دخلت القاعه عينى جت عليه هو وهو فضل باصصلى شويه
وطول الفرح متابعاه بعيونى وبحس ما بين فتره للتانيه بيخطف
نظره وبيبصلى وطبعا اكيد عرف ان انا مركزه معاه يخربيت
عيونى اللى فضحتنى دى الفرح خلص وروحنا وماكانش بيروح
من بالى ياترى اسمه ايه ولا عنده كام سنه ولا ولا وافكار كتير دارت فى عقلى لحد ما كل الاجابات بانت مجهوله قدامى لحد ما استسلم وانام .
"انا إيمان عندى 23 سنه فى كليه فنون جميله عايشه مع عيلتى ، اختى اتجوزت واخويا اهو فرحه قرب ".
نزلت الكليه وانا مروحه لقيته قلبى دق بعنف كان قاعدفى كافيه والازاز شفاف فكاشف اللى قاعد جوا بصيت عليه وهو بص نحيتى بس ماعرفتش شافنى ولا لا ،ابتسمت ومشيت .
بعد يومين خلصت المحاضرات وروحت قعدت فى نفس الكافيه واختارت نفس الترابيزه وقعدت عليها وطلبت آيس كريم لان الجو حار مسكت الفون ولقيت اخويا رن وانا عاملاه سايلنت رنيت عليه ....
ـ الو يازفته رنيت وانتِ ماردتيش ليه قلقت عليكى .
ـ ماتقلقش يا برنس انا زى القرده اهو يعنى هتخطف ياريت اتخطف واللهى ...
ـ يختى بالسلامه ،انتى فين يابت.
ـ اخس عليك يا دومى تقول لمون بت بردك .
ـ طب يامون يا حببتى انتى فين كدا حلو يختتتى .
ـ لازم تبوظ الجمله يا حبيبى ربنا مايحرمنى من دبشك ابدا،على العموم انا فى كافيه .... وهاكل الآيس كريم واجى .
ـ مونه حبيبت قلب اخوكى هاتيلى وانتى جايه معاكى آيس كريم .
ـ انا قولت شغل الحنيه دا بعديه طلب بس من عنيا يا قلبى من جواااا هجبلك وهدفعك تمنه .
ـ واطيه من يومك .
ـ تشكر واخلع انت علشان الآيس كريم جيه سلام يا دومى .
ـ سلام يختتى .
اكلت الايس كريم واستنيته يجى مجاش ففتحت السيلفى علشان اوثق اليوم كنت هلقط الصوره لقيت اللى ناطط فى الصوره بصيت لقيته هو اتكلمت بتوتر .
ـ ينفع يعنى يا استاذ تدخل فى الصوره كدا .
ـ اسف والله مكانش قصدى ان كنت باخد المنديل اللى وقع على الارض وبصيت بالصدفه مش اكتر .
ـ على العموم حصل خير يا استاذ وسبته بسرعه ومشيت ما استنيتش رده ..
روحت البيت ونمت صحيت على هز ادهم ليا ..
فى ايه يا اخى محدش يعرف ينام في البيت دا ..
ـ يعنى انا جاى اقولك خبر حلو بس يالا نامى بقا لما تصحى ابقا اقولك .
ـ فى ايه يا ولا انا صحيت اهو اشجينى.
ـ انا حجزت القاعه والفرح كمان شهر .
ـ لولولولولولى الف مبروك يا غالى عقبالى كدا .
ـ الله يبارك فيكي يا حبيبتى.
ـ اه صحيح حجزت القاعه فين .
ـ نفس القاعه اللى كنا فيها اخر مره .
ـ جدع يخويا والله دى القاعه قمر خالص .
ـ طب هطير انا علشان خارج انا وموزتى .
ـ الله يسهلواا ياعم وابقى سلملى عليها ..، يوصل .
ـ اما اكمل نوم بقا ....،تانى يوم ...
ـ مامااا انا رايحه الكليه .
ـ ماشى خلى بالك من نفسك.
ـ حاضر يا قمر سلام .
"روحت وبعد الكليه روحت انا وسلمى قعدنا فى نفس الكافيه مش علشان اشوفه لا خالص علشان الايس كريم عجبنى ."
طلبت انا وهى آيس كريم
ـ مالك كل شويه بتبصى على باب الكافيه ليه مستنيه حد .
=انتبهت : لا ابداا اتلاقينى سرحت شويه .
ـ طب يالا نروح بقا .
ـ بيأس :يالا .
^ عدى شهر بحاله كان كل فتره كدا كنت بلمحه وهو شكله اخد باله منى ،النهارده الفرح لبست فستان سواريه هادى وشيك وطرحه والميك اب هادى والهيلز وحاجه اخر قمر ربنا يحمينى يارب 😂 ".
دخلت القاعه وبسلم على المعازيم وعينى بتدور عليه فى كل مكان لقيته واقف وسط الشباب اللى بيشتغلوا فى المكان معقوله يكون صاحب القاعه او ابن صاحبها نفضت افكارى مش معقوله يعنى فى فرح اخويا افكر ايدا دا جاى عليا بس ايه الحلاوه دى البدله السودا وقميص اسود وحاجه اخر قمر كدا البنات تعاكسك يا قمر انت .
بيمد ايده وبيسلم عليا وبيقول :اهلا بيكى القاعه نورت بوجودك .
ـ حد يلحقنى هتدوخ من الكلام القمر دا ...مديت ايدى سلمت عليه وقولت :شكرا ليك بس القاعه منوره بصحابها .
ـ انتِ تبع مين .
= انا اخت العريس ،وانت تبع العروسه باين ،قولت كدا وانا بشوف اذا كان صاحب القاعه ولا معزوم اصل من طريقته وكلامه مع الشباب دول انه مش معزوم ابدا .
ـ انا احمد مختار صاحب القاعه .
ـ اهلا بيك وانا إيمان إبراهيم .
ـ انا شوفتك قبل كدا صح .
=حد ينادى يلحقنى من السؤال دااا ، احم جايز الدنيا صغيره واكيد بنصادف ناس كتير فى حياتنا .
ـ بصلى بنظره حست انه بيقول فيها على بابا يالا بس هعديها بمزاجى ...
=طب بعد اذنك هروح اشوف ماما علشان بتشاورلى .
ـ بابتسامه: اتفضلى .
اخويا وصل هو وعروسته القمر وخربناها رقص واتصورنا كتير وجيه وقت الاستراحه قعدت على الترابيزه وابغى اقلع الهيلز بس استحى والله ، شربت مايه ولقيته جاى وعلى وشه الابتسامه القمر ياخى فى جمال كده .
جيه عندنا ولقيته غمز لبابا وبابا غمزله الاه بابا يعرفه منين
وبيغمزوا لبعض ليييه .
مدلى ايده بصيت لبابا باستغراب راح ابتسملى وهزلى راسه باه ...
مسكت ايده وخرجنا بره ووقفنا فى جنينه القاعه .
ـ ممكن افهم فى ايه وليه عمالين تغمزوا لبعض وبابا يعرفك منين علشان يغمزلك وازاى اصلا خلانى اطلع معاك وانا مش فاهمه حاجه خالص وو
ـ انا بحبک .
ـ انت قولت حاجه ولا انا اللى بيتهيئلى.
ـ لا انتى سمعتى صح .
ـ طب انت تعرفنى منين علشان تحبنى .
ـ من ساعه الفرح اللى كنتى فيه اخر مره اعجبت بيكى ولما شوفتك بعد كدا فى الكافيه وانتى كنتى ماشيه وكل مره كنتى بتروحى الكافيه كنت متابعك بس من بعيد .
=.......................
ـ مالك ساكته ليه .
ـ مش مستوعبه انا بحلم صح .
ـ لا يا حبى انتى صاحيه واحنا فى الواقع وانا بحبك .
ـ علفكره بقا انا بحبك اكتر .
ـ ما انا عارف .
ـ ضربته فى كتفه تصدق انك بارد وانا ماشيه .
"سبته ومشيت وهووب اتكعبلت وقعت على وشى يختاااى لو الارض تنشق وتبلعنى .
ـ مدلى ايده وساعدى اقوم وهو بيكتم ضحكته .
ـ لا اضحك كاتمها ليه .
ـ ضحك وياريته ما ضحك يجماعه انا عشقت ضحكته والله .
ـ نفضت فستانى وقولت : علفكره مش اصول تضحك على مراتك وحبيبتك .
ـ يعنى افهم من كدا انك موافقه يا حرمى المصون .
ـ ابتسمت بكسوف وقولت :موافقه يا حماده سُكر زياده انت .
"بعد سنتين "
ـ حماده سُكر زياده.
ـ إيه يا مونه يا حببتى .
ـ عندى ليك خبرين واحد وحش والتانى هاا حلو شويه .
ـ اتعدل فى قاعدته واتكلم :إيه يا وش الخير .
ـ عايز انهى الاول .
ـ خلينا فى الوحش وبعديه العدل سيكا.
= الوحش انى حرقتلك البنطلون اللى هتخرج بيه انهارده .
ـ جز على سنانه بغيظ لانه المفضل عنده وقال :فداكى يا ام آيات الخبر التانى .
ـ الخبر التانى اننا هنجيب كتكوته صغننه كمان .
ـ استغرب : احنا هنا معندناش كتاكيت اصلا فى البيت .
ـ فتح مخك معايا مش احنا دايما بنقول على آيات كتكوته فانا بقولك هنجيب كتكوته كمان .
"محتاجك جنبى فى كام مشوار هياخدوا مسافه العمر يدوب❣️🫂."
لـ روان احمد.
ـ رأيكم.....🍂
- عاالم مختلف )" 💛✨
