الفصل الثامن
أغلق ياسين الباب بقوة بينما تراجعت چمان بخوف وبدأت في البكاء بصمت دون إصدار صوت، كاد يقترب منها فتراجعت للخلف بخوف شديد وهي تحمي وجهها بيدها، زفر بغضب وهو يدور في المكان
ياسين بصراخ : أنا جيت نحيتك ولا كلمتك عشان تبدأي مناحة، ردي يا بنت الناس
چمان ببكاء : لا
ياسين وهو يمرر يده في شعره : أومال ايه ؟ عرفيني كده عشان متغباش بجد
چمان : خايفه تضربني تاني، أنا مكنتش أعرف إن عشق ...
ياسين بغضب جنوني : متقوليش اسمها قدامي أنا يتقالي يا ابن ستين كلب وقدام ...
اتسعت أعين چمان وحاولت كبت ضحكتها بصعوبة ليضيق عيناه قائلاً : استني بتكتمي الضحكة صح ولا أنا غلطان ؟
چمان : أحم مقصدش
ياسين بغيظ : قوليلي بقى يوم أما طولتي لسانك عليا دا تصرف مين ؟
چمان : احم كنت بحاول اقلدها
ياسين بتحذير : إياكي تعيديها قدامي يا چمان تاني كمان احذري اوي تبقي عناديه أنا الشخصيات دي مش بتاكل عيش معايا بتحول وقتها للأسوأ
چمان بهمس : هو في أسوأ من كدة
اقترب منها بتحذير ثم وضع يده بجانب رأسها واردف : بتقولي ايه ؟
چمان بتوتر : مبقولش
ياسين : بصي ليا كده
نظرت له لتصبغ وجنتيها باللون الأحمر تلقائي، ابتسم بخفة وهو يقبل جبينها ثم قال : أنا أسف يا چمان
أغمضت عيناها بقوة ثم دفعته بخفة وانطلقت جرياً للحمام، غبية او طيبه لا يعرف لكنه يعرف أنها نقيه عكس تلك ال ... ما أسوأ حظ رعد في هذه الدنيا
★★★★★★★★★★★★★★
جلست لارا في سريرها الكبير بجانبها الكثير من العاب الفتيات التي ما زالت تحتفظ بها منذ ان كانت طفلة، ضمت دب كبير أحضره لها أدهم ثم تنهدت وهي تستنشقه وكادت تغمض عيناها لولا انفتاح الباب ودخول أدهم
أدهم : صاحيه ؟
أكدت برأسها وهي تترك الدب فاتجه يجلس أمامها ثم رفع يده يضع خصلاتها خلف أذنها وحاوط وجنتها يداعبها بإبهامه
أدهم : لسه صاحية ليه ؟
لارا بتنهيد : كنت بذاكر وقررت أفصل شوية بعدين هكمل، مفيش نوم
أدهم وهو يقبل أرنبة أنفها : على فكرة يعني بناقص الكلية اللي تتعب لولتي
لارا بضحكة بسيطة : طب بحبك بقى
أدهم بتفكير : أممم منا عارف، كنتِ بتذاكري ايه بقى ؟
لارا بتنهيد : باثولوجي مش حابه اقول مادة باردة عشان كل المواد باردة، مفيش حاجة في الدنيا حلوة غيرك
أنت تقرأ
عشق الرعد
General Fictionفتاة في مقتبل عمرها ذو صفات كثيرة سيئة، أولها الأنانية والغرور، تعيش بحرية أعطاها إياها والدها، وثقة جعلتها تفعل خطأ من خلفه، حين أدرك خطئها وأنه تكرر؛ بسبب حبه وثقته التي أغدقها بها قرر زواجها من شخص، بينما يعيش بطلنا حياة هادئة لا يوجد احد فيها س...
