عشق الرعد

عشق الرعد الجزء الرابع

فصل رمضان

في ذاك القصر الذي بات وجودنا به شيء أساسي، وقد اعتادنا على أصحابه جميعهم، مهما ضاقت على أهله يأتي الفرج وهم على يقين به، ضحكات أهله ربما لا تصدح لكنها موجودة، فهم الأب كيف تسير الدنيا وبات يجعل أولاده يسيروا على خطاه، كل واحد يبحث عن سعادته، ويسعى للوصول إلى السلام النفسي الذي وصل له الوالد

اغلق ريان الباب عقب اجتماع أخواته في أول ليلة للشهر المُبارك، كلمة واحدة قالها الرعد : كالعادة

لمعت أعين الجميع وكأنها أول مرة يستمعوا لهذا الحديث، تحدث رعد : السنة كام شهر؟

رد الجميع : اتناشر

أردف رعد بهدوء : كتير علينا شهر في السنة نسيب ملاذ الحياة، باقي الأيام مسئولين عن نفسكم الشهر دا بالذات أنا مسئول منكم، طبعًا احنا رجالة اة بس بندلع ولا ايه يا رعد؟

نظر الصغير له بانتباه واردف : اة طبعًا يا بابا اللي تشوفه

ضحك بخفة وهو يقول : مشكلتك أنت مش مركز، مبتعرفش تركز في حاجة غير شغلك، دا شيء مش وحش بس مش حلو

صمت قليلاً وأكمل : المهم فطار يوم واحد في رمضان عليه إثم عظيم، مش حاجة تمر مرار الكرام، أنا بقى مش هقول لو عملت كده ترجع عن الغلط إزاي لأن مش مسموح يحصل كده، رمضان مش صيام عن الأكل والشرب بس، الشهر دا كفيل يرفعك لسابع سما، استغلوه يا جيش الرعد، الصدقة واجب عليك كل يوم، ربنا اداك خير كتير اوي مش هيقل حاجة لما تطلع منه لله، بس خليك فاكر وأنت بتطلع كل دا ما هي إلا مال الله ويخرج لله

عاد يسكت قليلاً يستدعى انتباههم واردف : اليوم أربعة وعشرين ساعة ومفيش حد في الدنيا مشغول الأربعة وعشرين ساعة، جسمك ليه حق عليك، أهل بيتك ليهم حق عليك، مراتك ليها حق عليك، والأهم ربنا الحق الأكبر فيك ليه، الصلاة إياكم والكسل دقيقة واحدة عن معادها، وإياكم وترك صلاة الجماعة يا جيشي، القرآن الكريم شفيعك يوم القيامة يوم لا ينفع مال ولا بنون، الأذكار، الدعاء، كل حاجة حتى الغلبان اللي قاعد في الشارع وربنا جعلك سبب في رزقه مفهوم؟

رد الجميع : مفهوم يا بابا

تحدث رعد الكبير بخبث طفيف : ويا ريت نتجنب الذنوب بأشكالها، نظره، همسة، هزار، حاجات كده مش أخلاقنا ولا ايه رأيك يا رعد؟

رد رعد الصغير بتلقائية : اتجوزتها والله العظيم خلاص

ضحك اخواته بشماته وخبث، نظر لهم بغيظ دفين واردف رعد بإبتسامة طفيفة : وكالعادة ذي كل سنة هستنى منكم حاجات كويسة، وكلي يقين إنكم اسباب وضعها ربنا لناس كتير

وقف ريان قائلاً بإبتسامة : بابا حابب اقولك آيه قرآنية جات على بالي الوقتي وبحسك في كل كلمة