- ها ياستى مجمعانا كلنا ليه ، مصيبه جديده صح
- اكيد مصيبه جديده ما احنا مش بنتجمع غير لو عامله مصيبه
- قولى يابنتى اي المصيبه المره دى بقى
- ما تقولى يابنتى بقى ف اي
- استنوا استنوا انا هقولكوا ، ياما حرقت الخلاط بتاع مامتها ودا بقى زي طقوس عندها أنها تحرق لطنط خلاط كل شهرين ، أو ضربت واحد ف الشارع عشان خبط فيها بالغلط وعملها محضر ف القسم أو
قاطعتها قبل ما تكمل وهما كلهم هيموتوا م الضحك وانا بقول
يابنتى بالغلط اي شارع طويل عريض وجاى يخبط فيا انا بالغلط !! هو ايوا قمور وشيك وعينه جميله إلا أنه يستاهل العلقه اللى خدها
" انا سكون 20 سنه والمهزاين دول صحابى هدى وايه واميره واسراء كل ما ليا جمعتهم عشان اقولهم خبر انا عارفه رد فعلهم كويس عليه "
اميره بغمزه : قموور هااا
اتلمى يا مهزاه
هدى : طب اي هنفضل نرغى كتير وبردوا معرفناش عايزه تقولى اي
اسراء : ايوا انجزى هو اكيد حاجه تافهه بس انجززى
قولت بضحك : لا هى مش تافهه بس انا عندى كانسر
ايه : هزار بايخ وتقيل
كلهم بضحك : اه والله بايخه اخلصى بقى
- بس هو دا الخبر انا عندى كانسر
حالة صدمة وهدوء احتلت ملامحهم وبعدها بثوانى
ايه : لا لا اكيد مش صح اكيد بتهزرى
هدى : ع فكره الهزار المره دي تقيل وهنزعل بجد
- دى اكتر مره انا بتكلم جد فيها
اميره : يعنى اي الهبل دا لا لا مصدقه
اسراء : انتى بتكذبى صح
ابتسمت وبصيت ليهم
فجأة انفجروا كلهم ف العياط وانا مش عارفه اسكت حد فيهم والمكان كله اتفرج علينا
- كفايه بقى يا نكد منك ليها انا غلطانه انى اتكلمت
هدى : انتى هتتعالجى وهتخفى
ايه : ايوا وهتبقى احسن م الاول
اسراء : واحنا مش هنسيبك
اميره : هتعدى م الاختبار دا وهتخفى واحنا معاكى
- بس انا مش هاخد جلسات الكيماوي
ايه : اي العبط دا انتى عايزه تموتى
- دلوقتى مبقاش ف ايدى اختار اموت أو لا لأن انا ف المرحله التالته م المرض يعنى نسبة انى اخف منه نسبة ضئيله ، وانا مش هجازف طالما كدا كدا هموت
اميره : انتى مش هتموتى وتسيبينا انتى هتكملى معانا لاخر العمر
كلهم ف صوت واحد : لازم تاخدى العلاج عشان خاطرنا
اسراء : احنا مش هنسمح انك تسيبينا وتمشى كدا
هدى : لازم نجرب واكيد هتنجحى وهتخفى
فرحت جدا لحبهم وخوفهم عليا وتمسكهم بيا حقيقى بعد كل اللى مريت بيه قدرت لمره واحده اختار صح لما اختارتهم يكونوا سندى
الصُحاب هما اللي بيطمنونا،
اللي بيقولولنا إن الصعب بيعَدي. و إن الوحِش بيخلص.
اللي بيحسسونا إن الدُنيا مش سودا. و إن لسه في بصيص من الامل.
اللي بيفكروا معانا.
اللي بيحاولوا يحِلوا ميعقدوش. اللي بيصغَروا الحاجات اللي بن panic بسببها لحد ما تبقي حاجات نضحك عليها.
الباقيين علينا مهما عملنا.
اللي بيحبونا مهما كان فينا عيوب تنرفز.
اللي موجودين و مبيمشوش.
