- تقبلي تتجوزيني ؟
= هزارك بقا تقيل ليه كدا !
- أنا مش بهزر .
= قهوه ؟
- هتفضلي تهربي .!
= يبقي قهوه .
سليم ابن خالتي، ٢٤ ساعه فـ وش بعض بحُكم إننا ساكنين قصاد بعض، أنا عارفة أن هو عاوز يتجوزني فعلاً وبيحبني، بس انا مش قادره اشوفه غير ابن خالتي وبس أو يمكن نقول إن انا فعلاً بهرب منه فـ كل مره، مش عايزة اخسره، مش عايزة اخسر الامان اللي بيبقي موجود بوجوده، فـ الوقت ده بقيت شايفه أن مفيش حُب صادق، أو الحُب هيكمل فعلاً، دايماً بلاقي أن بعد وقت خلافات ووجع وتعب بين الطرفين بيوصل للأنفصال، شخص ياخود كل حاجه فـ قلبي ونبني تفاصيل كتير عـ أمل نفتكرها مع الوقت ونكتشف أن ده سراب، أنا خايفه ومش عايزة أخسر سليم.
- ابن خالتي القمر !
= عايزه إيه ؟
- شيكولاته ووجبه من ماك .
= لأ .
- عشان خاطري يـ سليم .
= آخر مره الشيكولاته دي يـ امنيه .
- اكيد طبعاً .
أنا بحب سليم بس مش هقدر اعترفله، الاعتراف صعب بالنسبالي، هو مش بيحب يزعلني ولا يرفضلي طلب، العيله دايماً شايفه أن امنيه لسليم من زمان بس محدش عاوز ياخد الخطوة دي غيرنا الاول، من غيره حاجات كتير مكنتش هقدر أعديها، ربنا عوضني بيه عن صحابي وان مليش أخوات وهو عمره حسسني ولو لمره بالخذلان، هو ابن خالتي اوي اوي يعني .
- ليلتك سوده يـ سليم .
= عملت ايه ؟
- مين اللي عملالك لاف عـ آخر صورة ؟
= نطلب بيتزا ؟
- مين دي يـ سليم ؟
= بالسدق ؟
- سليييييم !!
= معايا فـ الشغل .
- تعملها بلوك حالاً .
= مينفعش .
- ليه ؟
= عادي، هو يهمك فـ حاجه، دي حياتي .
صح هي حياته، أنا زودتها فعلاً أنا مالي يعمل اللي هو عايزه ..
- مين زعلانه مني ؟
= مش أنا .
- مش أنتِ ؟
= عاوز ايه يـ سليم !
- كنت مفكر أن أنتِ زعلانه مني فـ كنت هخرجك بس أنتِ مش زعلانه فـ خلاص بقا .
= أنا زعلانه منك اوي اوي عـ فكره .
- طب يلا البسي بسرعه هستناكي تحت .
اتمشينا عـ البحر وأكلنا درة وايس كريم وجابلي شيكولاتات كتير، هو مفيش شبهه انسان لطيف بطريقه ألطف حقيقي، بيشاركني كل التفاصيل اللي بحبها، قادر يغير مودي بكلمه منه، هو غالي اوي عـ قلبي ..
- امنيه أنتِ لسه عند قرارك مش موافقه عليا ؟
= سليم انت ابن خالتي وبس، أنا مش عايزه أخسرك .
- مين قال إن انا هخسرك كدا ؟
= كل النتائج بتبقي واحده فالاخر وكله بيبعد .
- بس انا مش هبعد .
= وانا مش هستني أخسرك بنفسي .
- يلا نروح الوقت اتأخر .
= صباح الخير يـ خالتي .
- صباح النور يـ نور عين خالتك .
= ابنك فين ؟
- نايم استني اصحيهولك .
= لا خليكي أنا هدخله .
- اصحي أنا عارفة انك صاحي أصلاً .
= عايزه إيه ؟
- مش بترد عـ مُكالماتي ليه ؟
= عادي مش لازم أرد .
- انت اللي بتقول كدا ؟
= ايوا ده طبيعي هو فيه حاجه ؟
- أنا المفروض اسألك، هو فيه حاجه ؟
= فيه حاجات يـ امنيه أولهم أن أنا تعبت، تعبت من أسلوبك وان أنتِ مش حاسه بيا، أنتِ متأكده أن أنا بحبك، وعارفه أن أنا مش هقدر أخسرك بس مصممه أن أنتِ تهربي من الحقيقة وخايفه من المواجهه، بس قصاد كل ده أنا مش فارق معاكي ولا حبي بالنسبالك حاجه مهمه .
- سليم اسمعني أنا مقصدش كل ده، أنا بس ..
= أنا مش عايز أسمع اي مُبررات تانيه، مش عايز اتكلم معاكي تاني .
- سليم أنا مش عايزه أخسرك صدقني اسمعني بس ..
= أنتِ خسرتيني فعلاً خلاص، اطلعي برا .
خرجت حتي معرفتش ارد عـ خالتي وهي بتكلمني، معرفش هي كانت بتقول ايه كمان، من وقتها المعامله اتغيرت مبقتش بطلع عندهم أو بطلع من أوضتي، مبقتش بعرف اشوفه، مبقاش بيجي عندنا ولا أسمع صوته صدفه، طب هو ممكن نتكلم تاني وهقوله أن انا بحبه ومش خايفه ومش هنخسر بعض !!
- تعالي يـ امنيه كلمي خالتك .
= حاضر يـ ماما .
- ازيك يـ امنيه .
= الحمدلله يـ خالتو .
- كنت عايزه اقولك حاجه بس صدقيني أنا مش موافقه عـ اللي بيحصل ده .
= حصل ايه، سليم كويس ؟
- سليم هيخطب .
مسمعتش حاجه بعد كدا غير صوت قلبي وهو بيتكسر، أنا غبيه فعلاً ؟ هو أنا بحبه فعلاً ؟ هو هيبقي ملك حد تاني ؟
- مبروك .
= الله يبارك فيكِ، عقبالك .
قعدت عـ الترابيزه وبحاول امنع دموعي أنها تنزل، أنا السبب فـ كل ده، عيونه جت فـ عيني وكأنه بيقولي كان زمانك أنتِ مكانها، مقدرتش استحمل ورجعت البيت..
- ازيك يـ امنيه .
= الحمدلله، رايح فين كدا ؟
- هخرج أنا وخطيبتي، تيجي معانا ؟
= لأ، عن أذنك .
- صاحيه ليه دلوقتي ؟
= مش عارفه أنام، وانت ؟
- بكلم خطيبتي .
= تمام .
هو كل شويه خطيبتي خطيبتي هو آخر واحد يخطب !! بدأت اتعامل معاه كأنه ابن خالتي وبس، أو بحاول اتأقلم عـ وجودها فـ حياته واتعايش مع الموضوع وأبان عادي عشان مفيش حد يلاحظ، حد ايه بقا ما هما كلهم عارفين ...
- هتفضلي كدا ؟
= افضل إزاي يـ خالتي يعني !
- أنتِ فاهمه قصدي كويس، هتفضلي كدا كتير ؟
= أعمل ايه يعني هو بقا فيه حد تاني معاه خلاص .
- أنتِ لسه بتحبيه !
= بحبه اوي والله .
- وهو مش هيكون لحد غيرك .
= إزاي يعني .
- مانا كان لازم اعمل كل ده عشان اعرف أنتِ بتحبيني زي مانا بحبك ولا لأ .
= انت ايه اللي جابك هنا ؟
- بيت خالتي هو بيتي .
= ايه اللي جابك بردو وايه الكلام ده .
- اكتشفت أن مش هعرف اعيش عمري اللي جاي ولا حد هيستحملني غيرك .
= ومين قال إن انا هوافق .
- لا أنا مش هستني توافقي، أنا هتجوزك حالاً .
= أنا مش موافقه .
- ابعت يـ عمي جيب المأذون .
= بشرط، هتشرب شاي بالنعناع معايا ؟
- هشرب شاي بالنعناع معاكي .
= موافقه .
" لدقُت طبولُ القلب لوصوله سالماً، فـ أنا لا أريد مُحباً غيره .."
كنت أشعر بک فـ أحلامي قبل أن التقيك .
أمنيه محمد.
- عاالم مختلف )" 💛✨
