- فنسأل الله أن يجعل هذه زيجة مُباركة، ونسأله أن يبارك في العروسين وفي ..
_ ثواني يا حضرة المأذون ثواني هات المايك اللي في إيدك دا كدا، هو الجواز بالإكراه يجوز؟
- لأ يبنتي بس..
_ طاب أنا مش هتجوز.
*وفي وسط جموع الناس والمعازيم والكاميرات سحبت فستاني وطلعت أجري برا القاعة وسط ذهول من السادة الحضور، طبعًا جيه في دماغكم دلوقتي أمينة خليل وهي طالعة تجري وفجأة تشتغل أغنية اللي قاااااداااااارة ع التحدي وع المواجهة بس لأ، زي ما بيقولوا "ليست كل الأمور كما تبدو من الخارج."*
_ إطلع ع المطار بسرعة يا عم عطا.
=بس يا نيلوفر هانم، هاني بيه مش هيرحمني
_ يا عم عطا قولتلك مليار مرة متقوليش يا هانم انا زي بنتك، ثم إن هاني بيه مش عارف إنك هنا أصلا لأنه مديك أجازة إطلع بقا.
=يبنتي انا خايف عليكي زي ما خايف ع نفسي بالظبط.
_ يعني يعم عطا يرضيك يجوزني للي اسموا بكر دا.
=ميرضيش حد أبدًا، ربنا يسترها عليكِ وع اللي زيك.
_______
هاني: قولتلك البنت دي مجنونة وتصرفاتها مش في محلها.
بكر: إنت لو ملحقتهاش دلوقتي هدفعك التمن غالي أوي يا هاني.
هاني: كلنا هندفع التمن وهتبقى خسارة كبيرة لينا.
بكر: سيبك من الفلوس يعني إنت عاجبك الفضايح دي؟
هاني: بينا نلحقها يلا د بسرعة.
____
*بسابق الزمن عروسة طالعة تجري بفستان جوا المطار والناس كلها بتتفرج مش عارفة على إيه تحديدًا؟
بس الحق يتقال لو مكانهم كنت هتفرج هي يعني الفرجة ببلاش.*
*ها قد أتت اللحظة اللي هبني فيها حياتي وهطلع سلم الطيارة عشان أعمل حياة مستقلة مع زقزق، إحم دا القط بتاعي وأقرب صاحب ليا هو و لوز ودا السلحف بتاعي وأخيرًا صبارتي العتيقة بنادوورة.*
New massage from Uncle Hany : نيلوفر إرجعي بدل ما هرجعك أنا بطريقتي وهخليكي تندمي.
*يقدر يخليني أندم؟، أه يقدر بصراحة بس أنا مش باقية على حاجة، مبقاش في حاجة أفضل عشانها، بيني وبين حلمي في السفر خطوة سلم.*
*ولذلك قررت الصعود للطائرة.*
*وأخيييييييرًا سويسرا، وبيتي الجديد الهاديء الدافيء.*
شخص وسيم للغاية مجهول: Bonjour
_ بونچور ورحمة الله وبركاته مبعرفش فرنساوي.
شخص وسيم للغاية مجهول: إنتِ مصرية؟
_ لأ لأ متقولش.
شخص وسيم للغاية مجهول: أنا ممتن جدًا لمعرفة حضرتك، أنا أدم.
_ نيلوفر.
شخص وسيم للغاية مجهول اللي اسمه أدم: إسم جميل بس معناه إيه؟
_ معناه زه..
*صوت حاجة بتتكسر جوا البيت.*
أنا وأنا بخبط على ركبي وبجز ع سناني: زققققققققققققققققزق
أدم: زا إيه؟
_ أنا أسفة مضطرة أشوف زقزق عمل إيه جوا.
أدم: طيب تحبي مساعدة.
_ميرسي جدًا، أنا ممتنة للصدفة دي.
أدم: أنا أكتر.
