شتت انظارها يوم تلاقت عيونها بعيون الجارح لأنها تخاف منه من بعد الي صار لهم بالملحق ناظر فيها يوم شتت انظارها وتوترها الي واضح
جهاد وهو يصب له شاهي : وين بدر طلع قبل شوي لكم وينه ماشوفه
برق بسخريه: ابد طال عمرك سوا دراما هو وبنت اخوه وذلفوا
جهاد و الجارح عقدو حواجبهم: ليه وش صاير ؟
برق قالهم كل شي وهو متنرفز من بدر ولينا
جهاد بذهول: اهب عساها ماتبعث وش مسويه لها يالهنوف حتى تتكلم عليك
الهنوف ببرائه: والله ماسويت لها شي
الجارح وهو يعقد حواجبه بعصبيه : وانتي المفروض ماتسكتين لها كان لازم تدافعين عن نفسك ولا عاجبك الي تقوله عنك وقذفها بشرفك؟
الهنوف خافت منهم ولا ردت عليهم
نجد لاحظت خوف الهنوف: شوي شوي على البنت ترى مالها ذنب خوفتوها تراكم
جهاد وهو يناظر فيها : الهنوف حنا ماقصدنا نخوفك حنا مانبغيك تسكتين وتخلينهم يتمادون عليك
جات الشموخ وهي تجلس : وش فيكم وراء وجيهكم قالبه
سكتوا ماردو عليها وكملو لعب وسوالف
جات فوزيه : وينها قليلة الحياء شلون تسوي في لينا كذا
(** للمعلومة زوجت خالد متوفيه بمرض السرطان **)
وقفوا العيال وهم يشوفون الشياطين فوق راس فوزيه
نجد وهي توقف : من تقصدين يافوزيه
فوزيه ناظرت في نجد : هالي ماتتسمى الهنوف الله لا يعطيها العافيه
الهنوف وقفت : وش سويت للينا ياعمه؟
فوزيه بعصبيه: عمت عينك ماني عمه لك يابنت السحاره
تقدم الجارح بعصبيه: التزمي حدودك يا فوزيه والهنوف ماسوت لكم شي حتى تعاملونها كذا
فوزيه بسخريه: ماشاء الله قلبتي مخهم وسحرتيهم حين جيتي وش بتوقع منك امك قبل سحرت اخوي راشد حتى تزوجها وعطاها املاكه وذلحين جيتي تكملين الشيء الي سوته امك
انصدمو من الكف الي جاء فوزيه وهالمرة موب من بدر لا من الجد سليمان بحد ذاته
الجد سليمان بعصبيه: اقطعي صوتك صدق اني ماعرفت اربيك البيت الي انتي فيه احترميه والهنوف اشرف من كلامك هاذي تربايت راشد ماهي تربايتي راشد عرف يربي لكن انا ماعرفت اربيك انقلعي من قدام وجهي وعيني لاتشوفك لين تعتذرين من الهنوف ولا بيتي يتعذرك انتي وبنتك
انصدمو من كلام جدهم وعصبيته
الهنوف بخوف وهي تقرب من جدها وتمسك يده : لا ياجدي لاتقول كذا انا سامحتها بس لا تشتت عيالك وبناتك
العيال ناظرو في الهنوف وفي جدهم ينتظرونه يتكلم
الجد سليمان بحنيه وهو يمسح على رأسها ويناظر فوزيه: شفتي الفرق بين تربيتي وتربيت راشد الله يرحمه شوفيها يافوزيه وعشان خاطر الهنوف سامحتك
فوزيه ناظر الهنوف بإستصغار وراحت للبيت
--------------------------
قسم الحريم كانو على الشباك وشافو كل شي صار
الجده خديجة: ياحسافة تربيتي فيك يافوزيه شوفي وتعلمي منها " تقصد الهنوف "
فوزيه بغضب: هاذي الحيه يا انا ياهي بهالبيت وانا راجع لزوجي الليلة
ام الجارح : انتظري لبكرة كلنا راجعين وارفقي بالبنت يافوزيه مالها احد غيرنا
فوزيه بحقد : الله ياخذها دخلت بينا وسوت مشاكل
ام الجارح بحزن على حال الهنوف: انا صحيح ماكنت متقبلتها في البدايه بس دخلت قلبي بطيبتها معانا ومع بناتي بس انتي مدري وش مشكلتك معاها
فاطمه بغيض : ويع انا موب متقبله بنت عائشة بينا ومستحييل اتقبلها
توجهت فوزيه لغرفتها وشافت بنتها نايمه وجلست بجنبها ومسحت على راسه وهي تخطط تنتقم من الهنوف
دخلت عليها لينا : عمه اشكرك على وقفتك معي بس صدقيني الهنوف مدري وش مسويه لهم عشان يحبونها
أنت تقرأ
تحرم علي الضحكه وانتي بالخفاء تبكين
Mystery / Thrillerرواية سعودية تتحدث عن: استخباراتي يراقب عصابة المجرمين وهي مع مجرمين قتلوا ابوها وخطفوها وهي صغيرة وكبرت معاهم وتربت معاهم من وهي صغيرة وتلتقي معاه بالصدفة ، اما هو كان يراقبهم من بعيد لبعيد يشوفها و هي تدرب على السلاح والمبارزة وتلبس ملابس رجال ي...
