- زين
- نعم يا حبيبي
- طلقني
قُمت من مكاني وأنا مصدوم وقُلت:
- إيه! ليه؟
بعياط: عشان امبارح قُلتلك هاتلي عسل وأنتِ مجبتوش، قُلت استني شوية يا إهداء مشاكل شُغل يا إهداء، استنيت يوم كامل بس أنت مهتمتش، فعلًا الإهتمام مبيطلبش، أنا هلم هدومي ويا ريت ورقة طلاقي توصل، بعد إذنك.
مسكت إيديها ولسه هضمها قالت:
- لو سمحت سيبني، أنت لو كنت بتحبني فعلًا كنت هتهتم
-يا حبيبي أنا مهتم، بس فكرت كدا وقُلت إزاي أجيب العسل والعسل كله هنا، لو جيبته كنت هحس إني عملت جريمة، فسامحيني يا جميل، وبعدين إيه الحلاوة دي، أنتِ كل يوم بتلبسي فُستان أجمل من اللي قبله، وكل يوم بتزيدي حلاوة، ياخي شوية من حلاوتك بس!
طول كلامي وهيّ كانت باصه للأرض ومكسوفه، كانت لسه هتقوم بس مسكت إيديها من تاني وضميتها بحُب، بحاول أعمل كُل جُهدي في إني مش أحسسها إنها مكبرة المواضيع، الست في فترة الحمل بتبقى محتاجة كلمة حلوة، وأنا بحاول أعمل دا على قد ما أقدر.
_______________________________
- زين أنت مش شايف إنك طول الوقت شُغل شُغل، مش ناوي تاخد إجازة وتقعد مع مراتك؟
- أنا آسف يا حبيبتي، بكرة إن شاء الله هعمل إجازة طويــلة ونقعد مع بعض.
- وأنت لسه فاكر لما قولتلك، أصلًا الإهتمام مبيطلبش، ومتكلمنيش لو سمحت.
- بفكر بكرة لما نخرج مع بعض في نص الليل نجيب آيس كوفي عشان بتحبيه، ونتمشى على النيل وناكل ترمس عشان أنتِ بتحبي كده، وبعد بكرة إن شاء الله نروح عند مامتك وتعملنا أكل من إيديها اللطاف
مسكت إيديها ولفيتها وقُلت:
- وألف الكون مع أجمل من في الكون.
___________________________
مسكت الكمادات اللي لسه عاملها وأنا بقول بحنان:
- بقيتي أحسن يا حبيبي؟
- معلش يا زين تعبـ...
- ششش، اسكتي إيه اللي بتقوليه دا؟ أنا مش بعمل غير واجبي
- أنا بحمد ربنا كل يوم عليك.
قُلت بحُب_ربنا يحفظك يا حبيبي وتجيبيلي إهداء تاني وشبهك كدا
- يااااه وأتنين يقرفوك!
- هاتيها أنتِ بس
- إن شاء الله تكون شبهك
بوست رأسها وأنا بقول:
- إن شاء الله تقومي بالسلامة.
___________________________
بصريخ_آه زين ألحقني بولد!
قُمت بفزع وأنا بفرُك عيني: إيه في إيه؟!
- بولد يا زين ألحقني آه
- أعمل إيه أعمل إيه؟
- رن على ماما بسُرعة آه
بلمعة عين_بصي النونو حلوة إزاي؟
- تشبهلك أوي
- بالعكس شبهك أكتر، يا رب فعلًا تطلع شبهك، بس في فترة الحمل، لا وألف لأ
ضربته في كتفه_زين
ضحكت_عيون وقلب وروح زين
- أنا آسفة، بجد آسفة جدًا على كل حاجة عملتهالك وبالتحديد في فترة الحمل، كنت تعباك أوي أوي يا زين، لو راجل غيرك كان ممكن يمشي وكـ....
- متقوليش راجل غيري طيب، أنا معملتش حاجة يا حبيبتي، كل حاجة عملتها بصدر رحب وبحب، أنتِ كمان بتستحمليني في وقت عصبيتي وغيرتي الشديدة، شكرًا ليكي بجد يا إهداء.
- زين أنا بحبك أوي أوي
- وأنا كمان، بحبك.
أتمنى يكون الإسكريبت يكون عجبك، رأيك مهم جدًا، الريأكت البسيط بيفرح أوي🫶.
- عاالم مختلف )" 💛✨
