عشق الرعد

عشق الرعد الجزء الأول

الفصل الخامس

السكون يعم المكان، الجميع يخلد في نوم عميق كذلك هي أوشكت على النوم بعمق، دخل الغرفه يفتحها بمفتاحه الشخصي ثم أغلق الباب خلفه يتجه لها، جلس بجانبها يمرر يده على شعرها الذي ينساب على الوسادة خلفها

عشق بفزع وهي تجلس : مين ؟

رعد : طب ما أحنا صاحين وحلوين اهو، مش بنرد على التليفون ليه بقى ؟

عشق بتعلثم : عادي مش بسمعه

رعد بحدة طفيفة : تلت أيام يا عشق مش بتسمعيه، بتضحكي على مين هاا ؟ ممكن افهم في ايه ؟

عشق : عايزه أنام ممكن تقفل النور الكبير وترجع تفتح التاني

رمقها بنظرة لم تفسرها ليردف : ممكن اوي

خلع جاكته يليه قميصه وبقى عاري الصدر يغلق النور وتمدد على السرير بجانبها، شهقت بخفوت وهي تقول : أنت نايم كده ليه قوم البس عيب

عاد يتأملها بنظرة ربما مستغربة، حسنًا هو محق فهي في لحظات خجولة وآخرى غير هذا، وضع ذراعه على عيناه ثم قال : نامي يا عشق

عشق برفض قاطع : لا أما تقوم الأول بعدين أنت مش المفروض جاي بعد أسبوعين

رعد باستغراب وهو ينظر لها : بس أنا قولت يومين

عشق بحدة : وغيبت تلت أيام وطبعاً لولا منا تجاهلتك كنت كملت هناك صح ؟ على العموم يعني ميهمنيش يوم من اتنين من أسبوعين ما أنت عارف اللي فيها جوازنا عبط

رعد بنبرة هادئة : طيب نامي يا عبط

عشق : أنت مش دايمًا بتاخد شاور قوم خد والبس هدومك

رعد وهو يغلق عيناه : مليش مزاج

عشق وهي تدفعه : قوم يا رعد بقولك مش هتنام جنبي عريان كده

زفر بضيق وهو يتجه للخزانه اخرج بنطلون منزلي يبدل بنطلونه ثم عاد ينام بجانبها قائلاً : والله منا نايم غير كده وإن كان عاجب، استغفر الله العظيم بتخليني أحلف على حاجة تافهة ليه ! عشق لو سمحتي نامي

عشق بزفير وهي تعتدل جالسة : وأنا كنت قولتلك أحلف، أتفضل قوم من جنبي ولا أقولك أنا سيبهالك نهائي وهقوم

كادت تقف مبتعدة لكنه قبض على يدها قائلاً بنبرة تحمل غضب دفين : أبقي خليكي قومي من على السرير فاهمه ؟

ترك يدها ثم أغمض عيناه بينما جعدت ملامحها بخوف واضح وهي تتراجع على ظهره السرير، فتح أحد عيناه لتعتلي إبتسامة بسيطة ثغره، تمتم بنبرة خافتة : جبانة اوي

عشق بحدة وهي تجلس على ركبتيها : أنا مش جبانة

رعد بسخرية : ما هو واضح، يلا نامي وخليني أنام

جذب قدميها على غفلة فشهقت بقوة وهي تتمدد على ظهرها، سحبها داخل أحضانه ليقرص أنفها قائلاً : من تلت أيام شقاوتنا كانت عالية وخجلنا كان مفيش، ايه اللي جد ؟