-كانسر انت بتقول اية مين دي اللي عندها كانسر
_اهدي يا سعاد مش كدة
-بنتي انت بتقول بنتي اللي عندها سرطان لا اكيد الدكتور اتلغبط ف التحاليل سرطان اية
_الدكتور قالي كدة بعد ما عمل التحاليل اهدي خلينا نشوف هنعمل اية
- بس لية دا انا بنتي صغيرة لسة.. لسة مشافتش دنيا
_اللي بتقولية دة اعتراض علي أمر ربنا
-لا اللهم لا اعتراض يارب اشفيلي بنتي يارب أنت اللي عالم بحالنا
~ماما
_بنتي(حضنتني وعيطت)
~(بعدتها شوية ومسحت دموعها) : متخافيش مش عاوزاكوا تخافوا دة أختبار من ربنا ليا وأنا راضيه بقضاءه (وكملت بدموع) ربنا حطني في الاختبار دة عشان يختبر صبري وإيماني
_ماما حضنتني وعيطت: متخافيش يا حبيبتي ربنا كبير ومش هيسيبنا هو عالم أحنا قعدنا قد أية مستنين مولود وجيتي أنتي وكنتي العوض اللي جالنا بعد صبر سنين وزي ما ربنا كرمنا هيكرمك ويشفيكي هو الشافي
~ونعم بالله
____________♡
_يلا يا حبيبتي عشان نروح المستشفي هتقعدي هناك شوية عشان المسافة بعيدة هيبقي صعب عليكي تروحي وتيجي كل اسبوع مرتين
~يلا يا بابا
_اتفضلي معانا عشان تدخلي الجلسة
بصيت لماما بخوف
-متخافيش أنتي معاكي ربنا واللي معاه ربنا ميخافش
ابتسمت وكملت طريقي
ألم مش طبيعي ف جسمي كله كأنه متكسر مش قادرة أقف علي رجلي مش قادرة حد يلمسني حتي الكرسي اللي بيزقوني بية مش مستحملاه جلسة الكيماوي صعبة صعبة أوي ربنا ما يكتبها علي حد
___________♡
_حبيبة خالتو الف سلامة يا روح قلبي
~حبيبتي يا خالتو وحشتيني أوي
_انتي أكتر (وكملت بدموع) ان شاء الله هتبقي أحسن أنا واثقة ف ربنا ثم فيكي
~ونعم بالله
_ياسين جية برة وعاوز يطمن عليكي
~احم خلية يدخل
-السلام عليكم أزيك يا قُدس ألف سلامة عليكي
رفع عينيه وشوفت فيها نظرة صدمة تبعتها نظرة شفقة
~الله يسلمك يا ياسين
مكنتش أحب أشوفها كدة مكنتش أعرف إني هضعف أوي كدة وأنا شايفها بتتألم ووشها مفهوش معالم للحياة يارب أشفيها وأجعلها من نصيبي
_مالك يا حبيبي واقف سرحان ف أية
فوقت من شرودي علي صوت أمي بصتلها وقولت بصوت مبحوح
هتخف يا أمي أنا متأكد مش هستحمل تروح مني
_(حضنتني) يارب يا حبيبي
_____________♡
~عدا سبع شهور مش ساهلين خالص عليا من جلسات كيماوي وشعر بيقع وشفايفي بقت زرقة لكن راضية ومش هستسلم للسرطان يهزمني عاوزاكم تتحدوا السرطان أوعوا تستسلموا كل واحد هنا مر بفترة أكبر مني عاش فيها بين هزايم وألم بس مستسلمش قاوم ومكمل وأكيد ف يوم هنهزم السرطان وحياتنا هتبقي خالية من الكيماوي جسمنا مش هيتوجع تاني هنعرف نعيش حياتنا وننبسط بعيد عن ريحة المستشفيات
_ يقينك بالله كبير أوي وكل يوم بتشجعينا أكتر نهزم السرطان ونتحمل الكيماوي عشان يجي اليوم اللي ميبقاش فية كيماوي تاني اتعلمنا الصبر منك
~دة ابتلاء وبالصبر هنلقي الجزاء وربنا لما بيحب عبد بيحطة ف اختبار عشان يشوف هيصبر ولا لأ والرضا بقضاء ربنا جزاءه عظيم
_ونعم بالله
~هسيبكم بقي عشان أروح الجلسة
_ربنا معاكي
شعري وقع كله بقيت بشعة مش عاوزة حد يشوفني ونفسي ربنا يريح قلبي من اللي أنا فية
بعد سنة ونصف
~النهاردة أنا هزمت السرطان النهاردة أنا أنتصرت ربنا نصرني وخفيت وكلكم خلاص حالتكم أتحسنت وهتخرجوا ربنا يوفقنا ف حياتنا الباقية
_قُدس
~ياسين أزيك
_خفيتي يا قُدس أنا كنت متأكد كنت شايف إصرار ف عنيكي
~الحمد لله
_عاوزين نطلب أيد قُدس لياسين بقي
-يا الف نهار ابيض واحنا نطول الاخ ياسين بردوا
~خلاص هو يخلص فترة الجيش دي ونيجي نتقدم رسمي بقي
-علي خيرة الله
__________♡
_خير يا دكتور أية نتيجة التحاليل
- للاسف يا حج دي الموجة التانية للسرطان
وراجعه تاني للمستشفي بس المرادي حاسة اني مش هطلع
جهاز الانذار بيصفر
فية اية يا دكتور
_البقاء لله
-ماتت
في وسط دموع كل الموجودين نزلت دموعي وأنا بقول
_النهاردة الذكري الخامسة علي وفاتها زي النهاردة من خمس سنين أتحرمت منها وأتحرمت الدنيا من ضحكتها زي النهاردة من خمس سنين السرطان هزمها ومدهاش فرصة تعيش، بعد موتها فضلت سنة مصدوم وحياتي واقفة، مفوقتش من دة غير وأنا عاوز أعملها حاجة، عارف إني مقدرتش أكون سبب ف شفائها بس النهاردة قررت أعمل لها حاجه يوصل لها ثوابها، زي ما أنتم شايفين النهاردة إفتتاح مستشفي قُدس لعلاج السرطان بالمجان صدقة جارية علي روحها، المستشفى فيها قسم للكبار وقسم للأطفال ومجهزه بأحسن الأجهزه وأكفئ الدكاترة أتمني الثواب كله يوصلها وأتمني ربنا يجمعني بيها ف الجنة
_وبعدين
~فضل الباشمهندس ياسين أعزب متجوزش كان كل حياته شاغلها بأنه يعمل مستشفيات ودور أيتام صدقة جارية علي روح قُدس ومات وهو عنده خمسين سنه ودي كانت قصة صاحب دار الأيتام دة
~الحب يعمل كل دة ف الواحد
_وأكتر كمان لو كان حب صادق وزي الجملة ما بتقول
الصادقون ف الحب لا يملون ♥
بقلم: #أية_مجدي"طيف"
- عاالم مختلف )" 💛✨
