_ طب ايه اللي يرضيكي دلوقتي
_ متهزرش مع بنت خالتك دي تاني
_ حاضر يا ست البنات، فكي التكشيرة دي بقى
_ حاضر
_ ده ايه الادب ده، بتقولي حاضر علطول كده!!!
_هوب هوب هوب انت بتغلط كده، هو انا كنت قليلة الادب يعني
_ لا مش قصدي
_ دي اخرتها يا اسلام
_ طب استني افهمك
_ لا خلاص انت زهقت مني
_ زهقت من مين يا بنتي، دانا كنت بصالحك
_ مانت لو مهتم كنت عرفت
_ عرفت ايه يا اسماء هو اي هبد وخلاص
_ كمان بقيت بهبد!!
_ اطلعي برا الاوضة يا اسماء جبتيلي الضغط
_ انت بتطردني يا اسلام!!
_ هو انا طردتك برا الشقة، انا بقولك اخرجي من الاوضة عشان صدعت
_ تمام تمام، هسيبلك الاوضة والبيت كله، بكرا تقول ولا يوم من ايامك يا سمسمة
_ استني هنا ايه اللي بتقوليه ده
_ انا عند اهلي لما تعرف قيمتي تعالى رجعني
_ استني طيب
_ لا خلاص
_ نتفاهم طيب
_ كل اللي بينا انتهى يا خسارة يا احلى مها
_ ايه
_ العيال عندك في التلاجة ابقى حميهم
_ عيال!!
_ ومتنساش غياراتهم في درج المكتب
_ مين
_ ومتدورش عالخمس شيكولاتات اللي في التلاجة عشان كلتهم
_ كلهم!!
_ وابقى هات جبنة وخيار عشان اميرة جت وكلناهم سوا
_ نعم
_ وهات بونبوني عشان انجي جات وخلصته انا وهي
_ اييييييه ده كله
_ هتقضيها اسبهلال كتير ولا ايه
_ مش كنتي عايزة تروحي عند اهلك!!، انا هاجي اوصلك
_ بالسهولة دي هتتخلى عني!!
_ مش كـ....
_ هانت عليك العشرة يا قاسي
_ ما هو...
_ هان عليك عيالنا يتشردوا!!
_ لا ميهونـ...ايه ده ثانية عيال مين
_ عيالنا يا اسلام صحصح معايا كده
_ هو احنا خلفنا وانا معرفش
_ مش متجوزين، يبقى اكيد خلفنا
_ خلفنا بعد جوازنا ب تلات شهور!!
_ عادي بتحصل
_ هي ايه اللي بتحصل
_ هي ايه
_ اسمااااااء انا داخل انام قبل ما اتجلط
_ After 2 hours :-
_ انتي بتعملي ايه
_ باكل يا اسلام في ايه
_ انتي يا بنتي امتى مابتكليش
_ لما بكون نايمة او بتخانق معاك
_ المصيبة انه مش بيبان عليكي اكل، عايش مع خِلة سنان
_ دي رشاقة، بلاش جهل
_ انتي مش كنتي ماشية!!
_ امتى
_ قبل ما انام
_ بجد
_ انتي فقدتي الذاكرة ولا ايه
_ طب ليه
_ مش عارف
_ مانت لو مهتم كنت عرفت
_ مكـ..
_ الاهتمام مبيطلبش
_ بااااس انا اللي سايبلك البيت و ماشي
_ اسلام
_ خير
_ هتمشي وتسيبني لوحدي، وانت عارف اني بخاف
_ لا ميهونش عليا اسيبك لوحدك
_ اومال رايح فين
_ هجيبلك شيكولاته بدل اللي خلصت
_ بجد!!
_ وبونبوني كمان
_ وبيبسي عشان الاء بتحبه
_ عنينا ليكي ولصحابك
_ لا عينيك ليا انا لوحدي
ضحك
_ عينيا وكلي ليكي يا ست سمسمة، حاجة تاني!!
_ اه متنساش الجبنة والخيار
_ خلي اميرة تبقى تجيبهم وهي جاية بقى
_ لا هخليها تجيب فراخ مشوية اصلا
ضحك بصوته كله
_ الجميل بقى مزاجه كان طالب نكد ليه
_ ا...
_ وقبل ما تنكدي، مقصدش انك نكدية اتفضلي بقى ايه اللي مضايقك
_ بنت خالتك العقربة لما هزرت معاك وانا موجودة
_عقربة!!
_ وحرباية كمان
_ طب مش انا صالحتك!!
_ ما الموضوع مضايقني اوي
_ يا ستي خليها تهزر
_ليه متجوزني ديكور!!، اومال انا اعمل ايه لما هي تهزر معاك وتتمايص عليك
_ مش مهم هي بتعمل ايه انا كده كده بصدها، المهم مين اللي في قلبي
_ ومين اللي في قلب سماسيمو
_ سمسمة واحدة بس، هي اللي مالية كل حياته
_ و ايه كمان
_ وهي بس اللي من حقها تهزر معايا وتتمايص عليا كمان
_ .......
_ ايه ده قلبتي طماطم ليه
_ مانا ليا في الخنا'ق اه، انما الكلام الحلو مش قد كده
ضحك بصوته كله
_ واضح واضح، طب ايه
_ ايه
_ مش هنختم الخنا'قات دي كلها بحاجة!!
_ حاجة ايه
فتح دراعاته ليها
_ حاجة..
دخلت في حضنه
_ اكييييد
_ يا احلى حاجة في عمري
________________________________
_ اسلااااااام، اصحى بسرعة
_ ايه في ايه، البيت بيو'لع
_ لا
_ العمارة بتقع
_ بردو لا
_ اومال في ايييييه سرعتيني
_ ماتش الاهلي والزمالك خلص تعادل
_ اه وبعدين قامت مظا'هرة
_ لا
_ اسماء انتي من امتى بتحبي الكورة اصلا!!
_ مبحبهاش اصلا
_ قولي الحقيقة، عايزة تجيبيلي جلطة صح!!.. قولي متتكسفيش
_ كده تظن فيا كده
_ طب بتعملي فيا كده ليييه
_ الله انا غلطانة يعني اني بعرفك عشان لو حد سألك بكرا تعرف ترد
_ ارد على ايه، هو انا رايح امتحان
_ خلاص خلاص، انت قفوش كده ليه
_ طب هاتي من الاخر بتصحيني ليه
_ بصراحة كده انت نمت كتير وانا مش عايزة اقعد لوحدي قوم اقعد معايا
_ يا بابا مانا جاي من الشغل تعبان
_ انت جيت بدري ونمت كتير قوم بقى
_ طيب يا ستي قومت اهو، هنعمل ايه بقى
_ هنتفرج على مسلسل تركي
_ مبحبهاااااش
بصتله بترجي وعيون قطط
_ عشان خاطري
_ خلاص بحبها، هنزل اجيب تسالي واجي
_ اشطا وانا هعمل فشار
_ متنسيش الترمس
_ ده اكيييييد
داخل من باب الشقة لقاها بتعيط
_ ايه يا بابا بتعيطي ليه
_ اسيا ودوروك اتخا'نقوا وهيسيبوا بعض
_ احم مين اسيا ومبروك دول!!
_ اسيا ودوروك يا اسلام ابطال المسلسل التركي اللي بحبه، شوف بيبصوا لبعض ازاي!!
_ اه شوفت
_ وساكت
_ اعمل ايه يعني؟؟
_ اتصرف خليهم يرجعوا لبعض
_ اسمااااااء فوقي ده مسلسل يا بابا
_ صدق صح، سوري اندمجت شوية
_ لا والله!!!، عملتي الفشار
_ اه وانت جبت التسالي؟؟
_ ايوا، فين الترمس
_ مـ..ما انا نسيت اقولك
_ اممم
_ الاء جت امبارح وخلصناه سوا
قامت جريت فوق الركنة قام يجري وراها عالارض
_ بتهربي مني، انا عايز افهم صحابك دول حد مسلطهم عليا
_ اهدى طيب خلينا نتفاهم
_ لا كله الا الترمس
_ خسارة فيا!!
_ خسارة ليااا..
_ كده يا سماسيمو!!
_ لا مش كده خلاص
_ طيب
_ انزلي بقى من عالركنة وكلميني راجل لراجل
_ نزلت اهو
_ انا عارف اصلا ان الترمس خلص وجبت ترمس جاهز وانا بجيب التسالي
بصتله بصدمه وطلعت تجري وراه
_ يعني عارف وسايبني اتنطط عالركنة زي النسناس عشان خايفة منك!!
_ يا مجنو'نة سيبي الازازة السلا'ح يطول، اهون عليكي يعني!!
بصتله بطرف عينها وهي متعصبة
_ تؤ
_ ههون عليكي يا سمسمتي!!
_ يووووه بقى متهونش عليا خلاص
_ اذن هيا بنا، نتفرج على كرتون بقى
وهي بتسقف
_ هيا بنا
_ تفتكر لو روبانزل كانت قابلت يوجين في ظروف غير دي كانوا هيحبوا بعض بردو!!
_ اكيد لان قدرهم يتقابلوا ويحبوا بعض ايا كانت الظروف
_ حتى لو كانت الست الشر'يرة مخطـ'ـفتش روبانزل!!
_ ايوا
_ طب ازاي روبانزل كانت هتحب يوجين وهو حرامي وهي اميرة في قصر باباها الملك
_ ممكن يوجين ساعتها كان هيبقى امير، قولتلك القدر مش بيتغير بإختلاف الظروف
_ يعني لو مكناش قرايب، بردو كنت هتحبني وتتقدملي واقع فيك كده!!
_ حتى لو مكناش قرايب كنت هدور عليكي بعيوني في كل مكان وهحبك وادوب فيكي بردو
حضنته
_ بَحِبَك
_ بَحِبِك يا ونس عمري
" بس انا ملقتش ونس للعمر احسن منك "
#نورهان_محمد_ميرابيل💚
- عاالم مختلف )" 💛✨
