- شايف نفسك فين في حوار الصداقات دا؟
- على الهامش.
'بربشت بـعيني اكتر من مرة، ايه الواد الحزين بجد دا!'
- طب ما تعتبرني صاحبك؟ او صاحبتك؟ حد يطول يكون عنده صاحبة؟
•……………".☆."……………•
- ايه اللي عملته من شوية دا؟
'اتوتر وبص لـبعيد'
- عملت ايه يعني، ما انا لسة قايل لك اني كنت مع صحابي بنلعب كورة.
'بصّيت له بـحدة'
- فُلْك! انت عضيت لسانك بعد ما قولت كدا، معنى كدا انك بـتكدب!
'بص لي وسكت، فضل باصص ناحية باب الأوضة فـاتكلمت وانا بقوم'
- متستناش انه يظهر زي كل مرة، هيتأخر في الشغل النهاردة.
'اتكلم وهو بيبص للارض'
- مكونتش مستني حد على فكرة.
'ابتستمت بـاستخفاف وبصيت له'
- لا كنت مستني حمزة، عشان كل مرة بيحس فيها انك هتتعاقب بييجي ويطلعك من الحوار بسرعة.
'عض على شفته بـندم ظاهر في عيونه، بص حواليه وعيونه بدأت تدمع فـقعدت جمبه وبصيت قدامي'
- مش هتقول كنت فين؟
- مش مصدقة اني كنت مع اصحابي ليه؟
- عشان باين عليك اوي انك بتكدب، 'بصيت له' فُلْك، انت لما بتكدب بتعض على لسانك كـعقاب ليه انه قال كلمة غير الحق.
'ضحك بـغُلب'
- اتوقع دا شيء كويس.
- شيء جميل انك متعود على كدا من صغرك، عشان متكدبش ابدا..بس يبدو انك بتكدب حتى لو عاقبت نفسك.
'بصيت قدامي واستنيته يتكلم، فـلقيته ميّل على كتفي'
- كنت عند البحر، اتمشيت شوية وجيت.
- الحقيقة؟
'بص لي فـبصيت له -تحديدًا لـعيونه- وركزت في كلامه'
- الحقيقة بجد والله.
- ومقولتش ليه انك كنت عند البحر؟
- كنت لوحدي، وكنتي هتسأليني كنت لوحدي ليه.
- ما طبيعي هسألك كنت لوحدك ليه وانت عندك اصحابك.
- حابب اقعد لوحدي شوية.
'قومت من مكاني وروحت عند باب الأوضة، طفيت النور وخرجت بكل هدوء لقيت حمزة برا فـابتسمت وروحت ناحيته'
- حمدلله على السلامة، جيت امتى؟
'ابتسم وهو بيتكلم'
- لسة من شوية، كنت هنادي عليكي بس خرجتي من عند فُلْك.
- تمام، ثواني والعشا يكون جاهز.
- لا سيبك من العشا الوقتي، فُلْك كان ماله؟
'استغربت انه سأل عن فُلك رغم انه مكانش معانا وقت كلامنا'
- ماله فُلْك؟
- وقت العصر لقيته باعت لي رسالة بس مسحها، ومن بعدها قافل فونه والموقع كان قافله على غير عادته.
'بصّيت له وسكت فـاتكلم وهو بيقعد'
- كان فين النهاردة؟
- قال لي بعد الغدا انه خارج مع اصحابه يلعبوا كورة، من الساعة 1 وهو برا ولما رجع مكانش بأحسن حال يعني.
- رجع امتى؟
- على الساعة 9 وتلت كدا، لما سألته كان فين بجد لف بالكلام شوية بس قال في الآخر انه كان عند البحر، 'شبكت إيدي في بعضها واتكلمت وانا ببص لهم' مرضاش يقول لي انه كان لوحده عشان مسألش عن السبب.
'لقيته سكت شوية كدا وبص للسقف، دقايق وكان فُلْك خارج من أوضته ورايح ناحية المطبخ بس أخد باله من اننا ساكتين فـقرب مننا'
