دخلو المجلس وهي كانت ترجف من خوفها من عدم تقبلها بينهم
بدر بصوت جهوري : السلام عليكم
كلهم لفوا لجهت الباب : وعليكم السلام
الجد سليمان : وين الهنوف يابدر ليه ماجبتها
بدر : جبتها يبه بس بالأول بقول شيء على انفراد
الجد سليمان بإستغراب : قول محد فيه غريب
بدر : يبه الموضوع ابغيه بيني وبينك
الجد سليمان : تعال نطلع
طلعوا من المجلس للحديقة الموجود بجنب المجلس...
نرجع للهنوف بعد ماقال لها بدر تجلس قدام باب المزرعه على كراسي وطاوله يفهم ابوه السالفه حتى يرجع جلست وانتظرته طول وهو ماجاء
استغرب من الأنثى الي جالسه قدام الباب وانها موب من بنات عمه الي يعرفهم ناظر فيها بتعجب لشدة بياضها والى عبايتها المخصر والمطرزه وعيونها الناعسه ورموشها الكثيفه كانت حاطه مكياج خفيف ولابسه نقاب ومبينه عيونها
الجارح بصوت جهوري : من انتي يابنت
الهنوف بخوف : انت الي مين
الجارح رفع حاجبه اليمين : انا من أصحاب هالمكان والمزرعه ذي حقت جدي انتي الي مين وش تسوين هنا
الهنوف ماردت عليها وتجاهلت سؤاله
الجارح بعصبيه : قاعد اكلمك وراء ماتردين
الهنوف بنرفزه : لو سمحت تكلم بصوت منخفض لأني ماحب الصوت العالي وبعدين مين انت حتى اجاوبك
الجارح بنظرات حاده : انا الجارح بن سلطان يابنت
الهنوف بثقه : وانا الهنوف بنت راشد ياولد
الجارح عقد حواجبه : انتي الهنوف بنت عمي راشد
الهنوف بتوتر : اي بنت راشد
جاء جهاد وهو مستغرب البنت الي واقفه مع الجارح : الجارح وش تسوي ومن البنت هاذي ؟
الجارح ناظر فيه ومرر انظارة على الهنوف : اعرفك الهنوف بنت عمي راشد
جهاد بابتسامة : تشرفنا يا هلا والله تو نورت المزرعة
الهنوف بحياء : هلابك زود منوره بأهلها
الجارح انصدم من حياها موب نفسها الي قبل شوي كان بيدفنها بأرضها من طول لسانها
جهاد : وراكم وقوف ادخلو
الهنوف : عمي بدر يقول انتظريني هنا و بنتظره حتى يرجع
جهاد بإستغراب : ليه هو وينه بدر
الهنوف : داخل بيكلم جدي ويجي
جهاد بتفهم : اها زين
الجارح ناظر فيها بأعجاب : انا تستأذن بروح داخل اتريح شوي
جهاد : الله معك
نرجع للجد سليمان و بدر
بدر : هاذي كل السالفه و انا ماودي بنت اخوي تعيش معهم لو على رقبتي من بعد الي سمعته وشفته
الجد سليمان : الله لا يسامحك ياعائشه شلون قدر قلبها يسوي في بنتها كذا
بدر بحزن : الله العالم وش سوت فيها أكثر من كذا مدري شلون تحملت امها وخوالها
الجد سليمان : روح نادها لي مشتاق لها
بدر : ابشر يبه دقايق وراجع لك
راح بدر للهنوف وشافها جالس والواضح عليها سرحانه
مسكها من خصرها وضغط عليها الهنوف خافت وفزت
الهنوف بخوف : يمه قلبي حرام عليك بغاء قلبي يوقف من الخوف
بدر بضحكه : هههههههه سلامت قلبك ليتك شفتي شكلك وانتي خايفه نكته
الهنوف بنرفزه : ويع منك مسوي فيها انت وجهك
بدر بمزح : هيه تراني عمك مو واحد من عيال الجيران عشان تكلمينه كذا
الهنوف بطولت بال : بنجلس واقفين كذا موب داخلين
بدر بتذكر : يووه نسيت ابوي ينتظرك
الهنوف بخوف : بدر دخيلك خلك معي لاتتركني
بدر : لاتخافين تعالي معي
أنت تقرأ
تحرم علي الضحكه وانتي بالخفاء تبكين
Mystery / Thrillerرواية سعودية تتحدث عن: استخباراتي يراقب عصابة المجرمين وهي مع مجرمين قتلوا ابوها وخطفوها وهي صغيرة وكبرت معاهم وتربت معاهم من وهي صغيرة وتلتقي معاه بالصدفة ، اما هو كان يراقبهم من بعيد لبعيد يشوفها و هي تدرب على السلاح والمبارزة وتلبس ملابس رجال ي...
