، خرجنا من المنطقه وبعدين لقيته ركن العربيه جمب مطعم سمك، ونزل وشاورلي انزل وراه
- عارف انك مستغربه انا جايبك هنا ليه، بس انا تقعدي ترتاحي شويه، وانا هقولك اللي انتِ محتاجه تعرفيه، بس الاول تحبي تاكلي ايه؟
= اي حاجه، انت بحب كل الاكل متقلقش
- طب هطلبلنا زي بعض ، فيه حاجه معينه تحبي اطلبهالك مخصوص
ابتسمت = ياااه لو شوربه سي فود، طب عملت معايا واجب والله
- من عينيا يا ستي
