تحرم علي الضحكه وانتي بالخفاء تبكين

البارت 1

اول روايه لي اكتبها بقلمي اتمنى انها تعجبكم

**جميع أبيات الشعر "منقوله"**

البارت: 1

الشخصيات :

عائلة الجد سليمان : سلطان - سيف - راشد (متوفي) - خالد - بدر - فاطمة - فوزيه - عبير
زوجته : خديجه

عائلة سلطان: جهاد - الجارح - ذيب - نجوم - نجد
زوجته : سميرة

عائلة سيف: رائد - فياض - برق - الشموخ - تالا
زوجته : سارة

عائلة راشد : الهنوف
زوجته : عائشة

عائلة خالد : شروق - شاهين - أمير - لينا - هياف
بدر : عزابي

صحت قبل شروق الشمس شافت الساعة 5:30 تذكرت ان صلاة الفجر راحت قامت بسرعه اخذت لها شاور ولبست وصلة صلاة الفجر نزلت للمطبخ تسوي لها و ل امها فطور جهزت الفطور وراحت تصحي امها تفطر معها قبل تروح ل الشركه

الهنوف : يمه يالله قومي صلي وتعالي افطري معي
ام الهنوف : زين سبقيني وبلحقك يامال الوجع
الهنوف : يلا انتظرك لا تتأخري

نزلت الهنوف و ماهي إلا دقايق ونزلت امها
ام الهنوف وهي تجلس تفطر : يالله صباح خير على مقابل هالوجه اقول الهنوف كيف بتروحين لشركة
الهنوف بغصه من كلام امها : بروح مع تاكسي حتى أدبر لي سيارة
ام الهنوف : هذا اول يوم تروحي فيه لشركة
الهنوف : اي يمه لا تنسين ادعي لي يالغاليه
ام الهنوف : وجهك موب وجه شغل عشان ادعي لك
الهنوف : الله يسامحك يلا يمه انا رايحه تأمرين بشي قبل لا امشي
ام الهنوف بكره وحقد : لا ماودي منك شيء درب تسد ولا ترد قطيعه

طلعت الهنوف من البيت وهي حزينه من تصرفات امها معاها لان امها بتتزوج وتتركها وماتبغيها تسكن معاها هي و زوجها لانه رافض فكرت ان تسكن معه بنت مايعرفها شافت عمها بدر واقف قدام بيتهم وراحت له
الهنوف : عمي بدر وش تسوي هنا من بدري
بدر : ابوي يقول روح جيب الهنوف من عند خوالها وجيت عشان اخذك
الهنوف : ليه وش يبغي مني
بدر : مدري عنه ياعين ابوي لكن وين رايحه من هالصباح
الهنوف : لقيت لي شغل ب شركة واليوم اول يوم لي بروح تأخرت
بدر : افا تعالي اشتغلي بشركة ابوي
الهنوف : لا ياعمي انا ابغي قريب من امي وشركة جدي بعيده عن خوالي و انا مقدر اخلي امي
بدر : افا و انا عمك ناخذ امك معنا وتسكنون عندنا بعد وش تبغين اكثر من كذا
الهنوف : اخاف امي ماتوافق
بدر : ماعليك خلي هالموضوع علي روحي جهزي اغراضك بمرك الظهر و اخذك معي انتي و امك
الهنوف : زين تأمر على شي
بدر : مايامر عليك ظالم يابوي

راحت الهنوف البيت ودخلت على امها وقالت لها السالفه
ورفضت انها تروح معها لأنها بتتزوج الأسبوع الجاي و ماتحب اهل الهنوف وهي متزوجه ابو الهنوف غصب عنها ومن بعد ماتوفى اخذت الهنوف ورجعت عند اهلها وهي ماتحب الهنوف لأنها تذكرها ب " راشد " ابو الهنوف

الهنوف : يمه شلون ماتبغين تروحين بتخليني لحالي عندهم
ام الهنوف : اي روحي عند اهلك يصرفون عليك انا تعبت منك ومن مصروفك وطلباتك و انتي تعرفين ان اهلي حطوني في البيت الخرابه لأنهم مايبغونك روحي مع عمك لأهلك وانا برجع لأهلي و احضر تجهيزات زواجي

الهنوف انصدمت من كلام امها انها تطرده من بيتها
وهي تدري ان امها اصلاً ماتحبها لأنها دائماً تظربها وتخليها مثل الخادمه لها تجمعت الدموع بعيونها ماقدرت تتكلم من شعور الألم الي بقلبها من يوم مات ابوها وهي مكسورة من امها ومن الدنيا تمنت انه كان عايش معاها ماكان صار فيها كل هذا ابوها كان سندها في الحياة وذلحين فقدت سندها تمنت الايام ترجع وتبقى معاه وتعوض كل وقت فات بدونه بس الموت مايعرف لا صغير ولا كبير ولا اب ولا ام

"(لو المقابر تسمح بشوف مرحوم
رحت ولمحت المندفن في ترابه)"

الهنوف بغصه وحزن : الله يسامحك يمه ماتوقعت كرهك لي لذي الدرجه لكن انا راجعه عند اهلي جدي وجده و أعمامي و عماتي لأنهم بيرحبون فيني عكسك انتي وخوالي ماتبغوني لاني بنت راشد
ام الهنوف : الله لايردك ولا بالساعه الي جابتك

بدر كان واقف قدام باب البيت وسمع كل كلامهم انصدم ان الهنوف كانت تعاني من امها وخوالها
بدر: الا يابنت الكلب شلون قدر قلبك يقسى عليها عشانها بنت راشد هين ان عاد شفتيها بحق يابنت الكلب

نرجع ل الهنوف
كانت ترتب ملابسها في شنطه و أغراضها الي تحتاجهم
خلال فترة جلوسها عند جدها كانت دموعها على خدها من حقد امها وخوالها عليها وش ذنبها مالها ذنب في شي ولو الود ودها كان الحقت ابوها يوم توفى

ام الهنوف : اخذي اغراضك كلها ماعاد لك رجعه يابنت راشد انا بتزوج وبشوف حياتي و انتي خليك عند جدك
لان اهلي مستحيل يتقبلونك

الهنوف مسحت دموعها عشان امها ماتشوفها : بروح ولا عاد يهمني احد لا انتي ولا اهلك لان محد حسسني منكم بالأمان كل حياتي الي عشتها معكم كانت خوف ورعب من قسوتكم علي وبروح ولا عاد برجع لك صدقيني
ام الهنوف : روحه بلا رجعها ان شاء الله

راحت الهنوف لقت عمها عند الباب واقف ينتظرها شاف لمعت الدموع بعيونها لكن ماتكلم مايبغى يزيد عليها ألمها
بدر : يالله مشينا ياعين ابوي
الهنوف : يالله لحظه بجيب جوالي وجي
بدر : زين بنتظارك
رجعت الهنوف وركبت مع عمها بدر و راحوا متوجهين للمزرعه حقت جدها
بعد مسافة طويله أدخلو المزرعه وهي متمسكه في عمها بدر
بدر : الهنوف وش فيك ترجفين كذا وش بلاك
الهنوف بخوف واضح : خايفه
بدر بإستغراب: خايفه؟ من وش تخافين ؟
الهنوف بغصه : اخاف مايتقبلوني ويعاملوني نفس معاملت امي
بدر بحزن على حالها : لا تخافين و انا معك مابتركك
الهنوف بتوتر: الله يديمك لي بس ياويلك مني لو تركتني بينهم لاني ماعرف منهم إلا أنت
بدر بضحكه : مابتركك لا تخافين تعالي ندخل نسلم عليهم

**بدر عم الهنوف الأصغر عمره 27 كل عيال إخوانه يحبونه والي يشوفهم يقول اخوهم موب عمهم لانه متربي معاهم وكلهم يشاركونه في غرفته وفي أغراضه وهو يحبهم **

حسابي في الانستقرام ذا هو(wiir_14 ) 👉