_مستحيل اقبل فـ حقك اي كلمة
_اي يعم النحنوح صوتك جايب اخر الشارع
_يلا يبت شوفي انتي رايحة فين
_ماشي يعم براحة م تزقش
_خالتوا
_تعالي يموني انا هنا
_والنبي يخالتوا انتي قمر مش عارفه الواد دة ابنك ازاي
ضحكت وبصتلي فهمت انا وقتها البصة البصة دي
_الواد يحييٰ بقالة كام يوم زعلان ومش عارفه ليه فـ انا هبعتك تنزلي تجيبي حجات وهخليه ينزل معاكي انا عارفه أن انتي الوحيدة اللي هو ممكن يتنازل ويتكلم معاكي بس عشان خاطري متسيبهوش من غير م يتكلم معاكي انا مليش غيره
_متقلقيش يخالتوا مع ان ابنك صعب يتكلم بس ربنا يستر
دخلت الاوضة ليه تاني
_ولا يلا قوم البس عشان ننزل نجيب حجات لامك
_امك ؟ طول عمري بقول عليكي بلدي وبيئة ومحدش مصدقني
_مهو البلدي يوكل برضو وغمزت ليه 5 دقايق وتكون لبست
_اوامر معاليكي ي فندم
"انا ويحييٰ قريبين من بعض تقريبا اكتر اتنين بيحسوا ببعض من غير مالتاني يتكلم بسبب أنه راجل بيحب يعيش كل حاجة لوحده متعبني ومتعب خالتوا اووي تقريبا انا وخالتوا ملناش غيره بس هو مصمم يتعبنا يمكن مش عارفه أقوله اني حبيته غير لما هو يقولي ،غير لما يقولي أن وجودي فارق وأنه محتاجني جمبه
نزلنا واتمشينا وقت كبير من غير م حد يتكلم
_اي ي ابو الواحاويح مالك
_أمنية حياتي تبقي رقيقه زي البنات وتبطلي ام دي كلمة
_عيب عليك ي ابو الواحاويح
_بصلي بصة كفيلة انها تسكتني
_طيب خلاص مش هقولها تاني ،اتنهدت مش هتقولي مالك طيب
_امي هي اللي قالتلك تشوفيني مالي صح
_بصتله بلوم ،منكرش فعلا أن خالتوا قالتلي اشوف مالك، بس انا مش محتاجه حد يعرفني أن انت مش كويس انا دايما بحس بيك و...
وقفت وقتها لما حسيت ان قلبي هو اللي سيطر عليا فـ الكلام مش لساني
_مش هتكملي
_انا رايحة اجيب باقي الطلبات
_مسك ايدي ،انا محتاجك جمبي
_طب م انا جمبك
_طب مش هنبطل نستعبط ع بعض
_اي نستعبط ع بعض دي
_انا بحبك
_طب م هو انت اكيد لازم تحبني مش انا بنت خالتك
_انتي فاهماني
_هربت ومصدقت خلصت منه ومن كلامه
كمّلنا باقي الحاجات واحنا ماشيين قالي
_تعرفي برغم اللف اللي انتي لفتهولي دة بس ع قلبي زي العسل يعسل انت
ضحكت وبصتله بإستغراب
_مين دة دة يحييٰ انا مش مصدقة
"وصلنا عند خالتوا وفرحت لما شافته مبسوط
_وقالتله أيوة يسيدي م هو من لقي احبابه نسي اصحابه
_يماما دة انتي الخير والبركة كله
_عايزة حاجة تاني يخالتوا انا لازم اطلع عشان اتأخرت ع بابا
_ماشي يحبيبتي معلش تعبتك
_ولا يهمك يخالتوا
_انتي رايحة فين
_طالعة
_طب استني اطلع معاكي
_تطلع معايا فين دة هما دورين
_ولو برضو كل حاجة من النهاردة سوي
_ضحكت انت يحييٰ بجد
_اه انا يحييٰ بجد
طلعنا ووقفنا ع اخر سلمة قصاد شقتنا
_ادخلي يلا وخلي بالك من نفسك
_حاضر
نزل وانا دخلت شقتنا
"حسيت ببرود جوة البيت مفيش دفيٰ الدفا راح وقت م ماما توفاها الله وجات واحدة تاني وبقت مكانها انا عارفه أن هي دي سُنة الحياة وإني لازم اتعايش مع الوضع بس مش قادرة اتعامل ع انها دي ماما واحكيلها وجعي وفرحي اللي هي مبتحيش بيهم اصلا هي مِرات اب عادية مفيش بنا مشاكل ولا خناقات ولا اي حاجة بنقابل بعض بالصدفة اصلا
_مش هشوفك
_يحييٰ فُوق انا مش بتنقل من بيتكوا اصلا
_اصلا ،طب انا عايز اشوفك فمكان بعيد عن بيتنا
_طيب اقولك انا كنت نازلة اشتري لبس تيجي تختار معايا ونتمشي
_يسلام دة انا عيوني ليكي
_يسلمولي عيونك
_اي ريأكشن وشك دة شكلي وحش
_م هو اللاسف ريأكشن وشي دة عشان شكلك حلو
_ي يحييٰ بقي
_مش حلو يموني
_دة بجد
_اه بجد
_طب يلا
_يلا اي
_هنمشي
_انتي مشتريتيش حاجة
_اه م انا عارفه لما حاجة تعجبك ابقي اشتري
_ضحك، طب يلا ننزل
_يلا
_تعرفي اني اول مرة ابقي مبسوط كدة
_انا فعلاً شايفة انك اول مرة تكون مبسوط كدة _بس انا بتمني انك تكون دايما مبسوط
_انا مبسوط بيكي
_يعني انا اللي ببسطك
_انتي كل الحلو اللي فحياتي
_ضربته فكتفه
_امال لو مكنتش كل حاجة حلوة فحياتك كنت هتعمل اي اكتر من اللي كنت بتعمله فيا
_قلبك ابيض بقي
_هو لو مكنش ابيض كنت عرفتك تاني
_تعالي طيب نشرب عصير قصب
_ااه جيت فملعبي
_ضحك وقالي طب يلا
"دخلت بيتنا وانا مبسوطة ومش مستوعبة مين دة دة يحييٰ اللي كان كل ثانية والتانية يقولي انتي اختي ومش عارفه اي ضحكت وقاطع صوت ضحكتي بابا وهو بينادي عليا فعرفت من صوته انها مش هتعدي ع خير
_ايمان
_نعم ي بابا
_انتي كنتي فين
_كنت نازلة اشتري شوية حجات وكدة
_ويحييٰ كان بيشتري معاكي الحاجات برضو
اول م اسم يحييٰ جه فالموضوع فهمت
_لا ي بابا بس احنا اتقابلنا وجينا مع بعض
_طيب بصي بقي انا عارف انكوا ولاد خالات بس انا مش هتسحمل اي كلمة متعجبنيش من اي حد مشفكيش معاه تاني
_حاضر ي بابا
"دخلت اوضتي وبعت رسالة ليحييٰ "انا اكتر وقت دة اكون مبسوطه فيه بس انا مش هينفع اكمل اكتر من كدة من غير م يكون فيه حاجة رسمي "
قفلت موبايلي بس سمعت صوت ماسدچ جايلي منه "طب تعالي اطلعي برة
طلعت لقيت خالتوا برة وهو جايب ورد
قولت بصوت عالي من غير م اخد بالي
_دة بجد
_كلهم ضحكوا
_لقيت بابا بيقولي تعالي اقعدي جمب خطيبك
_قعدت وانا بحاول استوعب
_ولقيت طنط امل مرات بابا زغرطت بصوت عالي وقالتلي مبروك ي اجمل ايمان
_دخلنا البلكونة
_لا بس قولي عملتها ازاي دي
_لا م انا مش هسمح لحد أنه يمنعك عني حتي لو الحاج اللي برة دة
_باس ايدي وقال "دي الحقيقة بجد أن الحياة بعدك م تسويٰ
_وإن حبي ليكي كان كل يوم فـ البعد يقويٰ
كمل الأغنية ووقفف عند
"انتي اعلي منهم فوق انتي نجمة ".♥️🦋
سَـــــارة عامر .♥️
- عاالم مختلف )" 💛✨
