- أظافرك يا أنسة.
- مالهم!
- حرام يكونوا كده.
- أي اللي حرام، هو أنت أعمى مش شايف انهم نضاف.
- بص فالروشته ورجع بصلي واتكلم بهدوء:- هو لازم يكون متوسخين عشان يكون حرام ولا أي يا أنسة.
- قولت ببساطة:- ايوة.
- لا مش لازم، فإن الشيطان يجري ما بين اللحم والظفر، حتى لو نضيفه، بصي لو عملالهم أي حتى، بردو بيفضل مستظل تحتهم.
- هات الروشته معلش.
مد ايده بيها بعد ما ابتسم، اخدتها ومشيت لحد الباب فَقال:
- آه نسيت اقولك، الصبح لما تصحي وتغسلي وشك أبقي اغسلي ودانك كويس.
- حطيت ايدي على وداني بإستغراب:- نعم، وداني مفهاش حاجه ونضيفه، بعدين أنت بتحشر نفسك ليه؟ ها.
- اعملي اللي بقولك عليه بس.
- و أعمل ليه؟ تكون مين أنت.
- ولا حاجه.
- طيب.
أظافرك يا أنسة ودانك يا أنسة..فاكر نفسه هيتحكم فيَّ، إنسان غريب بجد.
بعدين هو أي دخله بـ أظافري أو وداني، ده مش بعيد يقولي داري شعرك كمان، لا بجد هو ده اللي ناقص، خليه يقولها كده بس.
- الواد الغتت اللي اسمه ياسين ده.
- ماله؟!
- قال أي بيقولي اقص أظافري هه، ده بيحلم، عبيط أصلة.
- أممم، قالك كده ليه؟
- معرفش عامل نفسه شيخ قال.
- طب تيجي نعمل سيرش على كلامه ونتأكد.
- شوحت بإيدي كده: بلا سيرش بلا بتنجان.
رقدت على السرير وغمضت عيوني، بدأت أفكر فكلامه.
هل اللي بيقوله ده صح، طب لو صح اقصهم..لا لا مش هقصهم انا طولتهم بالعافية، يجي هو بكل بساطة كده ويقول قصيهم، لا مش هقصهم..لا.
طب لو كان كلامه صح، أفرض شعري اللي مكشوف طلع حرام أكشفه وأخرج بيه كده قدام الناس..
أعمل أي دلوقتي، ياربي ياربي.
نفضت أفكاري ونمت بصعوبه.. ماهو انا منامش غير وأكون مفكره فـ نص البلد والبلاد المجاورة عشان ماتزعلش هي كمان.
صحيت الصبح ومسكت القصافة وقصيتهم، بجد قصيت أظافري، هو ده بجد يعني ولا أنا بحلم، سمعت كلامه، ياويلي أنا.
وقفت قدام حوض الميه وشغلت الحنفية وبدأت اغسل وشي، وتلقائي لقيت ايدي بتتحرك لوداني، يوه أنا أي بيحصلي، لا ده حلم أكيد حلم، آه حلم وشوية وهفوق مِنُه، مش حقيقه لا.
- قصيتي أظافرك بجد.
- فردت ايديا قدامها:- اُمال يعني هيء بهزار.
ضحكت، قومت مبرقه ليها خرستها خالص، قالت:
اهدي بس يا سدرة.
- مانا هاديه اهو، شيفاني مجنونه ولا بشد فشعري.
- شيفاكي متعصبه، متضايقة، أي حد هيزج معاكي فالكلام، هععع هتاكليه أكل كده.
- يا سلام.
- وحيات عبدالله.
- غمزتلها واتكلمت بلؤم واضح جداً: عبدالله قولتيلي، آه، عبدالله أممم.
- اتوكسي اتوكسي، هي بتتقال كده اصلاً.
- اصلاً.
- اصلاً.
هو اللي أنا مش فهماه لحد دلوقتي انا قصيت أظافري ليه، وعملت زي ما قالي ليه، سهلة وظاهرة زي عين الشمس.. هبلة.
